บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 25 : PALI ROMAN Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto
Dhammapadagathaya ekunavisatimo dhammatthavaggo [29] |29.256| 19 Na tena hoti dhammattho yenattham sahasa naye yo ca attham anatthanca ubho niccheyya pandito |29.257| asahasena dhammena samena nayati pare dhammassa gutto medhavi dhammatthoti pavuccati. |29.258| Na tena pandito hoti yavata bahu bhasati khemi averi abhayo panditoti pavuccati. |29.259| Na tavata dhammadharo yavata bahu bhasati yo ca appampi sutvana dhammam kayena passati sa ve dhammadharo hoti yo dhammam nappamajjati. |29.260| Na tena thero hoti yenassa palitamsiro. @Footnote: 1-2 Ma. Yu. bahire. Paripakko vayo tassa moghajinnoti vuccati. |29.261| Yamhi saccanca dhammo ca ahimsa sannamo damo sa ve vantamalo dhiro so theroti pavuccati. |29.262| Na vakkaranamattena vannapokkharataya va sadhurupo naro hoti issuki macchari satho. |29.263| Yassa cetam samucchinnam mulaghaccam samuhatam sa vantadoso medhavi sadhurupoti vuccati. |29.264| Na mundakena samano abbato alikam bhanam icchalobhasamapanno samano kim bhavissati. |29.265| Yo ca sameti papani anumthulani sabbaso samitatta hi papanam samanoti pavuccati. |29.266| Na tena bhikkhu so hoti yavata bhikkhate pare vissam dhammam samadaya bhikkhu hoti na tavata. |29.267| Yodha punnanca papanca bahetva brahmacariyava sankhaya loke carati sa ve bhikkhuti vuccati. |29.268| Na monena muni hoti mulharupo aviddasu yo ca tulamva paggayha varamadaya pandito |29.269| papani parivajjeti sa muni tena so muni yo munati ubho loke muni tena pavuccati. |29.270| Na tena ariyo hoti yena panani himsati. Ahimsa sabbapananam ariyoti pavuccati. |29.271| Na silabbatamattena bahusaccena va pana athava samadhilabhena vivittasayanena va |29.272| phusami nekkhammasukham aputhujjanasevitam bhikkhu vissasamapadi appatto asavakkhayam. Dhammatthavaggo ekunavisatimo. ------------- Dhammapadagathaya visatimo maggavaggo [30] |30.273| 20 Magganatthangiko settho saccanam caturo pada virago settho dhammanam dipadananca cakkhuma |30.274| eseva maggo natthanno dassanassa visuddhiya. Etanhi tumhe patipajjatha marassetam 1- pamohanam |30.275| etanhi tumhe patipanna dukkhassantam karissatha. Akkhato vo maya maggo annaya sallasatthanam 2- |30.276| tumhehi kiccam atappam akkhataro tathagata patipanna pamokkhanti jhayino marabandhana. |30.277| Sabbe sankhara aniccati yada pannaya passati atha nibbindati dukkhe esa maggo visuddhiya. |30.278| Sabbe sankhara dukkhati yada pannaya passati @Footnote: 1 Po. marasenappamohanam . 2 Ma. sallakantanam. Yu. sallasanthanam. Atha nibbindati dukkhe esa maggo visuddhiya. |30.279| Sabbe dhamma anattati yada pannaya passati atha nibbindati dukkhe esa maggo visuddhiya. |30.280| Utthanakalamhi anutthahano yuva bali alasiyam upeto samsannasankappamano kusito pannaya maggam alaso na vindati. |30.281| Vacanurakkhi manasa susamvuto kayena ca akusalam na kayira ete tayo kammapathe visodhaye aradhaye maggam isippaveditam. |30.282| Yoga ve jayati 1- bhuri 2- ayoga bhurisankhayo etam dvedha patham natva bhavaya vibhavaya ca tathattanam niveseyya yatha bhuri pavaddhati. |30.283| Vanam chindatha ma rukkham vanato jayati bhayam chetva vananca vanathanca nibbana hotha bhikkhavo. |30.284| Yavam hi vanatho na chijjati anumattopi narassa narisu patibaddhamano va tava so vaccho khirapakova matari. @Footnote: 1 Yu. jayate . 2 Yu. bhuri. |30.285| Ucchinda sinehamattano kumudam saradikamva panina santimaggameva bruhaya nibbanam sugatena desitam. |30.286| Idha vassam vasissami idha hemantagimhisu iti balo vicinteti antarayam na bujjhati. |30.287| Tam puttapasusammattam byasattamanasam naram suttam gamam mahoghova maccu adaya gacchati. |30.288| Na santi putta tanaya na pita napi bandhava antakenadhipannassa natthi natisu tanata |30.289| etamatthavasam natva pandito silasamvuto nibbanagamanam maggam khippameva visodhaye. Maggavaggo visatimo. -----------The Pali Tipitaka in Roman Character Volume 25 page 49-53. http://84000.org/tipitaka/read/roman_item_s.php?book=25&item=29&items=2&modeTY=2 Classified by [Item Number] :- http://84000.org/tipitaka/read/roman_item_s.php?book=25&item=29&items=2&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=25&item=29&items=2&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=25&item=29&items=2&modeTY=2 Study Atthakatha :- http://84000.org/tipitaka/attha/attha.php?b=25&i=29 The Pali Atthakatha in Thai :- http://84000.org/tipitaka/atthapali/read_th.php?B=24&A=828 The Pali Atthakatha in Roman :- http://84000.org/tipitaka/atthapali/read_rm.php?B=24&A=828 Contents of The Tipitaka Volume 25 http://84000.org/tipitaka/read/?index_25
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]