บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
[231] Tena samayena buddho bhagava savatthiyam viharati jetavane anathapindikassa arame . tena kho pana samayena bhikkhuniyo bhikkhuninam hatthe civaram nikkhipitva santaruttarena janapadacarikam pakkamanti . tani civarani ciram nikkhittani kannakitani honti . Tani bhikkhuniyo otapenti . bhikkhuniyo ta bhikkhuniyo etadavocum kassimani ayye civarani kannakitaniti . athakho ta bhikkhuniyo bhikkhuninam etamattham arocesum . ya ta bhikkhuniyo appiccha .pe. Ta ujjhayanti khiyanti vipacenti katham hi nama bhikkhuniyo bhikkhuninam hatthe civaram nikkhipitva santaruttarena janapadacarikam pakkamissantiti .pe. saccam kira bhikkhave bhikkhuniyo bhikkhuninam hatthe civaram nikkhipitva santaruttarena janapadacarikam pakkamantiti . saccam bhagavati. {231.1} Vigarahi buddho bhagava katham hi nama bhikkhave bhikkhuniyo bhikkhuninam hatthe civaram nikkhipitva santaruttarena janapadacarikam pakkamissanti netam bhikkhave appasannanam va pasadaya .pe. Evanca pana bhikkhave bhikkhuniyo imam sikkhapadam uddisantu ya--------------------------------------------------------------------------------------------- page136.
Pana bhikkhuni pancahikam sanghativaram 1- atikkameyya pacittiyanti. [232] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . pancahikam sanghativaram atikkameyyati pancamam divasam panca civarani neva nivaseti na parupati na otapeti pancamam divasam atikkameti apatti pacittiyassa. [233] Pancahatikkante atikkantasanna apatti pacittiyassa . pancahatikkante vematika apatti pacittiyassa . Pancahatikkante anatikkantasanna apatti pacittiyassa . Pancahanatikkante atikkantasanna apatti dukkatassa . Pancahanatikkante vematika apatti dukkatassa . pancahanatikkante anatikkantasanna anapatti. [234] Anapatti pancamam divasam panca civarani nivaseti va parupati va otapeti va gilanaya apadasu ummattikaya adikammikayati. -------- Naggavaggassa pancamasikkhapadamThe Pali Tipitaka in Roman Character Volume 3 page 135-136. http://84000.org/tipitaka/read/roman_item_s.php?book=3&item=231&items=4&pagebreak=1&modeTY=2&mode=bracket Classified by content :- http://84000.org/tipitaka/read/roman_item_s.php?book=3&item=231&items=4&pagebreak=1&modeTY=2 Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=231&items=4&pagebreak=1&modeTY=2&mode=bracket Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=231&items=4&pagebreak=1&modeTY=2&mode=bracket Study Atthakatha :- http://84000.org/tipitaka/attha/attha.php?b=3&i=231 The Pali Atthakatha in Thai :- http://84000.org/tipitaka/atthapali/read_th.php?B=2&A=11475 The Pali Atthakatha in Roman :- http://84000.org/tipitaka/atthapali/read_rm.php?B=2&A=11475 Contents of The Tipitaka Volume 3 http://84000.org/tipitaka/read/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]