paliTIPITAKA Volume 3 - Vinaya Pitaka 3

page184.

Aramavaggassa tatiyasikkhapadam [338] Tena samayena buddho bhagava savatthiyam viharati jetavane anathapindikassa arame . tena kho pana samayena candakali bhikkhuni bhandanakarika hoti kalahakarika vivadakarika bhassakarika sanghe adhikaranakarika . thullananda bhikkhuni tassa kamme kayiramane patikkosati. [339] Tena kho pana samayena thullananda bhikkhuni gamakam agamasi kenacideva karaniyena . athakho bhikkhunisangho thullananda bhikkhuni pakkantati candakalim bhikkhunim apattiya adassane ukkhipi . Thullananda bhikkhuni gamake tam karaniyam tiretva punadeva savatthim paccagacchi . candakali bhikkhuni thullanandaya bhikkhuniya agacchantiya neva asanam pannapesi na padodakam padapitham padakathalikam upanikkhipi na paccuggantva pattacivaram patiggahesi na paniyena apucchi . thullananda bhikkhuni candakalim bhikkhunim etadavoca kissa tvam ayye mayi agacchantiya neva asanam pannapesi na padodakam padapitham padakathalikam upanikkhipi na paccuggantva pattacivaram patiggahesi na paniyena apucchiti . evam hetam ayye hoti yathatam anathayati . kissa pana tvam ayye anathati . ima mam ayye bhikkhuniyo ayam anatha appannata

--------------------------------------------------------------------------------------------- page185.

Natthi imissa koci pativattati apattiya adassane ukkhipimsuti . Thullananda bhikkhuni bala eta abyatta eta neta ^1- jananti kammam va kammadosam va kammavipattim va kammasampattim vati candikata ganam paribhasati ^2- . ya ta bhikkhuniyo appiccha .pe. Ta ujjhayanti khiyanti vipacenti katham hi nama ayya thullananda candikata ganam paribhasissatiti .pe. saccam kira bhikkhave thullananda bhikkhuni candikata ganam paribhasatiti ^3-. Saccam bhagavati. {339.1} Vigarahi buddho bhagava katham hi nama bhikkhave thullananda bhikkhuni candikata ganam paribhasissati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {339.2} ya pana bhikkhuni candikata ganam paribhaseyya pacittiyanti. [340] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . candikata nama kodhana vuccati . gano nama bhikkhunisangho vuccati . paribhaseyyati bala eta abyatta eta neta ^4- jananti kammam va kammadosam va kammavipattim va kammasampattim vati paribhasati apatti pacittiyassa . sambahula bhikkhuniyo va ekabhikkhunim va anupasampannam va paribhasati apatti dukkatassa. @Footnote: ^1-4 Ma. Yu. neva. ² Ma. Yu. paribhasi. ³ paribhasiti.

--------------------------------------------------------------------------------------------- page186.

[341] Anapatti atthapurekkharaya dhammapurekkharaya anusasanipurekkharaya ummattikaya adikammikayati. --------

The Pali Tipitaka in Roman Character Volume 3 page 184-186. http://84000.org/tipitaka/read/roman_item_s.php?book=3&item=338&items=4&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=3&item=338&items=4&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=338&items=4&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=338&items=4&pagebreak=1&modeTY=2 Study Atthakatha :- http://84000.org/tipitaka/attha/attha.php?b=3&i=338 The Pali Atthakatha in Thai :- http://84000.org/tipitaka/atthapali/read_th.php?B=2&A=11684 The Pali Atthakatha in Roman :- http://84000.org/tipitaka/atthapali/read_rm.php?B=2&A=11684 Contents of The Tipitaka Volume 3 http://84000.org/tipitaka/read/?index_3