paliTIPITAKA Volume 3 - Vinaya Pitaka 3

Catutthasanghadisesam [47] Tena samayena buddho bhagava savatthiyam viharati jetavane anathapindikassa arame . tena kho pana samayena candakali bhikkhuni bhandanakarika hoti kalahakarika vivadakarika bhassakarika sanghe adhikaranakarika . thullananda bhikkhuni tassa kamme kayiramane patikkosati . tena kho pana samayena thullananda bhikkhuni gamakam agamasi kenacideva karaniyena . athakho bhikkhunisangho thullananda bhikkhuni pakkantati candakalim bhikkhunim apattiya adassane ^1- ukkhipi . thullananda bhikkhuni gamake tam karaniyam tiretva punadeva savatthim pacchagacchi . @Footnote: ¹ Ma. Yu. adassanena.

--------------------------------------------------------------------------------------------- page36.

Candakali bhikkhuni thullanandaya bhikkhuniya agacchantiya neva asanam pannapesi na padodakam padapitham padakathalikam upanikkhipi na paccuggantva pattacivaram patiggahesi na paniyena apucchi . Thullananda bhikkhuni candakalim bhikkhunim etadavoca kissa tvam ayye mayi agacchantiya neva asanam pannapesi na padodakam padapitham padakathalikam upanikkhipi na paccuggantva pattacivaram patiggahesi na paniyena apucchiti . evanhetam ^1- ayye hoti yathatam anathayati. Kissa pana tvam ayye anathati . ima mam ayye bhikkhuniyo ayam anatha appannata natthi imissa kaci pativattati apattiya adassane ^2- ukkhipimsuti. {47.1} Thullananda bhikkhuni bala eta abyatta eta neta jananti kammam va kammadosam va kammavipattim va kammasampattim va mayam kho janama kammampi kammadosampi kammavipattimpi kammasampattimpi mayam kho akatam va kammam kareyyama katam va kammam kopeyyamati lahum lahum bhikkhunisangham sannipatetva candakalim bhikkhunim osaresi . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda samaggena sanghena ukkhittam bhikkhunim dhammena vinayena satthusasanena anapaloketva karakasangham anannaya ganassa chandam osaressatiti .pe. saccam kira bhikkhave thullananda bhikkhuni samaggena sanghena ukkhittam bhikkhunim dhammena vinayena satthusasanena @Footnote: ¹ Ma. Yu. evamhetam . ² Ma. Yu. adassanena.

--------------------------------------------------------------------------------------------- page37.

Anapaloketva karakasangham anannaya ganassa chandam osaretiti ^1- . Saccam bhagavati . vigarahi buddho bhagava katham hi nama bhikkhave thullananda bhikkhuni samaggena sanghena ukkhittam bhikkhunim dhammena vinayena satthusasanena anapaloketva karakasangham anannaya ganassa chandam osaressati netam bhikkhave appasannanam va pasadaya .pe. Evanca pana bhikkhave bhikkhuniyo imam sikkhapadam uddisantu {47.2} ya pana bhikkhuni samaggena sanghena ukkhittam bhikkhunim dhammena vinayena satthusasanena anapaloketva karakasangham anannaya ganassa chandam osareyya ayampi bhikkhuni pathamapattikam dhammam apanna nissaraniyam sanghadisesanti. [48] Ya panati ya yadisa .pe. Bhikkhuniti .pe. Ayam imasmim atthe adhippeta bhikkhuniti . samaggo nama sangho samanasamvasako samanasimayam thito . ukkhitta nama apattiya adassane ^2- va appatikamme ^3- va appatinissagge ^4- va ukkhitta . dhammena vinayenati yena dhammena yena vinayena . satthusasanenati jinasasanena buddhasasanena . anapaloketva karakasanghanti kammakarakasangham anapuccha . anannaya ganassa chandanti ganassa chandam ajanitva . osaressamiti ganam va pariyesati simam va @Footnote: ¹ Ma. Yu. osaresiti. 2-3-4 Ma. Yu. ime patha tatiyavibhattivasena kata.

--------------------------------------------------------------------------------------------- page38.

Sammannati apatti dukkatassa nattiya dukkatam dvihi kammavacahi thullaccaya kammavacapariyosane apatti sanghadisesassa. [49] Ayampiti purimayo upadaya vuccati . pathamapattikanti saha vatthujjhacara apajjati asamanubhasanaya . nissaraniyanti sanghamha nissariyati . sanghadisesoti .pe. tenapi vuccati sanghadisesoti. [50] Dhammakamme dhammakammasanna osareti apatti sanghadisesassa. Dhammakamme vematika osareti apatti sanghadisesassa . dhammakamme adhammakammasanna osareti apatti sanghadisesassa . adhammakamme dhammakammasanna apatti dukkatassa . adhammakamme vematika apatti dukkatassa. Adhammakamme adhammakammasanna apatti dukkatassa. [51] Anapatti kammakarakasangham apaloketva osareti ganassa chandam janitva osareti vatte vattantim osareti asante kammakarakasanghe osareti ummattikaya adikammikayati. ------

The Pali Tipitaka in Roman Character Volume 3 page 35-38. http://84000.org/tipitaka/read/roman_item_s.php?book=3&item=47&items=5&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=3&item=47&items=5&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=47&items=5&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=47&items=5&pagebreak=1&modeTY=2 Study Atthakatha :- http://84000.org/tipitaka/attha/attha.php?b=3&i=47 The Pali Atthakatha in Thai :- http://84000.org/tipitaka/atthapali/read_th.php?B=2&A=11059 The Pali Atthakatha in Roman :- http://84000.org/tipitaka/atthapali/read_rm.php?B=2&A=11059 Contents of The Tipitaka Volume 3 http://84000.org/tipitaka/read/?index_3