บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 3 : PALI ROMAN Vinaya Pitaka Vol 3 : Vinaya. Bhikkhunī
Patidesaniyakandam ime kho panayyayo attha patidesaniya dhamma uddesam agacchanti. [484] Tena samayena buddho bhagava savatthiyam viharati jetavane anathapindikassa arame . tena kho pana samayena chabbaggiya bhikkhuniyo sappim vinnapetva bhunjanti . manussa ujjhayanti khiyanti vipacenti katham hi nama bhikkhuniyo sappim vinnapetva bhunjissanti kassa sampannam na manapam kassa sadum na ruccatiti. {484.1} Assosum kho bhikkhuniyo tesam manussanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama chabbaggiya bhikkhuniyo sappim vinnapetva bhunjissantiti .pe. saccam kira bhikkhave bhikkhuniyo sappim vinnapetva bhunjantiti . saccam bhagavati . Vigarahi buddho bhagava katham hi nama bhikkhave chabbaggiya bhikkhuniyo sappim vinnapetva bhunjissanti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {484.2} ya pana bhikkhuni sappim vinnapetva bhunjeyya patidesetabbam taya bhikkhuniya garayham ayye dhammam apajjim asappayam patidesaniyam tam patidesemiti . evancidam--------------------------------------------------------------------------------------------- page259.
Bhagavata bhikkhuninam sikkhapadam pannattam hoti. [485] Tena kho pana samayena bhikkhuniyo gilana honti . Gilanapucchika bhikkhuniyo gilana bhikkhuniyo etadavocum kacci ayye khamaniyam kacci yapaniyanti . pubbe mayam ayye sappim vinnapetva bhunjama tena no phasu hotu idani pana bhagavata patikkhittanti kukkuccayanta na vinnapema tena no na phasu hotiti . bhagavato etamattham arocesum .pe. anujanami bhikkhave gilanaya bhikkhuniya sappim vinnapetva bhunjitum . evanca pana bhikkhave bhikkhuniyo imam sikkhapadam uddisantu {485.1} ya pana bhikkhuni agilana sappim vinnapetva bhunjeyya patidesetabbam taya bhikkhuniya garayham ayye dhammam apajjim asappayam patidesaniyam tam patidesemiti. [486] Ya panati ya yadisa .pe. bhikkhuniti .pe. ayam imasmim atthe adhippeta bhikkhuniti . agilana nama yassa vina sappina phasu hoti . gilana nama yassa vina sappina na phasu hoti . sappi nama gosappi va ajikasappi va mahisasappi 1- va yesam mamsam kappati tesam sappi . agilana attano atthaya vinnapeti payoge dukkatam patilabhena bhunjissamiti patigganhati apatti dukkatassa ajjhohare @Footnote: 1 Yu. mahisam va sappi. Ma. mahimsa va sappi.--------------------------------------------------------------------------------------------- page260.
Ajjhohare apatti patidesaniyassa. [487] Agilana agilanasanna sappim vinnapetva bhunjati apatti patidesaniyassa . agilana vematika sappim vinnapetva bhunjati apatti patidesaniyassa . agilana gilanasanna sappim vinnapetva bhunjati apatti patidesaniyassa . gilana agilanasanna apatti dukkatassa . gilana vematika apatti dukkatassa. Gilana gilanasanna anapatti. [488] Anapatti gilanaya gilana hutva vinnapetva agilana bhunjati gilanaya sesakam bhunjati natakanam pavaritanam annassatthaya attano dhanena ummattikaya adikammikayati.The Pali Tipitaka in Roman Character Volume 3 page 258-260. http://84000.org/tipitaka/read/roman_item_s.php?book=3&item=484&items=5&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=3&item=484&items=5&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=484&items=5&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=484&items=5&pagebreak=1&modeTY=2 Study Atthakatha :- http://84000.org/tipitaka/attha/attha.php?b=3&i=484 Contents of The Tipitaka Volume 3 http://84000.org/tipitaka/read/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]