TIPITAKA Volume 32 : PALI ROMAN
Sutta Pitaka Vol 24 : Sutta. Khu. Apa(1)

                            Dasamam kumudadayakattherapadanam (160)
     [162] |162.51| Himavantassavidure        mahajatassaro ahu
                       padumuppalasanchanno         pundarikasamohito 1-.
      |162.52| Kukkuto nama namena         tatthasim sakuno tada
                       silava vattasampanno         punnapunnesu kovido.
      |162.53| Padumuttaro lokavidu            ahutinam patiggaho
                       jatassarassavidure              sancarittha mahamuni.
      |162.54| Jalajam kumudam bhitva 2-         upanesim mahesino
                       mama sankappamannaya        patiggahi mahamuni.
@Footnote: 1 Ma. pundarikasamotthato. 2 Ma. chetva. Yu. gahetva.
      |162.55| Tanca danam daditvaham 1-    sukkamulena codito
                       kappanam satasahassam            duggatim nupapajjaham.
      |162.56| Solaseto kappasate           asum varunanamaka
                       attha ete jana tattha        cakkavatti mahabbala.
      |162.57| Patisambhida catasso           vimokkhapica atthime
                       chalabhinna sacchikata        katam buddhassa sasananti.
        Ittham sudam ayasma kumudadayako thero ima gathayo
abhasitthati.
                            Kumudadayakattherassa apadanam samattam.
                                       Uddanam
                      bandhujivatambapupphi             vithi kakkarupupphiyo
                      mandaravo kadambi ca           sulako 2- nagapupphiyo
                      punnago komudi gatha       chappannasa pakittita.
                                Bandhujivakavaggo solasamo.
                                        --------------
@Footnote: 1 Ma. ... daditvana. Yu. tam danam adaditvaham. 2 Yu. suliko.


             The Pali Tipitaka in Roman Character Volume 32 page 263-264.
http://84000.org/tipitaka/read/roman_item_s.php?book=32&item=162&items=1&modeTY=2
             Classified by [Item Number] :-
http://84000.org/tipitaka/read/roman_item_s.php?book=32&item=162&items=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=32&item=162&items=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=32&item=162&items=1&modeTY=2
             Study Atthakatha :-
http://84000.org/tipitaka/attha/attha.php?b=32&i=162
             The Pali Atthakatha in Thai :-
http://84000.org/tipitaka/atthapali/read_th.php?B=50&A=4396
             The Pali Atthakatha in Roman :-
http://84000.org/tipitaka/atthapali/read_rm.php?B=50&A=4396
             Contents of The Tipitaka Volume 32
http://84000.org/tipitaka/read/?index_32