[127] |127.221| Padumuttaro nama jino sabbalokavidu muni
ito satasahassamhi kappe uppajji cakkhuma.
|127.222| Ovadako vinnapako tarako sabbapaninam
desanakusalo buddho taresi janatam bahum.
|127.223| Anukampako karuniko hitesi sabbapaninam
sampatte titthiye sabbe pancasile patitthahi 1-.
|127.224| Evam nirakulam asi sunnatam titthiyehi ca
vicittam arahantehi vasibhutehi tadibhi.
|127.225| Ratananatthapannasam uggato so mahamuni
kancanagghiyasankaso battimsavaralakkhano.
|127.226| Vassasatasahassani ayu vijjati tavade
tavata titthamano so taresi janatam bahum.
|127.227| Tadaham hamsavatiya brahmano vedaparagu
upetva 2- sabbalokaggam 3- assosim dhammadesanam.
|127.228| Tada so savakam dhiro pabhinnapatisambhidam 4-
atthe dhamme nirutte ca patibhane ca kovidam.
|127.229| Thapesi etadaggamhi tam sutva mudito aham
sasavakam jinavaram sattaham bhojayim tada.
@Footnote: 1 Ma. Yu. patitthapi. ito param idisameva. 2 Ma. upecca. 3 Yu. sattaparangam.
@4 Ma. Yu. pabhinnamatigocaram.
|127.230| Dussehi chadayitvana sasissam buddhasagaram 1-
nipacca padamulamhi tanthanam patthayim aham.
|127.231| Tato avoca lokaggo passathetam dijuttamam
vinatam padamulamhi 2- kamalodarasappabham.
|127.232| Settham 3- buddhassa bhikkhussa thanam patthayate ayam
taya saddhaya cagena saddhammassavanena 4- ca.
|127.233| Sabbattha sukhito hutva samsaritva bhavabhave
anagatamhi addhane lacchasetam manoratham.
|127.234| Satasahasse ito kappe okkakakulasambhavo
gotamo nama namena sattha loke bhavissati.
|127.235| Tassa dhammesu dayado oraso dhammanimmito
kotthiko nama namena hessati satthusavako.
|127.236| Tam sutva mudito hutva yavajivam tada jinam
mettacitto paricarim yato 5- pannasamahito
|127.237| tena kammavipakena cetanapanidhihi ca
jahitva manusam deham tavatimsam aganchaham.
|127.238| Satanam tinikkhattunca devarajjamakarayim
satanam pancakkhattunca cakkavatti ahosaham.
|127.239| Padesarajjam vipulam gananato asankhayam
sabbattha sukhito asim tassa kammassa vahasa.
@Footnote: 1 Ma. buddhisagaram. 2 Ma. padamulam me. 3 Ma. Yu. buddhasetthassa. 4 Yu. tena
@dhammassavanena ca. 5 Ma. Yu. sato.
|127.240| Duve bhave samsarami devatte atha manuse
annam gatim na janami 1- sucinnassa idam phalam.
|127.241| Duve kule pajayami khattiye vapi brahmane
nice kule na jayami sucinnassa idam phalam.
|127.242| Pacchime bhavasampatte brahmabandhu ahosaham
savatthiyam vippakule paccha jato mahaddhane 2-.
|127.243| Mata candavati nama pita me assalayano
yada me pitaram buddho vinayi sabbasuddhiya 3-.
|127.244| Tada pasanno sugate pabbajim anagariyam
moggallano acariyo upajjha sarisambhavo.
|127.245| Kesesu chijjamanesu ditthi chinna samulika
nivasento ca kasavam arahattam apapunim.
|127.246| Atthadhammaniruttisu patibhane ca me mati
pabhinna tena lokaggo etadagge thapesi mam.
|127.247| Asandittham viyakasim upatissena pucchito
patisambhidasu tenaham aggo sambuddhasasane.
|127.248| Kilesa jhapita mayham bhava sabbe samuhata
nagova bandhanam chetva viharami anasavo.
|127.249| Svagatam vata me asi buddhasetthassa santike
tisso vijja anuppatta katam buddhassa sasanam.
@Footnote: 1 Ma. Yu. na gacchami. ito param idisameva. 2 Po. mahaddhano. 3 Yu. sabbabuddhiya.
|127.250| Patisambhida catasso vimokkhapica atthime
chalabhinna sacchikata katam buddhassa sasananti.
Ittham sudam ayasma mahakotthiko thero ima gathayo abhasitthati.
Mahakotthikattherassa apadanam samattam.
Atthamam uruvelakassapattherapadanam (538)
The Pali Tipitaka in Roman Character Volume 33 page 203-206.
http://84000.org/tipitaka/read/roman_item_s.php?book=33&item=127&items=1&modeTY=2&mode=bracket
Classified by content :-
http://84000.org/tipitaka/read/roman_item_s.php?book=33&item=127&items=1&modeTY=2
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=33&item=127&items=1&modeTY=2&mode=bracket
Compare with The Royal Version of Thai Tipitaka :-
http://84000.org/tipitaka/read/byitem_s.php?book=33&item=127&items=1&modeTY=2&mode=bracket
Study Atthakatha :-
http://84000.org/tipitaka/attha/attha.php?b=33&i=127
The Pali Atthakatha in Thai :-
http://84000.org/tipitaka/atthapali/read_th.php?B=50&A=6308
The Pali Atthakatha in Roman :-
http://84000.org/tipitaka/atthapali/read_rm.php?B=50&A=6308
Contents of The Tipitaka Volume 33
http://84000.org/tipitaka/read/?index_33
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
