Iddhipadavibhango
[505] Cattaro iddhipada idha bhikkhu chandasamadhipadhanasankhara-
samannagatam iddhipadam bhaveti viriyasamadhipadhanasankharasamannagatam
iddhipadam bhaveti cittasamadhipadhanasankharasamannagatam iddhipadam
bhaveti vimamsasamadhipadhanasankharasamannagatam iddhipadam bhaveti.
[506] Kathanca bhikkhu chandasamadhipadhanasankharasamannagatam iddhipadam
bhaveti . chandance bhikkhu adhipatim karitva labhati samadhim labhati cittassa
ekaggatam ayam vuccati chandasamadhi . so anuppannanam papakanam
akusalanam dhammanam anuppadaya chandam janeti vayamati viriyam arabhati
cittam pagganhati padahati uppannanam papakanam akusalanam dhammanam
pahanaya chandam janeti vayamati viriyam arabhati cittam pagganhati
padahati anuppannanam kusalanam dhammanam uppadaya chandam janeti
vayamati viriyam arabhati cittam pagganhati padahati uppannanam
kusalanam dhammanam thitiya asammosaya bhiyyobhavaya vepullaya bhavanaya
paripuriya chandam janeti vayamati viriyam arabhati cittam pagganhati
padahati ime vuccanti padhanasankhara . iti ayanca chandasamadhi
ime ca padhanasankhara tadekajjham abhisannuhitva abhisankhipitva
chandasamadhipadhanasankharotveva sankhyam gacchati.
[507] Tattha katamo chando yo chando chandikata kattukamyata
kusalo dhammacchando ayam vuccati chando . tattha katamo samadhi
Ya cittassa thiti santhiti avatthiti avisaharo avikkhepo
avisahatamanasata samatho samadhindriyam samadhibalam sammasamadhi ayam
vuccati samadhi . tattha katamo padhanasankharo yo cetasiko viriyarambho
nikkamo parakkamo uyyamo vayamo ussaho ussolhi thamo dhiti
asithilaparakkamata anikkhittacchandata anikkhittadhurata dhurasampaggaho
viriyam viriyindriyam viriyabalam sammavayamo ayam vuccati padhanasankharo.
Iti imina ca chandena imina ca samadhina imina ca padhanasankharena
upeto hoti samupeto upagato samupagato upapanno samupapanno
samannagato tena vuccati chandasamadhipadhanasankharasamannagatoti.
[508] Iddhiti ya tesam dhammanam iddhi samiddhi ijjhana
samijjhana labho patilabho patti sampatti phusana sacchikiriya
upasampada . iddhipadoti tathabhutassa vedanakkhandho sannakkhandho
sankharakkhandho vinnanakkhandho . iddhipadam bhavetiti te dhamme
asevati bhaveti bahulikaroti tena vuccati iddhipadam bhavetiti.
[509] Kathanca bhikkhu viriyasamadhipadhanasankharasamannagatam iddhipadam
bhaveti . viriyance bhikkhu adhipatim karitva labhati samadhim labhati cittassa
ekaggatam ayam vuccati viriyasamadhi . so anuppannanam papakanam
akusalanam dhammanam anuppadaya chandam janeti vayamati viriyam arabhati
cittam pagganhati padahati uppannanam papakanam akusalanam dhammanam
pahanaya .pe. anuppannanam kusalanam dhammanam uppadaya .pe.
Uppannanam kusalanam dhammanam thitiya asammosaya bhiyyobhavaya
vepullaya bhavanaya paripuriya chandam janeti vayamati viriyam arabhati
cittam pagganhati padahati ime vuccanti padhanasankhara . iti
ayanca viriyasamadhi ime ca padhanasankhara tadekajjham abhisannuhitva
abhisankhipitva viriyasamadhipadhanasankharotveva sankhyam gacchati.
[510] Tattha katamam viriyam yo cetasiko viriyarambho .pe.
Sammavayamo idam vuccati viriyam . tattha katamo samadhi ya cittassa
thiti santhiti avatthiti avisaharo avikkhepo avisahatamanasata
samatho samadhindriyam samadhibalam sammasamadhi ayam vuccati samadhi .
Tattha katamo padhanasankharo yo cetasiko viriyarambho .pe.
Sammavayamo ayam vuccati padhanasankharo . iti imina ca viriyena
imina ca samadhina imina ca padhanasankharena upeto hoti .pe.
Samannagato tena vuccati viriyasamadhipadhanasankharasamannagatoti.
[511] Iddhiti ya tesam dhammanam iddhi samiddhi ijjhana
samijjhana labho patilabho patti sampatti phusana sacchikiriya
upasampada . iddhipadoti tathabhutassa vedanakkhandho sannakkhandho
sankharakkhandho vinnanakkhandho . iddhipadam bhavetiti te
dhamme asevati bhaveti bahulikaroti tena vuccati iddhipadam
bhavetiti.
[512] Kathanca bhikkhu cittasamadhipadhanasankharasamannagatam
iddhipadam bhaveti . cittance bhikkhu adhipatim karitva labhati samadhim
labhati cittassa ekaggatam ayam vuccati cittasamadhi . so anuppannanam
papakanam akusalanam dhammanam anuppadaya chandam janeti vayamati viriyam
arabhati cittam pagganhati padahati uppannanam papakanam akusalanam
dhammanam pahanaya .pe. anuppannanam kusalanam dhammanam uppadaya
.pe. uppannanam kusalanam dhammanam thitiya asammosaya bhiyyobhavaya
vepullaya bhavanaya paripuriya chandam janeti vayamati viriyam arabhati
cittam pagganhati padahati ime vuccanti padhanasankhara . iti
ayanca cittasamadhi ime ca padhanasankhara tadekajjham abhisannuhitva
abhisankhipitva cittasamadhipadhanasankharotveva sankhyam gacchati.
[513] Tattha katamam cittam yam cittam mano manasam .pe. Tajja
manovinnanadhatu idam vuccati cittam . tattha katamo samadhi ya
cittassa thiti .pe. sammasamadhi ayam vuccati samadhi . tattha katamo
padhanasankharo yo cetasiko viriyarambho .pe. sammavayamo ayam
vuccati padhanasankharo . iti imina ca cittena imina ca samadhina
imina ca padhanasankharena upeto hoti .pe. samannagato tena
vuccati cittasamadhipadhanasankharasamannagatoti.
[514] Iddhiti ya tesam dhammanam iddhi samiddhi ijjhana
Samijjhana labho patilabho patti sampatti phusana sacchikiriya
upasampada . iddhipadoti tathabhutassa vedanakkhandho sannakkhandho
sankharakkhandho vinnanakkhandho . iddhipadam bhavetiti te dhamme
asevati bhaveti bahulikaroti tena vuccati iddhipadam bhavetiti.
[515] Kathanca bhikkhu vimamsasamadhipadhanasankharasamannagatam
iddhipadam bhaveti . vimamsance bhikkhu adhipatim karitva labhati samadhim
labhati cittassa ekaggatam ayam vuccati vimamsasamadhi . so anuppannanam
papakanam akusalanam dhammanam anuppadaya chandam janeti
vayamati viriyam arabhati cittam pagganhati padahati uppannanam
papakanam akusalanam dhammanam pahanaya .pe. anuppannanam kusalanam
dhammanam uppadaya .pe. uppannanam kusalanam dhammanam thitiya
asammosaya bhiyyobhavaya vepullaya bhavanaya paripuriya chandam
janeti vayamati viriyam arabhati cittam pagganhati padahati ime
vuccanti padhanasankhara . iti ayanca vimamsasamadhi ime ca
padhanasankhara tadekajjham abhisannuhitva abhisankhipitva
vimamsasamadhipadhanasankharotveva sankhyam gacchati.
[516] Tattha katama vimamsa ya panna pajanana .pe.
Amoho dhammavicayo sammaditthi ayam vuccati vimamsa . tattha
katamo samadhi ya cittassa thiti .pe. sammasamadhi ayam
vuccati samadhi . tattha katamo padhanasankharo yo cetasiko
Viriyarambho .pe. sammavayamo ayam vuccati padhanasankharo .
Iti imaya ca vimamsaya imina ca samadhina imina ca
padhanasankharena upeto hoti .pe. samannagato tena
vuccati vimamsasamadhipadhanasankharasamannagatoti.
[517] Iddhiti ya tesam dhammanam iddhi samiddhi ijjhana samijjhana
labho patilabho patti sampatti phusana sacchikiriya upasampada .
Iddhipadoti tathabhutassa vedanakkhandho sannakkhandho
sankharakkhandho vinnanakkhandho . iddhipadam bhavetiti te
dhamme asevati bhaveti bahulikaroti tena vuccati iddhipadam
bhavetiti.
Suttantabhajaniyam.
The Pali Tipitaka in Roman Character Volume 35 page 292-297.
http://84000.org/tipitaka/read/roman_item_s.php?book=35&item=505&items=13&modeTY=2
Classified by [Item Number] :-
http://84000.org/tipitaka/read/roman_item_s.php?book=35&item=505&items=13&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=35&item=505&items=13&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=35&item=505&items=13&modeTY=2
Study Atthakatha :-
http://84000.org/tipitaka/attha/attha.php?b=35&i=505
The Pali Atthakatha in Thai :-
http://84000.org/tipitaka/atthapali/read_th.php?B=54&A=7717
The Pali Atthakatha in Roman :-
http://84000.org/tipitaka/atthapali/read_rm.php?B=54&A=7717
Contents of The Tipitaka Volume 35
http://84000.org/tipitaka/read/?index_35
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
