paliTIPITAKA Volume 5 - Vinaya Pitaka 5

[10] Athakho bhagava etasmim nidane etasmim pakarane dhammim @Footnote: ¹ Ma. odatavatthavasanaka. ² Ma. abhijivinikassa. ³ Ma. Yu. ca. Katham katva bhikkhu amantesi anujanami bhikkhave yassa pada va dukkha pada va phalita padakhilabadho va upahanam dharetunti . tena kho pana samayena bhikkhu adhotehi padehi mancampi pithampi abhiruhanti civarampi senasanampi dussati . bhagavato etamattham arocesum . anujanami bhikkhave idani mancam va pitham va abhiruhissamiti upahanam dharetunti. {10.1} Tena kho pana samayena bhikkhu rattiya ^1- ^[1]- uposathaggampi sannisajjampi gacchanta andhakare khanumpi kantakampi akkamanti pada dukkha honti . bhagavato etamattham arocesum . anujanami bhikkhave ajjharame upahanam dharetum ukkam padipam kattaradandanti. {10.2} Tena kho pana samayena chabbaggiya bhikkhu rattiya paccusasamayam paccutthaya katthapadukayo abhiruhitva ajjhokase cankamanti uccasadda mahasadda khatakhatasadda anekavihitam tiracchanakatham kathenta seyyathidam rajakatham corakatham mahamattakatham senakatham bhayakatham ^2- yuddhakatham annakatham panakatham vatthakatham sayanakatham malakatham gandhakatham natikatham yanakatham gamakatham nigamakatham nagarakatham janapadakatham itthikatham purisakatham surakatham visikhakatham kumbhatthanakatham pubbapetakatham nanattakatham lokakkhayikam samuddakkhayikam itibhavabhavakatham iti va kitakampi akkamitva marenti bhikkhupi samadhimha caventi . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu @Footnote: ¹ Po. Ma. rattiyo. ² Ma. sabhakatham. Rattiya paccusasamayam paccutthaya katthapadukayo abhiruhitva ajjhokase cankamissanti uccasadda mahasadda khatakhatasadda anekavihitam tiracchanakatham kathenta seyyathidam rajakatham corakatham .pe. itibhavabhavakatham iti va kitakampi akkamitva maressanti bhikkhupi samadhimha cavessantiti. {10.3} Athakho te bhikkhu bhagavato etamattham arocesum . Saccam kira bhikkhave chabbaggiya bhikkhu rattiya paccusasamayam paccutthaya katthapadukayo abhiruhitva ajjhokase cankamanti uccasadda mahasadda khatakhatasadda anekavihitam tiracchanakatham kathenta seyyathidam rajakatham corakatham .pe. itibhavabhavakatham iti va kitakampi akkamitva marenti bhikkhupi samadhimha caventiti . saccam bhagavati .pe. vigarahitva dhammim katham katva bhikkhu amantesi na bhikkhave katthapaduka dharetabba yo dhareyya apatti dukkatassati. [11] Athakho bhagava rajagahe yathabhirantam viharitva yena baranasi tena carikam pakkami anupubbena carikam caramano yena baranasi tadavasari . tatra sudam bhagava baranasiyam viharati isipatane migadaye . tena kho pana samayena chabbaggiya bhikkhu bhagavata katthapaduka patikkhittati talatarune chedapetva talapattapadukayo dharenti tani talatarunani chinnani milayanti . Manussa ujjhayanti khiyanti vipacenti katham hi nama samana Sakyaputtiya talatarune chedapetva talapattapadukayo dharessanti ^[1]- talatarunani chinnani milayanti ekindriyam samana sakyaputtiya jivam vihethentiti . assosum kho bhikkhu tesam manussanam ujjhayantanam khiyantanam vipacentanam. {11.1} Athakho te bhikkhu bhagavato etamattham arocesum. Saccam kira bhikkhave chabbaggiya bhikkhu talatarune chedapetva talapattapadukayo dharenti tani talatarunani chinnani milayantiti . saccam bhagavati . vigarahi buddho bhagava katham hi nama te bhikkhave moghapurisa talatarune chedapetva talapattapadukayo dharessanti tani talatarunani chinnani milayanti jivasannino hi bhikkhave manussa rukkhasmim netam bhikkhave appasannanam va pasadaya .pe. vigarahitva dhammim katham katva bhikkhu amantesi na bhikkhave talapattapaduka dharetabba yo dhareyya apatti dukkatassati. {11.2} Tena kho pana samayena chabbaggiya bhikkhu bhagavata talapattapaduka patikkhittati velutarune chedapetva velupattapadukayo dharenti tani velutarunani chinnani milayanti . manussa ujjhayanti khiyanti vipacenti katham hi nama samana sakyaputtiya velutarune chedapetva velupattapadukayo dharessanti tani velutarunani chinnani milayanti ekindriyam samana sakyaputtiya jivam vihethentiti . assosum kho bhikkhu tesam manussanam ujjhayantanam @Footnote: ¹ Ma. Yu. tani. Khiyantanam vipacentanam . athakho te bhikkhu bhagavato etamattham arocesum .pe. na bhikkhave velupattapaduka dharetabba yo dhareyya apatti dukkatassati. [12] Athakho bhagava baranasiyam yathabhirantam viharitva yena bhaddiyam tena carikam pakkami anupubbena carikam caramano yena bhaddiyam tadavasari . tatra sudam bhagava bhaddiye viharati jatiyavane . tena kho pana samayena bhaddiya bhikkhu anekavihitam padukamandananuyogamanuyutta viharanti tinapadukam karontipi karapentipi munjapadukam karontipi karapentipi pabbajapadukam karontipi karapentipi hintalapadukam karontipi karapentipi kamalapadukam karontipi karapentipi kambalapadukam karontipi karapentipi rincanti uddesam paripuccham adhisilam adhicittam adhipannam. {12.1} Ye te bhikkhu appiccha .pe. te ujjhayanti khiyanti vipacenti katham hi nama bhaddiya bhikkhu anekavihitam padukamandananu- yogamanuyutta viharissanti tinapadukam karissantipi karapessantipi munjapadukam karissantipi karapessantipi pabbajapadukam karissantipi karapessantipi hintalapadukam karissantipi karapessantipi kamalapadukam karissantipi karapessantipi kambalapadukam karissantipi karapessantipi rincissanti uddesam paripuccham adhisilam adhicittam adhipannanti . athakho te bhikkhu Bhagavato etamattham arocesum . saccam kira bhikkhave bhaddiya bhikkhu anekavihitam padukamandananuyogamanuyutta viharanti tinapadukam karontipi karapentipi munjapadukam karontipi karapentipi pabbajapadukam karontipi karapentipi hintalapadukam karontipi karapentipi kamalapadukam karontipi karapentipi kambalapadukam karontipi karapentipi rincanti uddesam paripuccham adhisilam adhicittam adhipannanti. Saccam bhagavati. {12.2} Vigarahi buddho bhagava katham hi nama te bhikkhave moghapurisa anekavihitam padukamandananuyogamanuyutta viharissanti tinapadukam karissantipi karapessantipi munjapadukam karissantipi karapessantipi pabbajapadukam karissantipi karapessantipi hintalapadukam karissantipi karapessantipi kamalapadukam karissantipi karapessantipi kambalapadukam karissantipi karapessantipi rincissanti uddesam paripuccham adhisilam adhicittam adhipannam netam bhikkhave appasannanam va pasadaya .pe. vigarahitva dhammim katham katva bhikkhu amantesi na bhikkhave tinapaduka dharetabba na munjapaduka dharetabba na pabbajapaduka dharetabba na hintalapaduka dharetabba na kamalapaduka dharetabba na kambalapaduka dharetabba na sovannamaya paduka dharetabba na rupiyamaya paduka dharetabba na manimaya paduka dharetabba na veluriyamaya paduka dharetabba Na phalikamaya paduka dharetabba na kamsamaya paduka dharetabba na kacamaya paduka dharetabba na tipumaya paduka dharetabba na sisamaya paduka dharetabba na tambalohamaya paduka dharetabba yo dhareyya apatti dukkatassa na ca bhikkhave kaci sankamaniya paduka dharetabba yo dhareyya apatti dukkatassa anujanami bhikkhave tisso padukayo dhuvatthaniya asankamaniyayo vaccapadukam passavapadukam acamanapadukanti.

The Pali Tipitaka in Roman Character Volume 5 page 17-23. http://84000.org/tipitaka/read/roman_item_s.php?book=5&item=10&items=3&modeTY=2 Classified by [Item Number] :- http://84000.org/tipitaka/read/roman_item_s.php?book=5&item=10&items=3&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=10&items=3&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=10&items=3&modeTY=2 Study Atthakatha :- http://84000.org/tipitaka/attha/attha.php?b=5&i=10 The Pali Atthakatha in Thai :- http://84000.org/tipitaka/atthapali/read_th.php?B=3&A=3718 The Pali Atthakatha in Roman :- http://84000.org/tipitaka/atthapali/read_rm.php?B=3&A=3718 Contents of The Tipitaka Volume 5 http://84000.org/tipitaka/read/?index_5