บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
[67] Athakho bhagava rajagahe yathabhirantam viharitva yena pataligamo tena carikam pakkami mahata bhikkhusanghena saddhim addhaterasehi bhikkhusatehi . athakho bhagava anupubbena carikam caramano yena pataligamo tadavasari . assosum kho pataligamika upasaka bhagava kira pataligamam anuppattoti . athakho pataligamika upasaka yena bhagava tenupasankamimsu upasankamitva bhagavantam abhivadetva ekamantam nisidimsu . Ekamantam nisinne kho pataligamike upasake bhagava dhammiya kathaya sandassesi samadapesi samuttejesi sampahamsesi . athakho pataligamika upasaka bhagavata @Footnote: 1 Si. dakkhintiti. Dhammiya kathaya sandassita samadapita samuttejita sampahamsita bhagavantam etadavocum adhivasetu no bhante bhagava avasathagaram saddhim bhikkhusanghenati . adhivasesi bhagava tunhibhavena . athakho pataligamika upasaka bhagavato adhivasanam viditva utthayasana bhagavantam abhivadetva padakkhinam katva yena avasathagaram tenupasankamimsu upasankamitva sabbasantharim 1- [2]- avasathagaram santharitva asanani pannapetva udakamanikam patitthapetva telappadipam aropetva yena bhagava tenupasankamimsu upasankamitva bhagavantam abhivadetva ekamantam atthamsu. {67.1} Ekamantam thita kho pataligamika upasaka bhagavantam etadavocum sabbasantharim santhatam bhante avasathagaram asanani pannattani udakamaniko patitthapito telappadipo aropito yassadani bhante bhagava kalam mannatiti. {67.2} Athakho bhagava [3]- nivasetva pattacivaramadaya saddhim bhikkhusanghena yena avasathagaram tenupasankami upasankamitva pade pakkhaletva avasathagaram pavisitva majjhimam thambham nissaya puratthabhimukho 4- nisidi . bhikkhusanghopi kho pade pakkhaletva avasathagaram pavisitva pacchimam bhittim nissaya puratthabhimukho 5- nisidi bhagavantamyeva purakkhatva . pataligamikapi kho upasaka pade pakkhaletva avasathagaram pavisitva puratthimam bhittim nissaya @Footnote: 1 Ma. sabbasantharam. 2 Yu. sabbasanthatam. 3 Yu. pubbanhasamayam. @4-5 Yu. puratthimabhimukho. Pacchabhimukha 1- nisidimsu bhagavantamyeva purakkhatva 2- . athakho bhagava pataligamike upasake amantesi. [68] Pancime gahapatayo adinava dussilassa silavipattiya . Katame panca . idha gahapatayo dussilo silavipanno pamadadhikaranam mahatim bhogajanim nigacchati . ayam pathamo adinavo dussilassa silavipattiya . puna caparam gahapatayo dussilassa silavipannassa papako kittisaddo abbhuggacchati . ayam dutiyo adinavo dussilassa silavipattiya . puna caparam gahapatayo dussilo silavipanno yannadeva parisam upasankamati yadi khattiyaparisam yadi brahmanaparisam yadi gahapatiparisam yadi samanaparisam avisarado upasankamati mankubhuto . Ayam tatiyo adinavo dussilassa silavipattiya . puna caparam gahapatayo dussilo silavipanno sammulho kalam karoti . ayam catuttho adinavo dussilassa silavipattiya . puna caparam gahapatayo dussilo silavipanno kayassa bheda parammarana apayam duggatim vinipatam nirayam upapajjati . ayam pancamo adinavo dussilassa silavipattiya . Ime kho gahapatayo panca adinava dussilassa silavipattiya. [69] Pancime gahapatayo anisamsa silavato silasampadaya . Katame panca . idha gahapatayo silava silasampanno appamadadhikaranam mahantam bhogakkhandham adhigacchati . ayam pathamo anisamso silavato @Footnote: 1 Yu. pacchimabhimukha. 2 Po. Yu. purikkhitva. Silasampadaya . puna caparam gahapatayo silavato silasampannassa kalyano kittisaddo abbhuggacchati . ayam dutiyo anisamso silavato silasampadaya . puna caparam gahapatayo silava silasampanno yannadeva parisam upasankamati yadi khattiyaparisam yadi brahmanaparisam yadi gahapatiparisam yadi samanaparisam visarado upasankamati amankubhuto . Ayam tatiyo anisamso silavato silasampadaya . puna caparam gahapatayo silava silasampanno asammulho kalam karoti . ayam catuttho anisamso silavato silasampadaya . puna caparam gahapatayo silava silasampanno kayassa bheda parammarana sugatim saggam lokam upapajjati . ayam pancamo anisamso silavato silasampadaya . Ime kho gahapatayo panca anisamsa silavato silasampadayati. [70] Athakho bhagava pataligamike upasake bahudeva rattim dhammiya kathaya sandassetva samadapetva samuttejetva sampahamsetva uyyojesi abhikkanta kho gahapatayo ratti yassadani tumhe 1- kalam mannathati . evam bhanteti kho pataligamika upasaka bhagavato patissunitva 2- utthayasana bhagavantam abhivadetva padakkhinam katva pakkamimsu . athakho bhagava acirapakkantesu pataligamikesu upasakesu sunnagaram pavisi. @Footnote: 1 Si. Yu. ayam patho na hoti. 2 Po. patissutva. [71] Tena kho pana samayena sunidhavassakara magadhamahamatta pataligame nagaram mapenti vajjinam patibahaya . addasa kho bhagava rattiya paccusasamayam paccutthaya dibbena cakkhuna visuddhena atikkantamanusakena sambahula devatayo pataligame vatthuni parigganhantiyo yasmim padese mahesakkha devata vatthuni parigganhanti mahesakkhanam tattha rajunam rajamahamattanam cittani namanti nivesanani mapetum yasmim padese majjhima devata vatthuni parigganhanti majjhimanam tattha rajunam rajamahamattanam cittani namanti nivesanani mapetum yasmim padese nica devata vatthuni parigganhanti nicanam tattha rajunam rajamahamattanam cittani namanti nivesanani mapetum. {71.1} Athakho bhagava ayasmantam anandam amantesi ke nu kho te ananda pataligame nagaram mapentiti . sunidhavassakara bhante magadhamahamatta pataligame nagaram mapenti vajjinam patibahayati . Seyyathapi nama 1- ananda devehi tavatimsehi saddhim mantetva evameva kho ananda sunidhavassakara magadhamahamatta pataligame nagaram mapenti vajjinam patibahaya idhaham ananda rattiya paccusasamayam paccutthaya addasam dibbena cakkhuna visuddhena atikkantamanusakena sambahula devatayo pataligame vatthuni parigganhantiyo yasmim padese mahesakkha devata vatthuni parigganhanti mahesakkhanam tattha rajunam rajamahamattanam cittani namanti nivesanani mapetum @Footnote: 1 Ma. Yu. namasaddo natthi. Yasmim padese majjhima devata vatthuni parigganhanti majjhimanam tattha rajunam rajamahamattanam cittani namanti nivesanani mapetum yasmim padese nica devata vatthuni parigganhanti nicanam tattha rajunam rajamahamattanam cittani namanti nivesanani mapetum yavata ananda ariyanam ayatanam yavata vanijjapatho idam agganagaram bhavissati pataliputtam putabhedanam pataliputtassa kho ananda tayo antaraya bhavissanti aggito va udakato va abbhantarato va mithubhedati.The Pali Tipitaka in Roman Character Volume 5 page 86-91. http://84000.org/tipitaka/read/roman_item_s.php?book=5&item=67&items=5&modeTY=2 Classified by [Item Number] :- http://84000.org/tipitaka/read/roman_item_s.php?book=5&item=67&items=5&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=67&items=5&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=67&items=5&modeTY=2 Study Atthakatha :- http://84000.org/tipitaka/attha/attha.php?b=5&i=67 Contents of The Tipitaka Volume 5 http://84000.org/tipitaka/read/?index_5
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]