paliTIPITAKA Volume 5 - Vinaya Pitaka 5

[77] Assosi kho ambapali ganika ^5- bhagava kira kotigamam anuppattoti . atha kho ambapali ganika bhadrani bhadrani yanani yojapetva bhadram ^6- yanam abhiruhitva bhadrehi bhadrehi yanehi vesaliya niyyasi bhagavantam dassanaya yavatika yanassa bhumi yanena gantva yana paccorohitva pattika va yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho ambapalim ganikam bhagava dhammiya @Footnote: ¹ Si. Yu. dukkhanirodhagaminipatipadaariyasaccassa . 2-3 Po. Ma. Yu. sabbattha @dukkhasamudayanti ca dukkhanirodhanti ca likhiyanti . ⁴ Po. samsaritam . ⁵ Si. idam @pathadvayam samasavasena ekam katam . ⁶ Po. Yu. idam pathadvayam ekameva dissati.

--------------------------------------------------------------------------------------------- page95.

Kathaya sandassesi samadapesi samuttejesi sampahamsesi . athakho ambapali ganika bhagavata dhammiya kathaya sandassita samadapita samuttejita sampahamsita bhagavantam etadavoca adhivasetu me bhante bhagava svatanaya bhattam saddhim bhikkhusanghenati . adhivasesi bhagava tunhibhavena . athakho ambapali ganika bhagavato adhivasanam viditva utthayasana bhagavantam abhivadetva padakkhinam katva pakkami. {77.1} Assosum kho vesalika licchavi bhagava kira kotigamam anuppattoti . athakho vesalika licchavi bhadrani bhadrani yanani yojapetva bhadram bhadram yanam abhiruhitva bhadrehi bhadrehi yanehi vesaliya niyyimsu ^1- bhagavantam dassanaya . appekacce licchavi nila honti nilavanna nilavattha nilalankara appekacce licchavi pita honti pitavanna pitavattha pitalankara appekacce licchavi lohitaka honti lohitakavanna lohitakavattha lohitakalankara appekacce licchavi odata honti odatavanna odatavattha odatalankara. {77.2} Athakho ambapali ganika daharanam daharanam licchavinam isaya isam yugena yugam cakkena cakkam akkhena akkham pativattesi ^2-. Athakho te licchavi ambapalim ganikam etadavocum kissa je ambapali amhakam daharanam daharanam licchavinam isaya isam yugena yugam cakkena cakkam akkhena akkham pativattesiti . tatha hi @Footnote: ¹ Ma. Yu. niyyasum . ² Si. pativaddhesi. Yu. pativattesi.

--------------------------------------------------------------------------------------------- page96.

Pana maya ayyaputta svatanaya buddhappamukho bhikkhusangho ^1- nimantitoti . dehi je ambapali amhakam etam bhattam satasahassenati. Sacepi me ayyaputta vesalim saharam dajjeyyatha neva dajjaham tam bhattanti . athakho te licchavi angulim ^2- pothesum parajitamha ^3- vata bho ambakaya parajitamha ^4- vata bho ambakayati . athakho te licchavi yena bhagava tenupasankamimsu . addasa kho bhagava te licchavi durato va agacchante disvana bhikkhu amantesi yehi bhikkhave bhikkhuhi deva tavatimsa aditthapubba oloketha bhikkhave licchaviparisam apaloketha bhikkhave licchaviparisam upasamharatha bhikkhave licchaviparisam tavatimsaparisanti. {77.3} Athakho te licchavi yavatika yanassa bhumi yanena gantva yana paccorohitva pattika va yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinne kho te licchavi bhagava dhammiya kathaya sandassesi samadapesi samuttejesi sampahamsesi. {77.4} Athakho te licchavi bhagavata dhammiya kathaya sandassita samadapita samuttejita sampahamsita bhagavantam etadavocum adhivasetu no bhante bhagava svatanaya bhattam saddhim bhikkhusanghenati. Adhivutthomhi licchavi svatanaya ambapaliya ganikaya bhattanti . athakho te licchavi angulim pothesum parajitamha ^5- vata bho ambakaya parajitamha @Footnote: ¹ Si. sangho . ² Yu. anguli . 3-5 Ma. jitamha. Yu. jitamha. @4-6 Yu. parajitamha.

--------------------------------------------------------------------------------------------- page97.

Vata bho ambakayati . athakho te licchavi bhagavato bhasitam abhinanditva anumoditva utthayasana bhagavantam abhivadetva padakkhinam katva pakkamimsu . athakho bhagava kotigame yathabhirantam viharitva yena nadika ^1- tenupasankami . tatra sudam bhagava nadike ^2- viharati ginjakavasathe. {77.5} Athakho ambapali ganika tassa rattiya accayena sake arame panitam khadaniyam bhojaniyam patiyadapetva bhagavato kalam arocapesi kalo bhante nitthitam bhattanti. {77.6} Athakho bhagava pubbanhasamayam nivasetva pattacivaramadaya yena ambapaliya ganikaya parivesana ^3- tenupasankami upasankamitva pannatte asane nisidi saddhim bhikkhusanghena . athakho ambapali ganika buddhappamukham bhikkhusangham panitena khadaniyena bhojaniyena sahattha santappetva sampavaretva bhagavantam bhuttavim onitapattapanim ^[4]- ekamantam nisidi . ekamantam nisinna kho ambapali ganika bhagavantam etadavoca imaham bhante ambapalivanam ^5- buddhappamukhassa bhikkhusanghassa ^6- dammiti. Patiggahesi bhagava aramam. {77.7} Athakho bhagava ambapalim ganikam dhammiya kathaya sandassetva samadapetva samuttejetva sampahamsetva utthayasana yena mahavanam tenupasankami. Tatra sudam bhagava vesaliyam viharati mahavane kutagarasalayam. @Footnote: ¹ Ma. Yu. natika . ² Ma. Yu. natike . ³ Po. nivesanam . ⁴ Ma. abhivadetava. @⁵ Si. ambapaliparivenam. Ma. ambavanam . ⁶ Si. sanghassa.

--------------------------------------------------------------------------------------------- page98.

Licchavibhanavaram nitthitam.

The Pali Tipitaka in Roman Character Volume 5 page 94-98. http://84000.org/tipitaka/read/roman_item_s.php?book=5&item=77&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item_s.php?book=5&item=77&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=77&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=77&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=5&i=77 The Pali Atthakatha in Thai :- http://84000.org/tipitaka/atthapali/read_th.php?B=3&A=4037 The Pali Atthakatha in Roman :- http://84000.org/tipitaka/atthapali/read_rm.php?B=3&A=4037 Contents of The Tipitaka Volume 5 http://84000.org/tipitaka/read/?index_5