paliTIPITAKA Volume 7 - Vinaya Pitaka 7

[113] Atthahi bhikkhave angehi samannagatassa upasakassa patto nikkujjitabbo bhikkhunam alabhaya parisakkati bhikkhunam anatthaya parisakkati bhikkhunam anavasaya ^2- parisakkati bhikkhu akkosati paribhasati bhikkhu bhikkhuhi bhedeti buddhassa avannam bhasati dhammassa avannam bhasati sanghassa avannam bhasati anujanami bhikkhave imehi atthahangehi samannagatassa upasakassa pattam nikkujjitum. [114] Evanca pana bhikkhave nikkujjitabbo . byattena @Footnote: ¹ Ma. yato aham. ² Ma. Yu. avasaya. Bhikkhuna patibalena sangho napetabbo {114.1} sunatu me bhante sangho vaddho licchavi ayasmantam dabbam mallaputtam amulikaya silavipattiya anuddhamseti yadi sanghassa pattakallam sangho vaddhassa licchavissa pattam nikkujjeyya asambhogam sanghena kareyya. Esa natti. {114.2} Sunatu me bhante sangho vaddho licchavi ayasmantam dabbam mallaputtam amulikaya silavipattiya anuddhamseti . sangho vaddhassa licchavissa pattam nikkujjati asambhogam sanghena karoti . Yassayasmato khamati vaddhassa licchavissa pattassa nikkujjana asambhogam sanghena karanam so tunhassa yassa nakkhamati so bhaseyya. {114.3} Nikkujjito sanghena vaddhassa licchavissa patto asambhogo sanghena khamati sanghassa tasma tunhi. Evametam dharayamiti ^1-. [115] Athakho ayasma anando pubbanhasamayam nivasetva pattacivaramadaya yena vaddhassa licchavissa nivesanam tenupasankami upasankamitva vaddham licchavim etadavoca sanghena te avuso vaddha patto nikkujjito asambhogosi sanghenati . athakho vaddho licchavi sanghena kira me patto nikkujjito asambhogomhi kira sanghenati tattheva mucchito papato . athakho vaddhassa @Footnote: ¹ ito param athakho sangho vaddhassa licchavissa pattam nikkujji asambhogam sanghena @akasiti patho bhavitum arahatiyeva. Licchavissa mittamacca natisalohita vaddham licchavim etadavocum alam avuso vaddha ma soci ma paridevi mayam bhagavantam pasadessama bhikkhusanghancati . athakho vaddho licchavi saputtadaro samittamacco sanatisalohito allavattho allakeso yena bhagava tenupasankami upasankamitva bhagavato padesu sirasa nipatitva bhagavantam etadavoca accayo mam bhante accagama yathabalam yathamulham yathaakusalam yoham ayyam dabbam mallaputtam amulikaya silavipattiya anuddhamsesim tassa me bhante bhagava accayam accayato patigganhatu ayatim samvarayati . ingha ^1- tvam avuso vaddha accayo accagama yathabalam yathamulham yathaakusalam yam tvam dabbam mallaputtam amulikaya silavipattiya anuddhamsesi yato ca kho tvam avuso vaddha accayam accayato disva yathadhammam patikarosi tante mayam patigganhama vuddhi hesa avuso vaddha ariyassa vinaye yo accayam accayato disva yathadhammam patikaroti ayatim samvaram apajjatiti. [116] Athakho bhagava bhikkhu amantesi tenahi ^2- bhikkhave sangho vaddhassa licchavissa pattam ukkujjatu sambhogam sanghena karotu . atthahi bhikkhave angehi samannagatassa upasakassa patto ukkujjitabbo na bhikkhunam alabhaya parisakkati na @Footnote: ¹ Ma. Yu. taggha. ² Ma. Yu. tena hi. Bhikkhunam anatthaya parisakkati na bhikkhunam anavasaya ^1- parisakkati na bhikkhu akkosati paribhasati na bhikkhu bhikkhuhi bhedeti na buddhassa avannam bhasati na dhammassa avannam bhasati na sanghassa avannam bhasati anujanami bhikkhave imehi atthahangehi samannagatassa upasakassa pattam ukkujjitum.

The Pali Tipitaka in Roman Character Volume 7 page 42-45. http://84000.org/tipitaka/read/roman_item_s.php?book=7&item=113&items=4&modeTY=2 Classified by [Item Number] :- http://84000.org/tipitaka/read/roman_item_s.php?book=7&item=113&items=4&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=113&items=4&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=113&items=4&modeTY=2 Study Atthakatha :- http://84000.org/tipitaka/attha/attha.php?b=7&i=113 Contents of The Tipitaka Volume 7 http://84000.org/tipitaka/read/?index_7