paliTIPITAKA Volume 7 - Vinaya Pitaka 7

[429] Arannakena bhikkhave bhikkhuna kalasseva utthaya pattam thavikaya pakkhipitva amse alaggetva civaram khandhe karitva upahana arohitva darubhandam mattikabhandam patisametva dvaravatapanani ^1- thaketva senasana otaritabbam idani gamam pavisissamiti upahana omuncitva nicam katva pappotetva thavikaya pakkhipitva amse alaggetva timandalam paticchadentena parimandalam nivasetva kayabandhanam bandhitva sagunam katva sanghatiyo parupitva ganthikam patimuncitva dhovitva pattam gahetva sadhukam ataramanena gamo pavisitabbo supaticchannena antaraghare gantabbam susamvutena antaraghare gantabbam .pe. na ukkutikaya antaraghare gantabbam {429.1} nivesanam pavisantena sallakkhetabbam imina pavisissami imina nikkhamissamiti natisahasa pavisitabbam natisahasa nikkhamitabbam natidure thatabbam naccasanne thatabbam naticiram thatabbam natilahukam nivattitabbam thitakena sallakkhetabbam bhikkham datukama va adatukama vati sace kammam va nikkhipati asana va vutthati katacchum va paramasati bhajanam va paramasati thapeti va datukamiyati thatabbam bhikkhaya diyamanaya vamena @Footnote: ¹ Ma. Yu. dvaravatapanam. Hatthena sanghatim uccaretva dakkhinena hatthena pattam panametva ubhohi hatthehi pattam pariggahetva bhikkha patiggahetabba na ca bhikkhadayikaya mukham oloketabbam sallakkhetabbam supam va ^1- datukama va adatukama vati sace katacchum va paramasati bhajanam va paramasati thapeti va datukamiyati thatabbam bhikkhaya dinnaya sanghatiya pattam paticchadetva sadhukam ataramanena nivattitabbam {429.2} supaticchannena antaraghare gantabbam .pe. Na ukkutikaya antaraghare gantabbam gamato nikkhamitva pattam thavikaya pakkhipitva amse alaggetva civaram samharitva sise karitva upahana arohitva gantabbam arannakena bhikkhave bhikkhuna paniyam upatthapetabbam paribhojaniyam upatthapetabbam aggi upatthapetabbo aranisahitam upatthapetabbam kattaradando upatthapetabbo nakkhattapadani uggahetabbani sakalani va ekadesani va disakusalena bhavitabbam {429.3} idam kho bhikkhave arannakanam bhikkhunam vattam yatha arannakehi bhikkhuhi samma vattitabbanti.

The Pali Tipitaka in Roman Character Volume 7 page 234-235. http://84000.org/tipitaka/read/roman_item_s.php?book=7&item=429&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=7&item=429&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=429&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=429&items=1&modeTY=2 Study Atthakatha :- http://84000.org/tipitaka/attha/attha.php?b=7&i=429 Contents of The Tipitaka Volume 7 http://84000.org/tipitaka/read/?index_7