paliTIPITAKA Volume 8 - Vinaya Pitaka 8

[804] Kayasamsaggam sadiyanapaccaya kati apattiyo apajjati . Kayasamsaggam sadiyanapaccaya panca apattiyo apajjati avassuta bhikkhuni avassutassa purisapuggalassa adhakkhakam ubbhajanumandalam gahanam sadiyati apatti parajikassa bhikkhu kayena kayam amasati apatti sanghadisesassa kayena kayapatibaddham amasati apatti thullaccayassa kayapatibaddhena kayapatibaddham amasati apatti dukkatassa angulipatodake pacittiyam kayasamsaggam sadiyanapaccaya ima panca apattiyo apajjati. [805] Vajjam paticchadanapaccaya kati apattiyo apajjati . Vajjam paticchadanapaccaya catasso apattiyo apajjati . bhikkhuni janaparajikam dhammam ajjhapannam ^1- paticchadeti apatti parajikassa vematika paticchadeti apatti thullaccayassa bhikkhu sanghadisesam paticchadeti apatti pacittiyassa acaravipattim paticchadeti apatti dukkatassa vajjapaticchadanapaccaya ima catasso apattiyo apajjati. [806] Yavatatiyam samanubhasanaya nappatinissajjanapaccaya kati apattiyo apajjati . yavatatiyam samanubhasanaya nappatinissajjanapaccaya panca apattiyo apajjati ukkhittanuvattika bhikkhuni @Footnote: ¹ Ma. Yu. ayam patho natthi. Yavatatiyam samanubhasanaya nappatinissajjati nattiya dukkatam dvihi kammavacahi thullaccaya kammavacapariyosane apatti parajikassa bhedanuvattika bhikkhuni yavatatiyam samanubhasanaya nappatinissajjati apatti sanghadisesassa . papikaya ditthiya yavatatiyam samanubhasanaya nappatinissajjati apatti pacittiyassa yavatatiyam samanubhasanaya nappatinissajjanapaccaya ima panca apattiyo apajjati. [807] Atthamam vatthum paripuranapaccaya kati apattiyo apajjati. Atthamam vatthum paripuranapaccaya tisso apattiyo apajjati purisena itthannamam ^[1]- agacchati vutta gacchati apatti dukkatassa purisassa hatthapasam okkantamatte apatti thullaccayassa atthamam vatthum paripureti apatti parajikassa atthamam vatthum paripuranapaccaya ima tisso apattiyo apajjati. Parajika nitthita.

The Pali Tipitaka in Roman Character Volume 8 page 215-216. http://84000.org/tipitaka/read/roman_item_s.php?book=8&item=804&items=4&modeTY=2 Classified by [Item Number] :- http://84000.org/tipitaka/read/roman_item_s.php?book=8&item=804&items=4&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=8&item=804&items=4&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=8&item=804&items=4&modeTY=2 Study Atthakatha :- http://84000.org/tipitaka/attha/attha.php?b=8&i=804 Contents of The Tipitaka Volume 8 http://84000.org/tipitaka/read/?index_8