paliTIPITAKA Volume 8 - Vinaya Pitaka 8

[854] Tattha katamani cha vivadamulani . Idha bhikkhu kodhano hoti upanahi yo so bhikkhu kodhano hoti upanahi so sattharipi agaravo viharati appatisso dhammepi agaravo viharati appatisso sanghepi agaravo viharati appatisso sikkhayapi na paripurikari hoti . Yo so bhikkhu sattharipi agaravo viharati appatisso dhammepi .pe. Sanghepi .pe. Sikkhayapi na paripurikari hoti so sanghe vivadam janeti. Yo so ^1- hoti vivado bahujanahitaya bahujanasukhaya bahuno janassa anatthaya ahitaya dukkhaya devamanussanam . evarupance tumhe vivadamulam ajjhattam @Footnote: ¹ Ma. ayam patho natthi. Va bahiddha va samanupasseyyatha tattha tumhe tasseva papakassa vivadamulassa pahanaya vayameyyatha evarupance tumhe vivadamulam ajjhattam va bahiddha va na samanupasseyyatha tatra tumhe tasseva papakassa vivadamulassa ayatim anavassavaya patipajjeyyatha . Evametassa papakassa vivadamulassa pahanam hoti evametassa papakassa vivadamulassa ayatim anavassavo hoti. {854.1} Puna caparam bhikkhu makkhi hoti palasi .pe. issuki hoti macchari satho hoti mayavi papiccho hoti micchaditthi sanditthiparamasi hoti adhanaggahi duppatinissaggi yo so bhikkhu sanditthiparamasi hoti adhanaggahi duppatinissaggi so sattharipi agaravo viharati appatisso dhammepi agaravo viharati appatisso sanghepi agaravo viharati appatisso sikkhayapi na paripurikari ^1- hoti. {854.2} Yo so bhikkhu sattharipi agaravo viharati appatisso dhammepi .pe. sanghepi .pe. sikkhayapi na paripurikari hoti so sanghe vivadam janeti . yo so hoti vivado bahujanahitaya bahujanasukhaya bahuno janassa anatthaya ahitaya dukkhaya devamanussanam . Evarupance tumhe vivadamulam ajjhattam va bahiddha va samanupasseyyatha tatra tumhe tasseva papakassa vivadamukassa pahanaya vayameyyatha evarupance tumhe vivadamulam ajjhattam va bahiddha va na samanupasseyyatha tatra tumhe tasseva papakassa @Footnote: ¹ Po. Ma. paripurakari. Vivadamulassa ayatim anavassavaya patipajjeyyatha . evametassa papakassa vivadamulassa pahanam hoti evametassa papakassa vivadamulassa ayatim anavassavo hoti. Imani cha vivadamulani.

The Pali Tipitaka in Roman Character Volume 8 page 234-236. http://84000.org/tipitaka/read/roman_item_s.php?book=8&item=854&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=8&item=854&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=8&item=854&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=8&item=854&items=1&modeTY=2 Study Atthakatha :- http://84000.org/tipitaka/attha/attha.php?b=8&i=854 Contents of The Tipitaka Volume 8 http://84000.org/tipitaka/read/?index_8