paliTIPITAKA Volume 9 - Sutta Pitaka 1

Samannaphalasuttam dutiyam [91] Evamme sutam . Ekam samayam bhagava rajagahe viharati jivakassa komarabhaccassa ambavane mahata bhikkhusamghena saddhim addhatelasehi bhikkhusatehi . tena kho pana samayena raja magadho ajatasattu vedehiputto tadahuposathe pannarase komudiya catummasiniya punnaya punnamaya rattiya rajamaccaparivuto uparipasadavaragato nisinno hoti . athakho raja magadho ajatasattu vedehiputto udanam udanesi ramaniya vata bho dosina ratti abhirupa vata bho dosina ratti dassaniya vata bho dosina ratti pasadika vata bho dosina ratti lakkhanna vata bho dosina ratti kam nu khvajja samanam va brahmanam va payirupaseyyama ^1- yanno payirupasato cittam pasideyyati. {91.1} Evam vutte annataro rajamacco rajanam magadham ajatasattum vedehiputtam etadavoca ayam deva purano kassapo samghi ceva gani ca ganacariyo ca nato yasassi titthakaro sadhusammato bahujanassa rattannu cirapabbajito addhagato vayoanuppatto tam devo puranam kassapam payirupasatu appevanama devassa puranam kassapam payirupasato cittam pasideyyati . evam vutte raja magadho ajatasattu vedehiputto tunhi ahosi . annataropi kho rajamacco @Footnote: ¹ Yu. payirupaseyyama. Rajanam magadham ajatasattum vedehiputtam etadavoca ayam deva makkhali gosalo samghi ceva gani ca ganacariyo ca nato yasassi titthakaro sadhusammato bahujanassa rattannu cirapabbajito addhagato vayoanuppatto tam devo makkhalim gosalam payirupasatu appevanama devassa makkhalim gosalam payirupasato cittam pasideyyati. Evam vutte raja magadho ajatasattu vedehiputto tunhi ahosi. {91.2} Annataropi kho rajamacco rajanam magadham ajatasattum vedehiputtam etadavoca ayam deva ajito kesakambalo samghi ceva gani ca ganacariyo ca nato yasassi titthakaro sadhusammato bahujanassa rattannu cirapabbajito addhagato vayoanuppatto tam devo ajitam kesakambalam payirupasatu appevanama devassa ajitam kesakambalam payirupasato cittam pasideyyati . evam vutte raja magadho ajatasattu vedehiputto tunhi ahosi. {91.3} Annataropi kho rajamacco rajanam magadham ajatasattum vedehiputtam etadavoca ayam deva pakudho kaccayano samghi ceva gani ca ganacariyo ca nato yasassi titthakaro sadhusammato bahujanassa rattannu cirapabbajito addhagato vayoanuppatto tam devo pakudham kaccayanam payirupasatu appevanama devassa pakudham kaccayanam payirupasato cittam pasideyyati . evam vutte raja magadho ajatasattu vedehiputto tunhi ahosi . annataropi kho rajamacco rajanam magadham Ajatasattum vedehiputtam etadavoca ayam deva sanjayo velatthaputto ^1- samghi ceva gani ca ganacariyo ca nato yasassi titthakaro sadhusammato bahujanassa rattannu cirapabbajito addhagato vayoanuppatto tam devo sanjayam velatthaputtam payirupasatu appevanama devassa sanjayam velatthaputtam payirupasato cittam pasideyyati . evam vutte raja magadho ajatasattu vedehiputto tunhi ahosi. {91.4} Annataropi kho rajamacco rajanam magadham ajatasattum vedehiputtam etadavoca ayam deva nigantho nataputto samghi ceva gani ca ganacariyo ca nato yasassi titthakaro sadhusammato bahujanassa rattannu cirapabbajito addhagato vayoanuppatto tam devo nigantham nataputtam payirupasatu appevanama devassa nigantham nataputtam payirupasato cittam pasideyyati . evam vutte raja magadho ajatasattu vedehiputto tunhi ahosi. [92] Tena kho pana samayena jivako komarabhacco ranno magadhassa ajatasattussa vedehiputtassa avidure tunhibhuto nisinno hoti . Athakho raja magadho ajatasattu vedehiputto jivakam komarabhaccam etadavoca tvam pana samma jivaka kim tunhiti . ayam deva bhagava araham sammasambuddho amhakam ambavane viharati mahata bhikkhusamghena saddhim addhatelasehi bhikkhusatehi tam kho pana bhagavantam evam kalyano @Footnote: ¹ Si. velatthiputto. Kittisaddo abbhuggato itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati tam devo bhagavantam payirupasatu appevanama devassa bhagavantam payirupasato cittam pasideyyati. {92.1} Tenahi samma jivaka hatthiyanani kappapehiti . evam devati kho jivako komarabhacco ranno magadhassa ajatasattussa vedehiputtassa patisunitva ^1- pancamattani hatthiniyasatani ^2- kappapetva ranno ca arohaniyam ^3- nagam ranno magadhassa ajatasattussa vedehiputtassa pativedesi kappitani kho te deva hatthiyanani yassadani kalam mannasiti. {92.2} Athakho raja magadho ajatasattu vedehiputto pancasu hatthiniyasatesu pacceka itthiyo aropetva arohaniyam nagam abhiruhitva ukkasu dhariyamanasu rajagahamha niyyasi mahaccarajanubhavena yena jivakassa komarabhaccassa ambavanam tena payasi . athakho ranno magadhassa ajatasattussa vedehiputtassa avidure ambavanassa ahudeva bhayam ahu chambhitattam ahu lomahamso. Athakho raja magadho ajatasattu vedehiputto bhito samviggo lomahatthajato jivakam komarabhaccam etadavoca kacci mam samma jivaka na vancesi kacci mam samma jivaka na palambhesi kacci mam samma jivaka na paccatthikanam @Footnote: ¹ Si. Yu. patissutva. ² Si. Yu. hatthinikasatani. ³ Si. arohiniyam @arohaniyam. Desi katham hi nama tavamahato bhikkhusamghassa addhatelasanam bhikkhusatanam neva khipitasaddo bhavissati na ukkasitasaddo na nigghosoti . Ma bhayi maharaja ma bhayi maharaja na tam deva vancemi na tam deva palambhami na tam deva paccatthikanam demi abhikkama maharaja abhikkama maharaja ete mandalamale padipa jhayantiti. {92.3} Athakho raja magadho ajatasattu vedehiputto yavatika nagassa bhumi nagena gantva naga paccorohitva padiko va ^1- yena mandalamalassa dvaram tenupasankami upasankamitva jivakam komarabhaccam etadavoca kaham pana samma jivaka bhagavati . eso maharaja bhagava majjhimam thambham nissaya puratthabhimukho nisinno purakkhato bhikkhusamghassati. Athakho raja magadho ajatasattu vedehiputto yena bhagava tenupasankami upasankamitva ekamantam atthasi . ekamantam thito kho raja magadho ajatasattu vedehiputto tunhibhutam tunhibhutam bhikkhusamgham anuviloketva rahadamiva vippasannam udanam udanesi imina me upasamena udayabhaddo ^2- kumaro samannagato hotu yenetarahi upasamena bhikkhusamgho samannagatoti. Agama kho tvam maharaja yathapemanti . piyo me bhante udayabhaddo kumaro imina me bhante upasamena udayabhaddo kumaro samannagato hotu yenetarahi upasamena bhikkhusamgho samannagatoti. @Footnote: ¹ Si. pattiko va. ² Si. udayibhaddo.

The Pali Tipitaka in Roman Character Volume 9 page 61-65. http://84000.org/tipitaka/read/roman_item_s.php?book=9&item=91&items=2&modeTY=2 Classified by [Item Number] :- http://84000.org/tipitaka/read/roman_item_s.php?book=9&item=91&items=2&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=9&item=91&items=2&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=9&item=91&items=2&modeTY=2 Study Atthakatha :- http://84000.org/tipitaka/attha/attha.php?b=9&i=91 The Pali Atthakatha in Thai :- http://84000.org/tipitaka/atthapali/read_th.php?B=4&A=3185 The Pali Atthakatha in Roman :- http://84000.org/tipitaka/atthapali/read_rm.php?B=4&A=3185 Contents of The Tipitaka Volume 9 http://84000.org/tipitaka/read/?index_9