PaliRoman Vol.4

ye dhamma hetuppabhava tesam hetum tathagato (aha) tesanca yo nirodho evamvadi mahasamanoti. [66] Athakho sariputtassa paribbajakassa imam dhammapariyayam sutva virajam vitamalam dhammacakkhum udapadi yankinci samudayadhammam sabbantam nirodhadhammanti. Eseva dhammo yadi tavadeva paccabyatha ^1- padamasokam adittham abbhatitam bahukehi kappanahutehiti. [67] Athakho sariputto paribbajako yena moggallano paribbajako tenupasankami . addasa kho moggallano paribbajako sariputtam paribbajakam durato va agacchantam disvana sariputtam paribbajakam etadavoca vippasannani kho te avuso indriyani parisuddho chavivanno pariyodato kacci nu ^2- tvam avuso amatamadhigatoti . ama avuso amatamadhigatoti . yatha katham pana tvam avuso amatamadhigatoti . idhaham avuso addasam @Footnote: ¹ Ma. paccabyattha. ito param idisameva . ² Ma. no. Assajim bhikkhum rajagahe pindaya carantam pasadikena abhikkantena patikkantena alokitena vilokitena samminjitena pasaritena okkhittacakkhum iriyapathasampannam disvana me etadahosi ye vata loke arahanto va arahattamaggam va samapanna ayam tesam bhikkhu ^1- annataro yannunaham imam bhikkhum upasankamitva puccheyyam kamsi tvam avuso uddissa pabbajito ko va te sattha kassa va tvam dhammam rocesiti tassa mayham avuso etadahosi akalo kho imam bhikkhum pucchitum antaragharam pavittho pindaya carati yannunaham imam bhikkhum pitthito pitthito anubandheyyam atthikehi upannatam magganti athakho avuso assaji bhikkhu rajagahe pindaya caritva pindapatam adaya patikkami athakhvaham avuso yena assaji bhikkhu tenupasankamim upasankamitva assajina bhikkhuna saddhim sammodim sammodaniyam katham saraniyam vitisaretva ekamantam atthasim ekamantam thito kho aham avuso assajim bhikkhum etadavocam vippasannani kho te avuso indriyani parisuddho chavivanno pariyodato kamsi tvam avuso uddissa pabbajito ko va te sattha kassa va tvam dhammam rocesiti atthavuso mahasamano sakyaputto sakyakula pabbajito taham bhagavantam uddissa pabbajito so ca me bhagava sattha tassa caham bhagavato dhammam rocemiti kimvadi panayasmato sattha @Footnote: ¹ Yu. bhikkhunam. Kimakkhayiti aham kho avuso navo acirapabbajito adhunagato imam dhammavinayam na taham sakkomi vittharena dhammam desetum apica te sankhittena attham vakkhamiti appam va bahum va bhasassu atthamyeva me bruhi attheneva me attho kim kahasi byanjanam bahunti. [68] Athakho avuso assaji bhikkhu imam dhammapariyayam abhasi ye dhamma hetuppabhava tesam hetum tathagato (aha) tesanca yo nirodho evamvadi mahasamanoti. [69] Athakho moggallanassa paribbajakassa imam dhammapariyayam sutva virajam vitamalam dhammacakkhum udapadi yankinci samudayadhammam sabbantam nirodhadhammanti. Eseva dhammo yadi tavadeva paccabyatha padamasokam adittham abbhatitam bahukehi kappanahutehiti. [70] Athakho moggallano paribbajako sariputtam paribbajakam etadavoca gacchama mayam avuso bhagavato santike so no bhagava satthati . imani kho avuso addhateyyani paribbajakasatani amhe nissaya amhe sampassanta idha viharanti tepi tava apalokema ^1- yatha te mannissanti tatha ^[2]- karissantiti. Athakho sariputtamoggallana yena te paribbajaka tenupasankamimsu upasankamitva @Footnote: ¹ Si. Yu. apalokama . ² Ma. te. Te paribbajake etadavocum gacchama mayam avuso bhagavato santike so no bhagava satthati . mayam ayasmante nissaya ayasmante sampassanta idha viharama sace ayasmanta mahasamane brahmacariyam carissanti sabbe va mayam mahasamane brahmacariyam carissamati . athakho sariputtamoggallana yena sanjayo paribbajako tenupasankamimsu upasankamitva sanjayam paribbajakam etadavocum gacchama mayam avuso bhagavato santike so no bhagava satthati . alam avuso ma gamittha sabbe va tayo imam ganam pariharissamati . dutiyampi kho .pe. tatiyampi kho sariputtamoggallana sanjayam paribbajakam etadavocum gacchama mayam avuso bhagavato santike so no bhagava satthati . alam avuso ma gamittha sabbe va tayo imam ganam pariharissamati . Athakho sariputtamoggallana tani addhateyyani paribbajakasatani adaya yena veluvanam tenupasankamimsu . sanjayassa pana paribbajakassa tattheva unham lohitam mukhato uggacchi ^1- [71] Addasa kho bhagava sariputtamoggallane durato va agacchante disvana bhikkhu amantesi ete bhikkhave dve sahaya agacchanti kolito upatisso ca etam me savakayugam bhavissati aggam bhaddayuganti. @Footnote: ¹ ugganchitipi patho. Gambhire nanavisaye anuttare upadhisankhaye vimutte appatte veluvanam atha ne sattha byakasi ete dve sahaya agacchanti kolito upatisso ca. Etam me savakayugam bhavissati aggam bhaddayuganti. [72] Athakho sariputtamoggallana yena bhagava tenupasankamimsu upasankamitva bhagavato padesu sirasa nipatitva bhagavantam etadavocum labheyyama mayam bhante bhagavato santike pabbajjam labheyyama upasampadanti . etha bhikkhavoti bhagava avoca svakkhato dhammo caratha brahmacariyam samma dukkhassa antakiriyayati . Sa va tesam ayasmantanam upasampada ahosi. [73] Tena kho pana samayena abhinnata abhinnata magadhika kulaputta bhagavati brahmacariyam caranti . manussa ujjhayanti khiyanti vipacenti aputtakataya patipanno samano gotamo vedhabyaya patipanno samano gotamo kulupacchedaya patipanno samano gotamo idani tena ^1- jatilasahassam pabbajitam imani ca addhateyyani paribbajakasatani sanjayani pabbajitani ime ca abhinnata abhinnata magadhika kulaputta samane gotame brahmacariyam carantiti . apissu bhikkhu disva imaya gathaya codenti @Footnote: ¹ Ma. Yu. anena. Agato kho mahasamano magadhanam giribbajam sabbe sanjaye netvana kamsudani nayissatiti. [74] Assosum kho bhikkhu tesam manussanam ujjhayantanam khiyantanam vipacentanam . athakho te bhikkhu bhagavato etamattham arocesum . Na bhikkhave so saddo ciram bhavissati sattahameva bhavissati sattahassa accayena antaradhayissati tenahi bhikkhave ye tumhe imaya gathaya codenti agato kho mahasamano magadhanam giribbajam sabbe sanjaye netvana kamsudani nayissatiti. [75] Te tumhe imaya gathaya paticodetha nayanti ve mahavira saddhammena tathagata dhammena niyamananam ^1- ka usuyya vijanatanti. Tena kho pana samayena manussa bhikkhu disva imaya gathaya codenti agato kho mahasamano magadhanam giribbajam sabbe sanjaye netvana kamsudani nayissatiti. Bhikkhu te manusse imaya gathaya paticodenti nayanti ve mahavira saddhammena tathagata dhammena niyamananam ^2- ka usuyya vijanatanti. [76] Manussa evamahamsu ^3- dhammena kira samana sakyaputtiya @Footnote: ^1-2 Ma. Yu. nayamananam . ³ sabbatthayam patho na hoti. Nenti no adhammenati . sattahameva so saddo ahosi sattahassa accayena antaradhayi. Sariputtamoggallanapabbajja ^1- nitthita. Catutthabhanavaram nitthitam.

The Pali Tipitaka in Roman Character Volume 4 page 74-80. https://84000.org/tipitaka/read/roman_read.php?B=4&A=1499&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=1499&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=65&items=12 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=18 Study Atthakatha :- https://84000.org/tipitaka/attha/attha.php?b=4&i=65 The Pali Atthakatha in Thai :- https://84000.org/tipitaka/atthapali/read_th.php?B=3&A=625 The Pali Atthakatha in Roman :- https://84000.org/tipitaka/atthapali/read_rm.php?B=3&A=625 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4