|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 13 : PALI ROMAN Sutta Pitaka Vol 5 : Sutta. Ma. Ma.
Bahitiyasuttam [549] Evamme sutam ekam samayam bhagava savatthiyam viharati jetavane anathapindikassa arame . atha kho ayasma anando pubbanhasamayam nivasetva pattacivaramadaya savatthim pindaya pavisi savatthiyam pindaya caritva pacchabhattam pindapatapatikkanto yena pubbaramo migaramatuya pasado tenupasankami divaviharaya. [550] Tena kho pana samayena raja pasenadi kosalo ekapundarikam nagam abhiruhitva savatthiya niyyati divadivassa . Addasa kho raja pasenadi kosalo ayasmantam anandam duratova agacchantam disva sirivaddham mahamattam amantesi ayasma no eso samma sirivaddha anandoti . evam maharaja ayasma eso anandoti . atha kho raja pasenadi kosalo annataram purisam amantesi ehi tvam ambho purisa yenayasma anando tenupasankami upasankamitva mama vacanena ayasmato anandassa pade sirasa vandahi raja bhante pasenadi kosalo ayasmato anandassa pade sirasa vandatiti evanca vadehi sace kira bhante ayasmato anandassa na kinci accayikam karaniyam agametu kira bhante [1]- anando muhuttam anukampam upadayati . evam devati kho so puriso ranno pasenadissa kosalassa patissutva @Footnote: 1 Yu. etthantare ayasmati dissati.--------------------------------------------------------------------------------------------- page499.
Yenayasma anando tenupasankami upasankamitva ayasmantam anandam abhivadetva ekamantam atthasi . ekamantam thito kho so puriso ayasmantam anandam etadavoca raja bhante pasenadi kosalo ayasmato anandassa pade sirasa vandati [1]- sace kira bhante ayasmato anandassa na kinci accayikam karaniyam agametu kira bhante ayasma anando muhuttam anukampam upadayati . Adhivasesi kho ayasma anando tunhibhavena. [551] Atha kho raja pasenadi kosalo yavatika nagassa bhumi nagena gantva naga paccorohitva pattikova yenayasma anando tenupasankami upasankamitva ayasmantam anandam abhivadetva ekamantam atthasi . ekamantam thito kho raja pasenadi kosalo ayasmantam anandam etadavoca sace bhante ayasmato anandassa na kinci accayikam karaniyam sadhu bhante ayasma anando yena aciravatiya nadiya tiram tenupasankamatu anukampam upadayati . adhivasesi kho ayasma anando tunhibhavena . Atha kho ayasma anando yena aciravatiya nadiya tiram tenupasankami upasankamitva annatarasmim rukkhamule pannatte asane nisidi . atha kho raja pasenadi kosalo yavatika nagassa bhumi nagena gantva naga paccorohitva pattikova yenayasma anando tenupasankami upasankamitva ayasmantam anandam @Footnote: 1 Yu. etthantare evanca vadetiti dissati.--------------------------------------------------------------------------------------------- page500.
Abhivadetva ekamantam atthasi . ekamantam thito kho raja pasenadi kosalo ayasmantam anandam etadavoca idha bhante ayasma anando katthatthare 1- nisidatuti . alam maharaja nisida tvam nisinno aham sake asaneti . nisidi kho raja pasenadi kosalo pannatte asane. [552] Nisajja kho raja pasenadi kosalo ayasmantam anandam etadavoca kinnu kho bhante ananda so bhagava tatharupam kayasamacaram samacareyya yvayam 2- kayasamacaro oparambho samanehi brahmanehi vinnuhiti . na kho maharaja so bhagava tatharupam kayasamacaram samacareyya yvayam kayasamacaro oparambho samanehi brahmanehi vinnuhiti . kim pana bhante ananda so bhagava tatharupam vacisamacaram .pe. manosamacaram samacareyya yvayam manosamacaro oparambho samanehi brahmanehi vinnuhiti . na kho maharaja so bhagava tatharupam manosamacaram samacareyya yvayam manosamacaro oparambho samanehi brahmanehi vinnuhiti. [553] Acchariyam bhante abbhutam bhante yanhi mayam bhante nasakkhimha panhena paripuretum tam bhante ayasmata anandena panhassa veyyakaranena paripuritam ye te bhante bala abyatta ananuvicca appariyogahetva paresam vannam va avannam va bhasanti na mayantam sarato paccagacchama ye ca kho te @Footnote: 1 Yu. hatthatthare . 2 Yu. sabbattha yvassati dissati.--------------------------------------------------------------------------------------------- page501.
Bhante pandita byatta 1- viyatta 2- medhavino anuvicca pariyogahetva paresam vannam va avannam va bhasanti tam mayam sarato paccagacchama {553.1} katamo pana bhante ananda kayasamacaro oparambho samanehi brahmanehi vinnuhiti . yo kho maharaja kayasamacaro akusalo . katamo pana bhante kayasamacaro akusalo . yo kho maharaja kayasamacaro savajjo . katamo pana bhante kayasamacaro savajjo . yo kho maharaja kayasamacaro sabyapajjho . katamo pana bhante kayasamacaro sabyapajjho . yo kho maharaja kayasamacaro dukkhavipako . katamo pana bhante kayasamacaro dukkhavipako . Yo kho maharaja kayasamacaro attabyabadhayapi samvattati parabyabadhayapi samvattati ubhayabyabadhayapi samvattati tassa akusala dhamma abhivaddhanti kusala dhamma parihayanti evarupo kho pana maharaja kayasamacaro oparambho samanehi brahmanehi vinnuhiti. {553.2} Katamo pana bhante ananda vacisamacaro .pe. Manosamacaro oparambho samanehi brahmanehi vinnuhiti . Yo kho maharaja manosamacaro akusalo. {553.3} Katamo pana bhante manosamacaro akusalo. Yo kho maharaja manosamacaro savajjo . katamo pana bhante manosamacaro savajjo . yo kho maharaja manosamacaro sabyapajjho . @Footnote: 1 Yu. ayam patho natthi . 2 yu vyatta.--------------------------------------------------------------------------------------------- page502.
Katamo pana bhante manosamacaro sabyapajjho . yo kho maharaja manosamacaro dukkhavipako . katamo pana bhante manosamacaro dukkhavipako . yo kho maharaja manosamacaro attabyabadhayapi samvattati parabyabadhayapi samvattati ubhayabyabadhayapi samvattati tassa akusala dhamma abhivaddhanti kusala dhamma parihayanti evarupo kho maharaja manosamacaro oparambho samanehi brahmanehi vinnuhiti. [554] Kim nu kho bhante ananda so bhagava sabbesamyeva akusalanam dhammanam pahanam vannetiti . sabbakusaladhammapahino kho maharaja tathagato kusaladhammasamannagato 1- . katamo pana bhante ananda kayasamacaro anoparambho samanehi brahmanehi vinnuhiti . yo kho maharaja kayasamacaro kusalo . katamo pana bhante kayasamacaro kusalo . yo kho maharaja kayasamacaro anavajjo . katamo pana bhante kayasamacaro anavajjo . Yo kho maharaja kayasamacaro abyapajjho . katamo pana bhante kayasamacaro abyapajjho . yo kho maharaja kayasamacaro sukhavipako . katamo pana bhante kayasamacaro sukhavipako . Yo kho maharaja kayasamacaro nevattabyabadhayapi samvattati na parabyabadhayapi samvattati na ubhayabyabadhayapi samvattati tassa akusala dhamma parihayanti kusala @Footnote: 1 Yu. kusaladhammasamannagatoti.--------------------------------------------------------------------------------------------- page503.
Dhamma abhivaddhanti evarupo kho maharaja kayasamacaro anoparambho samanehi brahmanehi vinnuhiti. {554.1} Katamo pana bhante ananda vacisamacaro .pe. Manosamacaro anoparambho samanehi brahmanehi vinnuhiti . Yo kho maharaja manosamacaro kusalo . katamo pana bhante manosamacaro kusalo . yo kho maharaja manosamacaro anavajjo. Katamo pana bhante manosamacaro anavajjo . yo kho maharaja manosamacaro abyapajjho . katamo pana bhante manosamacaro abyapajjho . yo kho maharaja manosamacaro sukhavipako . Katamo pana bhante manosamacaro sukhavipako . yo kho maharaja manosamacaro nevattabyabadhayapi samvattati na parabyabadhayapi samvattati na ubhayabyabadhayapi samvattati tassa akusala dhamma parihayanti kusala dhamma abhivaddhanti evarupo kho maharaja manosamacaro anoparambho samanehi brahmanehi vinnuhiti. [555] Kinnu kho pana bhante 1- ananda so bhagava sabbesamyeva kusalanam dhammanam upasampadam vannetiti . sabbakusaladhammapahino kho maharaja tathagato kusaladhammasamannagatoti. [556] Acchariyam bhante abbhutam bhante yava subhasitancidam bhante ayasmata anandena imina ca mayam bhante ayasmato anandassa subhasitena attamanabhiraddha evam attamanabhiraddha [2]- @Footnote: 1 Yu. kim pana bhante . 2 Yu. etthantare casaddo dissati.--------------------------------------------------------------------------------------------- page504.
Mayam bhante ayasmato anandassa subhasitena sace bhante ayasmato anandassa hatthiratanam kappeyya hatthiratanampi mayam ayasmato anandassa dadeyyama sace bhante ayasmato anandassa assaratanam kappeyya assaratanampi mayam ayasmato anandassa dadeyyama sace bhante ayasmato anandassa gamavaram kappeyya gamavarampi mayam ayasmato anandassa dadeyyama apica bhante mayampanetam janama netam ayasmato anandassa kappatiti ayam me bhante bahitika ranna magadhena ajatasattuna vedehiputtena chattanaliya pakkhipitva pahita solasasama ayamena atthasama vittharena tam bhante ayasma anando patigganhatu anukampam upadayati . alam maharaja paripunnam me ticivaranti. [557] Ayam bhante aciravati nadi dittha ayasmata ceva anandena amhehi ca yatha 1- upari pabbate mahamegho abhippavuttho hoti athayam aciravati nadi ubhato kullani 2- samvisandanti gacchati evameva kho bhante ayasma anando imaya bahitikaya attano ticivaram karissati yam pana ayasmato anandassa puranam ticivaram tam sabrahmacarihi samvibhajissati evayam amhakam dakkhina samvisandanti manne gamissati patigganhatu bhante ayasma anando bahitikanti . patiggahesi kho ayasma @Footnote: 1 Yu. yada . 2 Yu. kulani.--------------------------------------------------------------------------------------------- page505.
Anando bahitikam . atha kho raja pasenadi kosalo ayasmantam anandam etadavoca handa cadani 1- mayam bhante ananda gacchama bahukicca mayam bahukaraniyati . yassadani tvam maharaja kalam mannasiti . atha kho raja pasenadi kosalo ayasmato anandassa bhasitam abhinanditva [2]- utthayasana ayasmantam anandam abhivadetva padakkhinam katva pakkami. [558] Atha kho ayasma anando acirapakkantassa [3]- pasenadissa kosalassa yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando yavatako ahosi ranna pasenadina kosalena saddhim kathasallapo tam sabbam bhagavato arocesi tanca bahitikam bhagavato padasi . atha kho bhagava bhikkhu amantesi labha bhikkhave ranno pasenadissa kosalassa suladdham 4- bhikkhave ranno pasenadissa kosalassa yam raja pasenadi kosalo labhati anandam dassanaya labhati payirupasanayati. Idamavoca bhagava attamana te bhikkhu bhagavato bhasitam abhinandunti. Bahitiyasuttam nitthitam atthamam. --------- @Footnote: 1 Yu. handa va dani . 2 Yu. etthantare anumoditvati dissati. @3 Yu. etthantare rannoti dissati . 4 Yu. suladdhalabha.The Pali Tipitaka in Roman Character Volume 13 page 498-505. https://84000.org/tipitaka/read/roman_read.php?B=13&A=10193&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=13&A=10193&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=13&item=549&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=13&siri=38 Study Atthakatha :- https://84000.org/tipitaka/attha/attha.php?b=13&i=549 The Pali Atthakatha in Thai :- https://84000.org/tipitaka/atthapali/read_th.php?B=9&A=6327 The Pali Atthakatha in Roman :- https://84000.org/tipitaka/atthapali/read_rm.php?B=9&A=6327 Contents of The Tipitaka Volume 13 https://84000.org/tipitaka/read/?index_13 https://84000.org/tipitaka/english/?index_13
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]