|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.
Salayatanavibhangasuttam 1- [825] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . Bhagava etadavoca mahasalayatanikam vo bhikkhave desissami tam sunatha sadhukam manasikarotha bhasissamiti . evambhanteti kho te bhikkhu bhagavato paccassosum. [826] Bhagava etadavoca cakkhum bhikkhave ajanam apassam yathabhutam rupe ajanam apassam yathabhutam cakkhuvinnanam ajanam apassam yathabhutam cakkhusamphassam ajanam apassam yathabhutam yamidam 2- cakkhusamphassapaccaya uppajjati vedayitam sukham va dukkham va adukkhamasukham va tampi ajanam apassam yathabhutam cakkhusmim sarajjati rupesu sarajjati cakkhuvinnane sarajjati cakkhusamphasse sarajjati yamidam cakkhusamphassapaccaya uppajjati vedayitam sukham va dukkham va adukkhamasukham va tasmimpi sarajjati . tassa sarattassa samyuttassa sammulhassa assadanupassino viharato ayatim pancupadanakkhandha upacayam gacchanti . tanha cassa ponobbhavika nandiragasahagata tatratatrabhinandini sa cassa pavaddhati . tassa kayikapi daratha pavaddhanti cetasikapi daratha pavaddhanti kayikapi santapa @Footnote: 1 Ma. Yu. mahasalayatanikasuttam . 2 Yu. yampidam. evam sabbattha natabbam.--------------------------------------------------------------------------------------------- page522.
Pavaddhanti cetasikapi santapa pavaddhanti kayikapi parilaha pavaddhanti cetasikapi parilaha pavaddhanti . so kayikadukkhampi cetodukkhampi patisamvedeti. [827] Sotam bhikkhave ajanam apassam yathabhutam ... Ghanam bhikkhave ajanam apassam yathabhutam ... jivham bhikkhave ajanam apassam yathabhutam ... Kayam bhikkhave ajanam apassam yathabhutam ... manam bhikkhave ajanam apassam yathabhutam dhamme [1]- ajanam apassam yathabhutam manovinnanam [2]- apassam yathabhutam manosamphassam [3]- ajanam apassam yathabhutam yamidam manosamphassapaccaya uppajjati vedayitam sukham va dukkham va adukkhamasukham va tampi ajanam apassam yathabhutam manasmim sarajjati dhammesu sarajjati manovinnane sarajjati manosamphasse sarajjati yamidam manosamphassapaccaya uppajjati vedayitam sukham va dukkham va adukkhamasukham va tasmimpi sarajjati. {827.1} Tassa sarattassa samyuttassa sammulhassa assadanupassino viharato ayatim pancupadanakkhandha upacayam gacchanti . tanha cassa ponobbhavika nandiragasahagata tatratatrabhinandini sa cassa pavaddhati . Tassa kayikapi daratha pavaddhanti cetasikapi daratha pavaddhanti kayikapi santapa pavaddhanti cetasikapi santapa pavaddhanti kayikapi parilaha pavaddhanti cetasikapi parilaha pavaddhanti . so kayikadukkhampi cetodukkhampi patisamvedeti. @Footnote: 1 Po. Ma. Yu. etthantare bhikkhaveti dissati. 2-3 Ma. etthantare @bhikkhaveti dissati.--------------------------------------------------------------------------------------------- page523.
[828] Cakkhunca kho bhikkhave janam passam yathabhutam rupe janam passam yathabhutam cakkhuvinnanam janam passam yathabhutam cakkhusamphassam janam passam yathabhutam yamidam cakkhusamphassapaccaya uppajjati vedayitam sukham va dukkham va adukkhamasukham va tampi janam passam yathabhutam cakkhusmim na sarajjati rupesu na sarajjati cakkhuvinnane na sarajjati cakkhusamphasse na sarajjati yamidam cakkhusamphassapaccaya uppajjati vedayitam sukham va dukkham va adukkhamasukham va tasmimpi na sarajjati. {828.1} Tassa asarattassa asamyuttassa asammulhassa adinavanupassino viharato ayatim pancupadanakkhandha apacayam gacchanti . tanha cassa ponobbhavika nandiragasahagata tatratatrabhinandini sa cassa pahiyati . tassa kayikapi daratha pahiyanti cetasikapi daratha pahiyanti kayikapi santapa pahiyanti cetasikapi santapa pahiyanti kayikapi parilaha pahiyanti cetasikapi parilaha pahiyanti . so kayikasukhampi cetosukhampi patisamvedeti . ya tathabhutassa 1- hoti ditthi sassa hoti sammaditthi yo tathabhutassa sankappo svassa hoti sammasankappo yo tathabhutassa vayamo svassa hoti sammavayamo ya tathabhutassa sati sassa hoti sammasati yo tathabhutassa 1- samadhi svassa hoti sammasamadhi . pubbeva kho panassa kayakammam vacikammam ajivo suparisuddho hoti . Evamassayam ariyo atthangiko maggo bhavanaparipurim gacchati. @Footnote: 1 Yu. yathabhutassa. evam sabbattha natabbam.--------------------------------------------------------------------------------------------- page524.
[829] Tassa evam imam ariyam atthangikam maggam bhavayato cattaropi satipatthana bhavanaparipurim gacchanti cattaropi sammappadhana bhavanaparipurim gacchanti cattaropi iddhipada bhavanaparipurim gacchanti pancapi indriyani bhavanaparipurim gacchanti pancapi balani bhavanaparipurim gacchanti sattapi bojjhanga bhavanaparipurim gacchanti . tassime dve dhamma yuganaddha 1- vattanti samatho ca vipassana ca . so ye dhamma abhinna parinneyya te dhamme abhinna parijanati ye dhamma abhinna pahatabba te dhamme abhinna pajahati ye dhamma abhinna bhavetabba te dhamme abhinna bhaveti ye dhamma abhinna sacchikatabba te dhamme abhinna sacchikaroti. {829.1} Katame ca bhikkhave dhamma abhinna parinneyya pancupadanakkhandhatissa vacaniyam seyyathidam rupupadanakkhandho vedanupadanakkhandho sannupadanakkhandho sankharupadanakkhandho vinnanupadanakkhandho ime dhamma abhinna parinneyya . katame ca bhikkhave dhamma abhinna pahatabba avijja ca bhavatanha ca ime dhamma abhinna pahatabba . katame ca bhikkhave dhamma abhinna bhavetabba samatho ca vipassana ca ime dhamma abhinna bhavetabba . katame ca bhikkhave dhamma abhinna sacchikatabba vijja ca vimutti ca ime dhamma abhinna sacchikatabba. [830] Sotam bhikkhave janam passam yathabhutam ... ghanam bhikkhave @Footnote: 1 Ma. Yu. yuganandha.--------------------------------------------------------------------------------------------- page525.
Janam passam yathabhutam ... jivham bhikkhave janam passam yathabhutam ... Kayam bhikkhave janam passam yathabhutam ... manam bhikkhave janam passam yathabhutam dhamme [1]- janam passam yathabhutam manovinnanam [2]- janam passam yathabhutam manosamphassam [3]- janam passam yathabhutam yamidam manosamphassapaccaya uppajjati vedayitam sukham va dukkham va adukkhamasukham va tampi janam passam yathabhutam manasmim na sarajjati dhammesu na sarajjati manovinnane na sarajjati manosamphasse na sarajjati yamidam manosamphassapaccaya uppajjati vedayitam sukham va dukkham va adukkhamasukham va tasmimpi na sarajjati. {830.1} Tassa asarattassa asamyuttassa asammulhassa adinavanupassino viharato ayatim pancupadanakkhandha apacayam gacchanti . tanha cassa ponobbhavika nandiragasahagata tatratatrabhinandini sa cassa pahiyati . tassa kayikapi daratha pahiyanti cetasikapi daratha pahiyanti kayikapi santapa pahiyanti cetasikapi santapa pahiyanti kayikapi parilaha pahiyanti cetasikapi parilaha pahiyanti. So kayikasukhampi cetosukhampi patisamvedeti. {830.2} Ya tathabhutassa ditthi sassa hoti sammaditthi yo tathabhutassa sankappo svassa hoti sammasankappo yo tathabhutassa vayamo svassa hoti sammavayamo ya tathabhutassa sati sassa hoti sammasati yo tathabhutassa samadhi svassa hoti sammasamadhi . Pubbeva kho panassa kayakammam vacikammam ajivo suparisuddho hoti . @Footnote:1-2-3 Yu. etthantare bhikkhaveti dissati.--------------------------------------------------------------------------------------------- page526.
Evamassayam ariyo atthangiko maggo bhavanaparipurim gacchati. [831] Tassa evam ariyam atthangikam maggam bhavayato cattaropi satipatthana bhavanaparipurim gacchanti cattaropi sammappadhana bhavanaparipurim gacchanti cattaropi iddhipada bhavanaparipurim gacchanti pancapi indriyani bhavanaparipurim gacchanti pancapi balani bhavanaparipurim gacchanti sattapi bojjhanga bhavanaparipurim gacchanti . tassime dve dhamma yuganaddha vattanti samatho ca vipassana ca . so ye dhamma abhinna parinneyya te dhamme abhinna parijanati ye dhamma abhinna pahatabba te dhamme abhinna pajahati ye dhamma abhinna bhavetabba te dhamme abhinna bhaveti ye dhamma abhinna sacchikatabba te dhamme sacchikaroti. {831.1} Katame ca bhikkhave dhamma abhinna parinneyya pancupadanakkhandhatissa vacaniyam seyyathidam rupupadanakkhandho vedanupadanakkhandho sannupadanakkhandho sankharupadanakkhandho vinnanupadanakkhandho ime dhamma abhinna parinneyya . katame ca bhikkhave dhamma abhinna pahatabba avijja ca bhavatanha ca ime dhamma abhinna pahatabba . katame ca bhikkhave dhamma abhinna bhavetabba samatho ca vipassana ca ime dhamma abhinna bhavetabba . katame ca bhikkhave dhamma abhinna sacchikatabba vijja ca vimutti ca ime dhamma abhinna sacchikatabbati.--------------------------------------------------------------------------------------------- page527.
Idamavoca bhagava attamana te bhikkhu bhagavato bhasitam abhinandunti. Salayatanavibhangasuttam nitthitam sattamam. ----------The Pali Tipitaka in Roman Character Volume 14 page 521-527. https://84000.org/tipitaka/read/roman_read.php?B=14&A=10402&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=14&A=10402&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=14&item=825&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=14&siri=49 Study Atthakatha :- https://84000.org/tipitaka/attha/attha.php?b=14&i=825 The Pali Atthakatha in Thai :- https://84000.org/tipitaka/atthapali/read_th.php?B=10&A=6438 The Pali Atthakatha in Roman :- https://84000.org/tipitaka/atthapali/read_rm.php?B=10&A=6438 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]