PaliRoman Vol.15

Navamam kassakasuttam [470] Savatthinidanam . tena kho pana samayena bhagava bhikkhu nibbanapatisamyuttaya dhammiya kathaya sandasseti samadapeti samuttejeti @Footnote: ¹ Po. Ma. kumarikanam. ² Ma. etthantare tavanti dissati. Sampahamseti . te ca bhikkhu atthikatva manasikatva sabbacetaso samannaharitva ohitasota dhammam sunanti . atha kho marassa papimato etadahosi ayam kho samano gotamo bhikkhu nibbanapatisamyuttaya dhammiya kathaya .pe. yannunaham yena samano gotamo tenupasankameyyam vicakkhukammayati. [471] Atha kho maro papima kassakavannam abhinimminitva mahantam nangalam khandhe karitva digham pacanayatthim gahetva hatahatakeso sanasatakanivattho ^1- kaddamamakkhitehi padehi yena bhagava tenupasankami upasankamitva bhagavantam etadavoca api samana balibadde addasati . Kim pana papima te balibaddehiti . mameva samana cakkhu mama rupa mama cakkhusamphassavinnanayatanam kuhim me samana gantva mokkhasi mameva samana sotam mama sadda .pe. mameva samana ghanam mama gandha .pe. mameva samana jivha mama rasa .pe. mameva samana kayo mama photthabba .pe. mameva samana mano mama dhamma mama manosamphassavinnanayatanam kuhim me samana gantva mokkhasiti. [472] Taveva papima cakkhum tava rupa tava cakkhusamphassa- vinnanayatanam yattha ca kho papima natthi cakkhu natthi rupa natthi cakkhusamphassavinnanayatanam agati tava tattha papima taveva @Footnote: ¹ Yu. sanasatinivattho. Papima sotam tava sadda tava sotasamphassavinnanayatanam yattha ca kho papima natthi sotam natthi sadda natthi sotasamphassavinnanayatanam agati tava tattha papima taveva papima ghanam tava gandha tava ghanasamphassa- vinnanayatanam yattha ca kho papima natthi ghanam natthi gandha natthi ghanasamphassavinnanayatanam agati tava tattha papima taveva papima jivha tava rasa tava jivhasamphassavinnanayatanam .pe. taveva papima kayo tava photthabba tava kayasamphassavinnanayatanam .pe. taveva papima mano tava dhamma tava manosamphassavinnanayatanam yattha ca kho papima natthi mano natthi dhamma natthi manosamphassavinnanayatanam agati tava tattha papimati. [473] Yam vadanti mamayidanti ye vadanti mamanti ca ettha ce te mano atthi na me samana mokkhasiti. [474] Yam vadanti na tam mayham ye vadanti na te aham evam papima janahi na me maggampi dakkhasiti. Atha kho maro papima .pe. Tatthevantaradhayiti.

The Pali Tipitaka in Roman Character Volume 15 page 167-169. https://84000.org/tipitaka/read/roman_read.php?B=15&A=3259&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=15&A=3259&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=470&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=15&siri=155 Study Atthakatha :- https://84000.org/tipitaka/attha/attha.php?b=15&i=470 The Pali Atthakatha in Thai :- https://84000.org/tipitaka/atthapali/read_th.php?B=11&A=4471 The Pali Atthakatha in Roman :- https://84000.org/tipitaka/atthapali/read_rm.php?B=11&A=4471 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15