บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[196] Savatthiyam viharati ... Tatra kho bhagava ... Upadaniyesu bhikkhave dhammesu assadanupassino viharato tanha pavaddhati tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti evametassa kevalassa dukkhakkhandhassa samudayo hoti. [197] Seyyathapi bhikkhave dasannam va katthavahanam visaya va katthavahanam timsaya va katthavahanam cattarisaya va katthavahanam maha aggikkhandho jaleyya tatra puriso kalena kalam sukkhani ceva tinani pakkhipeyya sukkhani ca gomayani pakkhipeyya sukkhani ca katthani pakkhipeyya evanhi so bhikkhave maha aggikkhandho tadaharo tadupadano ciram dighamaddhanam jaleyya evameva kho bhikkhave upadaniyesu dhammesu assadanupassino viharato tanha pavaddhati tanhapaccaya upadanam .pe. evametassa kevalassa dukkhakkhandhassa samudayo hoti. [198] Upadaniyesu bhikkhave dhammesu adinavanupassino viharato tanha nirujjhati tanhanirodha upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hoti. [199] Seyyathapi bhikkhave dasannam va katthavahanam visaya va Katthavahanam timsaya va katthavahanam cattarisaya va katthavahanam maha aggikkhandho jaleyya tatra puriso na kalena kalam sukkhani ceva tinani pakkhipeyya na sukkhani ca gomayani pakkhipeyya na sukkhani ca katthani pakkhipeyya evanhi so bhikkhave maha aggikkhandho purimassa ca upadanassa pariyadana annassa ca anupahara 1- anaharo nibbayeyya evameva kho bhikkhave upadaniyesu dhammesu adinavanupassino viharato tanha nirujjhati tanhanirodha upadananirodho .pe. evametassa kevalassa dukkhakkhandhassa nirodho hotiti. Dutiyam.The Pali Tipitaka in Roman Character Volume 16 page 102-103. https://84000.org/tipitaka/read/roman_read.php?B=16&A=2055&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=16&A=2055&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=196&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=16&siri=48 Study Atthakatha :- https://84000.org/tipitaka/attha/attha.php?b=16&i=196 The Pali Atthakatha in Thai :- https://84000.org/tipitaka/atthapali/read_th.php?B=12&A=2069 The Pali Atthakatha in Roman :- https://84000.org/tipitaka/atthapali/read_rm.php?B=12&A=2069 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]