|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 17 : PALI ROMAN Sutta Pitaka Vol 9 : Sutta. Saṃ. Kha.
[215] Ekam samayam bhagava rajagahe viharati veluvane kalandaka- nivape . tena kho pana samayena ayasma vakkali kumbhakaranivesane viharati abadhiko dukkhito balhagilano . atha kho ayasma vakkali upatthake amantesi etha tumhe avuso yena bhagava tenupasankamatha upasankamitva mama vacanena bhagavato pade sirasa vandatha vakkali bhante bhikkhu abadhiko dukkhito balhagilano so bhagavato pade sirasa vandatiti evanca vadetha sadhu kira bhante bhagava yena vakkali bhikkhu tenupasankamatu anukampam upadayati . evamavusoti kho te bhikkhu ayasmato vakkalissa patissutva yena bhagava tenupasankamimsu upasankamitva .pe. Bhagavantam etadavocum vakkali bhante bhikkhu abadhiko dukkhito balhagilano so bhagavato pade sirasa vandati evanca pana vadeti sadhu kira bhante bhagava yena vakkali bhikkhu tenupasankamatu anukampam upadayati. Adhivasesi bhagava tunhibhavena.--------------------------------------------------------------------------------------------- page146.
[216] Atha kho bhagava nivasetva pattacivaramadaya yenayasma vakkali tenupasankami . addasa kho ayasma vakkali bhagavantam duratova agacchantam disvana mancake samancopi 1- . atha kho bhagava ayasmantam vakkalim etadavoca alam vakkali ma tvam mancake samancopi santimani asanani pannattani tatthaham nisidissamiti . nisidi bhagava pannatte asane . nisajja kho bhagava ayasmantam vakkalim etadavoca kacci te vakkali khamaniyam kacci yapaniyam kacci dukkha vedana patikkamanti no abhikkamanti . Patikkamo sanam pannayati no abhikkamoti. {216.1} Na me bhante khamaniyam na yapaniyam balha me dukkha vedana abhikkamanti no patikkamanti abhikkamo sanam pannayati no patikkamoti . kacci te vakkali na kinci kukkuccam na koci vippatisaroti. Taggha me bhante anappakam kukkuccam anappako [2]- vippatisaroti . Kacci pana tam vakkali atta silato na upavadatiti . na kho mam bhante atta silato upavadatiti . no ce kira tam vakkali atta silato upavadati atha kinci te kukkuccam ko ca vippatisaroti . cirapatikaham bhante bhagavantam dassanaya upasankamitukamo natthi ca me kayasmim tavatika balamatta yavataham 3- bhagavantam dassanaya upasankameyyanti. {216.2} Alam vakkali kim te imina putikayena ditthena. @Footnote: 1 Ma. Yu. samadhosi . 2 Yu. casaddo dissati . 3 Po. yaham. Yu. yayaham.--------------------------------------------------------------------------------------------- page147.
{216.3} Yo kho vakkali dhammam passati so mam passati yo mam passati so dhammam passati . dhammam hi vakkali passanto mam passati mam passanto dhammam passati . tam kim mannasi vakkali . rupam niccam va aniccam vati . aniccam bhante . yam pananiccam dukkham va tam sukham vati . dukkham bhante . yam pananiccam dukkham viparinamadhammam kallam nu tam samanupassitum etam mama esohamasmi eso me attati. No hetam bhante . vedana . sanna . sankhara . vinnanam niccam va aniccam vati . aniccam bhante .pe. Eso me attati. No hetam bhante . tasma tiha .pe. evam passam .pe. naparam itthattayati pajanatiti . atha kho bhagava ayasmantam vakkalim imina ovadena ovaditva utthayasana yena gijjhakuto pabbato tena pakkami 1-. [217] Atha kho ayasma vakkali acirapakkantassa bhagavato upatthake amantesi etha mam avuso mancakam aropetva yena isigilipassam 2- kalasila tenupasankamatha katham hi nama madiso antaraghare kalam kattabbam manneyyati . evamavusoti kho te bhikkhu ayasmato vakkalissa patissutva ayasmantam vakkalim mancakam aropetva yena isigilipassam kalasila tenupasankamimsu . atha kho bhagava tanca rattim tanca divasavasesam gijjhakute pabbate vihasi . @Footnote: 1 Ma. tenupasankami . 2 Yu. isigilipassakalasila.--------------------------------------------------------------------------------------------- page148.
Atha kho dve devatayo abhikkantaya rattiya abhikkantavanna kevalakappam gijjhakutam obhasetva yena bhagava tenupasankamimsu .pe. Ekamantam atthamsu . ekamantam thita kho eka devata bhagavantam etadavoca vakkali bhante bhikkhu vimokkhaya cetetiti . apara devata bhagavantam etadavoca so hi nuna so bhante suvimutto vimuccissatiti . idamavocum ta devatayo idam vatva bhagavantam abhivadetva padakkhinam katva tatthevantaradhayimsu. [218] Atha kho bhagava tassa rattiya accayena bhikkhu amantesi etha tumhe bhikkhave yena vakkali bhikkhu tenupasankamatha upasankamitva vakkalim bhikkhum evam vadetha sunavuso tvam 1- vakkali bhagavato vacanam dvinnam 2- devatanam imam avuso rattim dve devatayo abhikkantaya rattiya abhikkantavanna kevalakappam gijjhakutam obhasetva yena bhagava tenupasankamimsu upasankamitva bhagavantam abhivadetva ekamantam atthamsu ekamantam thita kho avuso eka devata bhagavantam etadavoca vakkali bhante bhikkhu vimokkhaya cetetiti . apara devata bhagavantam etadavoca so hi nuna so bhante suvimutto vimuccissatiti . bhagava ca tam avuso vakkali evamaha ma bhayi vakkali ma bhayi vakkali apapakante 3- maranam bhavissati apapika kalakiriyati . evam bhanteti kho te @Footnote: 1 Po. Yu. ayam patho natthi . 2 Po. Ma. Yu. davinnanca. 3 Po. apapikante.--------------------------------------------------------------------------------------------- page149.
Bhikkhu bhagavato patissutva yenayasma vakkali tenupasankamimsu upasankamitva ayasmantam vakkalim etadavocum sunavuso vakkali bhagavato vacanam dvinnanca devatananti. [219] Atha kho ayasma vakkali upatthake amantesi etha mam avuso mancaka oropetha katham hi nama madiso ucce asane nisiditva tassa bhagavato sasanam sotabbam manneyyati . Evamavusoti kho te bhikkhu ayasmato vakkalissa patissutva ayasmantam vakkalim mancaka oropesum imam avuso rattim dve devatayo abhikkantaya rattiya .pe. ekamantam atthamsu ekamantam thita kho avuso eka devata bhagavantam etadavoca vakkali bhante bhikkhu vimokkhaya cetetiti. {219.1} Apara devata bhagavantam etadavoca so hi nuna so bhante suvimutto vimuccissatiti . bhagava ca tam avuso vakkali evamaha ma bhayi vakkali ma bhayi vakkali apapakante maranam bhavissati apapika kalakiriyati . tenahavuso mama vacanena bhagavato pade sirasa vandatha vakkali bhante bhikkhu abadhiko dukkhito balhagilano so bhagavato pade sirasa vandati evanca vadeti 1- rupam aniccamtaham bhante na kankhami yadaniccam tam dukkhanti na vicikicchami yadaniccam dukkham viparinama- dhammam natthi me tattha chando va rago va pemam vati na vicikicchami. Vedana aniccataham bhante na kankhami yadaniccam tam dukkhanti @Footnote: 1 Ma. vadetha.--------------------------------------------------------------------------------------------- page150.
Na vicikicchami yadaniccam dukkham viparinamadhammam natthi me tattha chando va rago va pemam vati na vicikicchami . sanna aniccataham bhante na kankhami yadaniccam tam dukkhanti na vicikicchami yadaniccam dukkham viparinamadhammam natthi me tattha chando va rago va pemam vati na vicikicchami . sankhara aniccataham bhante na kankhami yadaniccam tam dukkhanti na vicikicchami yadaniccam dukkham viparinamadhammam natthi me tattha chando va rago va pemam vati na vicikicchami . vinnanam aniccamtaham bhante na kankhami yadaniccam tam dukkhanti na vicikicchami yadaniccam dukkham viparinamadhammam natthi me tattha chando va rago va pemam vati na vicikicchamiti. Evamavusoti kho te bhikkhu ayasmato vakkalissa patissutva pakkamimsu . atha kho ayasma vakkali acirapakkantesu tesu bhikkhusu sattham aharesi. [220] Atha kho te bhikkhu yena bhagava tenupasankamimsu upasankamitva ekamantam nisidimsu . ekamantam nisinna kho te bhikkhu bhagavantam etadavocum vakkali bhante bhikkhu abadhiko dukkhito balhagilano so bhagavato pade sirasa vandati evanca vadeti rupam aniccamtaham bhante na kankhami yadaniccam tam dukkhanti na vicikicchami yadaniccam dukkham viparinamadhammam natthi me tattha chando va rago va pemam vati na vicikicchami . vedana . sanna.--------------------------------------------------------------------------------------------- page151.
Sankhara . vinnanam aniccamtaham bhante na kankhami yadaniccam tam dukkhanti na vicikicchami yadaniccam dukkham viparinamadhammam natthi me tattha chando va rago va pemam vati na vicikicchamiti. [221] Atha kho bhagava bhikkhu amantesi ayama bhikkhave yena isigilipassam kalasila tenupasankamissama yattha vakkalina kulaputtena sattham aharitanti . evam bhanteti kho te bhikkhu bhagavato paccassosum. Atha kho bhagava sambahulehi bhikkhuhi saddhim yena isigilipassam kalalila tenupasankami . addasa kho bhagava ayasmantam vakkalim duratova mancake vivattakkhandham seyyamanam 1- . tena kho pana samayena dhumayitattam timirayitattam gacchateva purimadisam 2- gacchati pacchimadisam gacchati uttaradisam gacchati dakkhinadisam gacchati uddhamdisam 3- gacchati adhodisam gacchati anudisam . atha kho bhagava bhikkhu amantesi passatha no tumhe bhikkhave evam dhumayitattam timirayitattam gacchateva purimadisam .pe. Gacchati anudisanti . evam bhante . eso kho bhikkhave maro papima vakkalissa kulaputtassa vinnanam samanvesati 4- kattha vakkalissa kulaputtassa vinnanam patitthitanti . appatitthitena ca bhikkhave vinnanena vakkali kulaputto parinibbutoti.The Pali Tipitaka in Roman Character Volume 17 page 145-151. https://84000.org/tipitaka/read/roman_read.php?B=17&A=2962&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=2962&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=215&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=87 Study Atthakatha :- https://84000.org/tipitaka/attha/attha.php?b=17&i=215 The Pali Atthakatha in Thai :- https://84000.org/tipitaka/atthapali/read_th.php?B=12&A=7557 The Pali Atthakatha in Roman :- https://84000.org/tipitaka/atthapali/read_rm.php?B=12&A=7557 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]