|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 18 : PALI ROMAN Sutta Pitaka Vol 10 : Sutta. Saṃ. Saḷa.
[131] Atha kho ayasma malukyaputto atapi pahitatto yena bhagava tenupasankami .pe. ekamantam nisinno kho ayasma malukyaputto bhagavantam etadavoca sadhu me bhante bhagava sankhittena dhammam desetu yamaham bhagavato dhammam sutva eko vupakattho @Footnote: 1 Ma. athoppiye. Yu. athappiye . 2 Ma. rasanca bhotvana asaditanca sadum. @Yu. rasanca bhotva saditajhca sadunca . 3 Ma. bhunje. @4 Ma. virodhamasadusu .... Yu. virodhamasadusu ... . 5 Ma. Yu. majje. @6 Ma. Yu. sukhadukkhe . 7 Yu. upekkho. 8 Ma. Yu. hisaddo natthi. @9 Ma. Yu. iriyati. 10 Ma. Yu. ragadose.--------------------------------------------------------------------------------------------- page90.
Appamatto atapi pahitatto vihareyyanti . etthadani malukyaputta kim dahare bhikkhu vakkhami 1- yatra hi nama tvam 2- jinno vuddho 3- mahallako addhagato vayoanuppatto sankhittena ovadam yacasiti. [132] Kincapiham 4- bhante jinno vuddho mahallako addhagato vayoanuppatto . desetu me bhante bhagava sankhittena dhammam desetu sugato sankhittena dhammam appeva namaham bhagavato bhasitassa attham ajaneyyam appeva namaham bhagavato bhasitassa dayado assanti. {132.1} Tam kim mannasi malukyaputta ye te cakkhuvinneyya rupa adittha aditthapubba na ca passi na ca te hoti passeyyanti atthi te tattha chando va rago va pemam vati. No hetam bhante. Ye te sotavinneyya sadda assuta assutapubba na ca sunasi na ca te hoti suneyyanti atthi te tattha chando va rago va pemam vati. No hetam bhante . ye te ghanavinneyya gandha aghayita aghayitapubba na ca ghayasi na ca te hoti ghayeyyanti atthi te tattha .pe. Ye te jivhavinneyya rasa asayita asayitapubba na ca sayasi na ca te hoti sayeyyanti atthi te tattha .pe. ye te kayavinneyya photthabba asamphuttha asamphutthapubba na ca phussi na ca te hoti phuseyyanti atthi te tattha .pe. ye te manovinneyya @Footnote: 1 Ma. Yu. vakkhama . 2 Ma. Yu. bhikkhu . 3 Ma. vuddho. evamuparipi. @4 Ma. kincapaham. Yu. kincapaham.--------------------------------------------------------------------------------------------- page91.
Dhamma avinnata avinnatapubba na ca vijanasi na ca te hoti vijaneyyanti atthi te tattha chando va rago va pemam vati. No hetam bhante. [133] Ettha ca te malukyaputta ditthasutamutavinnatabbesu dhammesu ditthe ditthamattam bhavissati sute sutamattam bhavissati mute mutamattam bhavissati vinnate vinnatamattam bhavissati . Yato kho te malukyaputta ditthasutamutavinnatabbesu dhammesu ditthe ditthamattam bhavissati sute sutamattam bhavissati mute mutamattam bhavissati vinnate vinnatamattam bhavissati tato tvam malukyaputta na tena yato tvam malukyaputta na tena tato tvam malukyaputta na tattha yato tvam malukyaputta na tattha tato tvam malukyaputta nevidha na huram na ubhayamantarena esevanto dukkhassati . imassa khvaham bhante bhagavato 1- sankhittena bhasitassa vittharena attham ajanami. [134] Rupam disva sati muttha piyam nimittam manasikaroto sarattacitto vedeti tanca ajjhosa 2- titthati. Tassa vaddhanti vedana aneka rupasambhava abhijjha ca vihesa ca cittamassupahannati evam acinato dukkham ara nibbana vuccati. Saddam sutva sati muttha piyam nimittam manasikaroto sarattacitto vedeti tanca ajjhosa titthati. @Footnote: 1 Ma. Yu. bhagavata . 2 Ma. Yu. ajjhosa. evamuparipi.--------------------------------------------------------------------------------------------- page92.
Tassa vaddhanti vedana aneka saddasambhava abhijjha ca vihesa ca cittamassupahannati evam acinato dukkham ara nibbana vuccati. Gandham ghatva 1- sati muttha piyam nimittam manasikaroto sarattacitto vedeti tanca ajjhosa titthati. Tassa vaddhanti vedana aneka gandhasambhava abhijjha ca vihesa ca cittamassupahannati evam acinato dukkham ara nibbana vuccati. Rasam bhotva sati muttha piyam nimittam manasikaroto sarattacitto vedeti tanca ajjhosa titthati. Tassa vaddhanti vedana aneka rasasambhava .pe. ara nibbana vuccati. Photthabbam phussa sati muttha piyam nimittam manasikaroto sarattacitto vedeti tanca ajjhosa titthati. Tassa vaddhanti vedana aneka photthabbasambhava .pe. ara nibbana vuccati. Dhammam natva sati muttha piyam nimittam manasikaroto sarattacitto vedeti tanca ajjhosa titthati. Tassa vaddhanti vedana aneka dhammasambhava abhijjha ca vihesa ca cittamassupahannati @Footnote: 1 Ma. ghatva.--------------------------------------------------------------------------------------------- page93.
Evam acinato dukkham ara nibbana vuccati. [135] Na so rajjati rupesu rupam disva patissato virattacitto vedeti tanca najjhosa titthati. Yathassa passato rupam sevato capi vedanam khiyyati no paciyati evam so carati sato evam apacinato dukkham santike nibbana vuccati. Na so rajjati saddesu saddam sutva patissato virattacitto vedeti tanca najjhosa titthati. Yathassa sunato saddam sevato capi vedanam khiyyati no paciyati evam so carati sato evam apacinato dukkham santike nibbana vuccati. Na so rajjati gandhesu gandham ghatva patissato virattacitto vedeti tanca najjhosa titthati. Yathassa ghayato gandham sevato capi vedanam khiyyati no paciyati evam so carati sato evam apacinato dukkham santike nibbana vuccati. Na so rajjati rasesu rasam bhotva patissato virattacitto vedeti tanca najjhosa titthati. Yathassa sayato rasam sevato capi vedanam .pe. santike nibbana vuccati.--------------------------------------------------------------------------------------------- page94.
Na so rajjati phassesu phassam phussa patissato virattacitto vedeti tanca najjhosa titthati. Yathassa phusato phassam sevato capi vedanam .pe. santike nibbana vuccati. Na so rajjati dhammesu dhammam natva patissato virattacitto vedeti tanca najjhosa titthati. Yathassa janato dhammam sevato capi vedanam khiyyati no paciyati evam so carati sato evam apacinato dukkham santike nibbana vuccati. Imassa khvaham bhante bhagavata sankhittena bhasitassa evam vittharena attham ajanamiti. [136] Sadhu sadhu malukyaputta sadhu kho tvam malukyaputta maya sankhittena bhasitassa vittharena attham ajanasi. [137] Rupam disva sati muttha piyam nimittam manasikaroto sarattacitto vedeti tanca ajjhosa titthati. Tassa vaddhanti vedana aneka rupasambhava abhijjha ca vihesa ca cittamassupahannati evam acinato dukkham ara nibbana vuccati .pe. [138] Na so rajjati dhammesu dhammam natva patissato virattacitto vedeti tanca najjhosa titthati.--------------------------------------------------------------------------------------------- page95.
Yathassa janato dhammam sevato capi vedanam khiyyati no paciyati evam so carati sato evam apacinato dukkham .pe. santike nibbana vuccati 1-. Imassa kho malukyaputta maya sankhittena bhasitassa evam vittharena attho datthabboti. [139] Atha kho ayasma malukyaputto bhagavato bhasitam abhinanditva anumoditva utthayasana bhagavantam abhivadetva padakkhinam katva pakkami . atha kho ayasma malukyaputto eko vupakattho appamatto atapi pahitatto virahanto na cirasseva yassatthaya kulaputta sammadeva agarasma anagariyam pabbajanti tadanuttaram brahmacariyapariyosanam ditthe va dhamme sayam abhinna sacchikatva upasampajja vihasi khina jati vusitam brahmacariyam katam karaniyam naparam itthattayati abbhannasi . Annataro ca panayasma malukyaputto arahatam ahositi. Dutiyam.The Pali Tipitaka in Roman Character Volume 18 page 89-95. https://84000.org/tipitaka/read/roman_read.php?B=18&A=1786&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=18&A=1786&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=131&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=18&siri=75 Study Atthakatha :- https://84000.org/tipitaka/attha/attha.php?b=18&i=131 The Pali Atthakatha in Thai :- https://84000.org/tipitaka/atthapali/read_th.php?B=13&A=692 The Pali Atthakatha in Roman :- https://84000.org/tipitaka/atthapali/read_rm.php?B=13&A=692 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]