บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
[25] Savatthinidanam . atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum idha no bhante annatitthiya paribbajaka amhe evam pucchanti kimatthiyam avuso samane gotame brahmacariyam vussatiti . evam puttha mayam bhante tesam annatitthiyanam paribbajakanam evam byakaroma dukkhassa kho avuso parinnattham bhagavati brahmacariyam vussatiti . kacci mayam bhante evam puttha evam byakaramana vuttavadino ceva bhagavato homa na ca bhagavantam abhutena abbhacikkhama dhammassa canudhammam byakaroma na ca koci sahadhammiko vadanuvado garayham thanam agacchatiti . [26] Taggha tumhe bhikkhave evam puttha evam byakaramana vuttavadino ceva me hotha na ca mam abhutena abbhacikkhatha dhammassa canudhammam byakarotha na ca koci sahadhammiko vadanuvado garayham thanam agacchati dukkhassa hi parinnattham mayi brahmacariyam vussati. [27] Sace vo bhikkhave annatitthiya paribbajaka evam puccheyyum atthi panavuso maggo atthi patipada etassa @Footnote: 1 Yu. etadattaniyam bhutam. Dukkhassa parinnayati . evam puttha tumhe bhikkhave tesam annatitthiyanam paribbajakanam evam byakareyyatha atthi kho avuso maggo atthi patipada etassa dukkhassa parinnayati. [28] Katamo ca bhikkhave maggo katama patipada etassa dukkhassa parinnayati . ayameva ariyo atthangiko maggo . Seyyathidam . sammaditthi .pe. sammasamadhi . ayam bhikkhave maggo ayam patipada etassa dukkhassa parinnayati . evam puttha tumhe bhikkhave tesam annatitthiyanam paribbajakanam evam byakareyyathati.The Pali Tipitaka in Roman Character Volume 19 page 8-9. https://84000.org/tipitaka/read/roman_read.php?B=19&A=139&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=139&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=25&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=5 Study Atthakatha :- https://84000.org/tipitaka/attha/attha.php?b=19&i=25 The Pali Atthakatha in Thai :- https://84000.org/tipitaka/atthapali/read_th.php?B=13&A=4047 The Pali Atthakatha in Roman :- https://84000.org/tipitaka/atthapali/read_rm.php?B=13&A=4047 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]