|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
Balasamyuttam [1099] Pancimani bhikkhave balani . katamani panca . Saddhabalam viriyabalam satibalam samadhibalam pannabalam . imani kho bhikkhave panca balaniti. [1100] Seyyathapi bhikkhave ganga nadi pacinaninna pacinapona pacinapabbhara . evameva kho bhikkhave bhikkhu panca balani bhavento panca balani bahulikaronto nibbananinno hoti nibbanapono nibbanapabbharo. [1101] Kathanca bhikkhave bhikkhu panca balani bhavento panca balani bahulikaronto nibbananinno hoti nibbanapono nibbanapabbharo . idha bhikkhave bhikkhu saddhabalam bhaveti vivekanissitam viraganissitam nirodhanissitam vossaggaparinamim viriyabalam satibalam samadhibalam pannabalam bhaveti vivekanissitam viraganissitam nirodhanissitam vossaggaparinamim . evam kho bhikkhave bhikkhu panca balani bhavento panca balani bahulikaronto nibbananinno hoti nibbanapono nibbanapabbharoti. [1102] Pancimani bhikkhave uddhambhagiyani sannojanani . Katamani panca . ruparago aruparago mano uddhaccam avijja . Imani kho bhikkhave pancuddhambhagiyani sannojanani.--------------------------------------------------------------------------------------------- page324.
[1103] Imesam kho bhikkhave pancannam uddhambhagiyanam sannojananam abhinnaya parinnaya parikkhayaya pahanaya panca balani bhavetabbani . katamani panca . idha bhikkhave bhikkhu saddhabalam bhaveti vivekanissitam viraganissitam nirodhanissitam vossaggaparinamim viriyabalam satibalam samadhibalam pannabalam bhaveti vivekanissitam viraganissitam nirodhanissitam vossaggaparinamim . imesam kho bhikkhave pancannam uddhambhagiyanam sannojananam abhinnaya parinnaya parikkhayaya pahanaya imani panca balani bhavetabbaniti. [1104] Seyyathapi bhikkhave ganga nadi pacinaninna pacinapona pacinapabbhara . evameva kho bhikkhave bhikkhu panca balani bhavento panca balani bahulikaronto nibbananinno hoti nibbanapono nibbanapabbharo. [1105] Kathanca bhikkhave bhikkhu panca balani bhavento panca balani bahulikaronto nibbananinno hoti nibbanapono nibbanapabbharo . idha bhikkhave bhikkhu saddhabalam bhaveti ragavinayapariyosanam dosavinayapariyosanam mohavinayapariyosanam .pe. Evam kho bhikkhave bhikkhu panca balani bhavento panca balani bahulikaronto nibbananinno hoti nibbanapono nibbanapabbharoti . (evam esana pali vittharetabba ragavinayapariyosanam dosavinayapariyosanam mohavinayapariyosanam).--------------------------------------------------------------------------------------------- page325.
[1106] Pancimani bhikkhave uddhambhagiyani sannojanani . Katamani panca . ruparago aruparago mano uddhaccam avijja . Imani kho bhikkhave pancuddhambhagiyani sannojanani. [1107] Imesam kho bhikkhave pancannam uddhambhagiyanam sannojananam abhinnaya parinnaya parikkhayaya pahanaya panca balani bhavetabbani . katamani panca . idha bhikkhave bhikkhu saddhabalam bhaveti ragavinayapariyosanam dosavinayapariyosanam mohavinayapariyosanam .pe. pannabalam bhaveti ragavinayapariyosanam dosavinayapariyosanam mohavinayapariyosanam . imesam kho bhikkhave pancannam uddhambhagiyanam sannojananam abhinnaya parinnaya parikkhayaya pahanaya imani panca balani bhavetabbaniti. Balasamyuttam nitthitam. ------The Pali Tipitaka in Roman Character Volume 19 page 323-325. https://84000.org/tipitaka/read/roman_read.php?B=19&A=6267&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=6267&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1099&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=254 Study Atthakatha :- https://84000.org/tipitaka/attha/attha.php?b=19&i=1099 The Pali Atthakatha in Thai :- https://84000.org/tipitaka/atthapali/read_th.php?B=13&A=7133 The Pali Atthakatha in Roman :- https://84000.org/tipitaka/atthapali/read_rm.php?B=13&A=7133 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]