|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
Anuruddhasamyuttam ------ rahogatavaggo pathamo [1253] Evamme sutam ekam samayam ayasma anuruddho savatthiyam viharati jetavane anathapindikassa arame . atha kho ayasmato anuruddhassa rahogatassa patisallinassa evam cetaso parivitakko udapadi yesam kesanci cattaro satipatthana viraddha viraddho tesam ariyo maggo sammadukkhakkhayagami yesam kesanci cattaro satipatthana araddha araddho tesam ariyo maggo sammadukkhakkhayagamiti. [1254] Atha kho ayasma mahamoggallano ayasmato anuruddhassa cetasa cetoparivitakkamannaya seyyathapi nama balava puriso samminjitam va baham pasareyya pasaritam va baham samminjeyya evameva ayasmato anuruddhassa sammukhe paturahosi . atha kho ayasma mahamoggallano ayasmantam anuruddham etadavoca kittavata nu kho avuso anuruddha bhikkhuno cattaro satipatthana araddha hontiti. [1255] Idhavuso bhikkhu ajjhattam kaye samudayadhammanupassi viharati .pe. ajjhattam kaye vayadhammanupassi viharati . ajjhattam--------------------------------------------------------------------------------------------- page377.
Kaye samudayavayadhammanupassi viharati atapi sampajano satima vineyya loke abhijjhadomanassam . bahiddha kaye samudayadhammanupassi viharati .pe. bahiddha kaye vayadhammanupassi viharati . bahiddha kaye samudayavayadhammanupassi viharati atapi sampajano satima vineyya loke abhijjhadomanassam . ajjhattabahiddha kaye samudayadhammanupassi viharati . ajjhattabahiddha kaye vayadhammanupassi viharati . ajjhattabahiddha kaye samudayavayadhammanupassi viharati atapi sampajano satima vineyya loke abhijjhadomanassam. [1256] So sace akankhati appatikule patikulasanni vihareyyanti patikulasanni tattha viharati . sace akankhati patikule appatikulasanni vihareyyanti appatikulasanni tattha viharati . sace akankhati appatikule ca patikule ca patikulasanni vihareyyanti patikulasanni tatatha viharati . sace akankhati patikule ca appatikule ca appatikulasanni vihareyyanti appatikulasanni tattha viharati . Sace akankhati appatikulanca patikulanca tadubhayam abhinivajjetva upekkhako vihareyyam sato sampajanoti upekkhako tattha viharati sato sampajano . [1257] Ajjhattam vedanasu samudayadhammanupassi viharati ajjhattam vedanasu vayadhammanupassi viharati . ajjhattam vedanasu samudayavaya- dhammanupassi viharati atapi sampajano satima vineyya loke--------------------------------------------------------------------------------------------- page378.
Abhijjhadomanassam . bahiddha vedanasu samudayadhammanupassi viharati bahiddha vedanasu vayadhammanupassi viharati . bahiddha vedanasu samudayavayadhammanupassi viharati atapi sampajano satima vineyya loke abhijjhadomanassam . ajjhattabahiddha vedanasu samudayadhammanupassi viharati ajjhattabahiddha vedanasu vayadhammanupassi viharati . ajjhattabahiddha vedanasu samudayavayadhammanupassi viharati atapi sampajano satima vineyya loke abhijjhadomanassam. [1258] So sace akankhati appatikule patikulasanni vihareyyanti patikulasanni tattha viharati . sace akankhati patikule appatikulasanni vihareyyanti appatikulasanni tattha viharati . sace akankhati appatikule ca patikule ca patikulasanni vihareyyanti patikulasanni tattha viharati . sace akankhati patikule ca appatikule ca appatikulasanni vihareyyanti appatikulasanni tattha viharati . Sace akankhati appatikulanca patikulanca tadubhayam abhinivajjetva upekkhako vihareyyam sato sampajanoti upekkhako tattha viharati sato sampajano. [1259] Ajjhattam citte .pe. bahiddha citte .pe. Ajjhatta- bahiddha citte samudayadhammanupassi viharati . ajjhattabahiddha citte vayadhammanupassi viharati . ajjhattabahiddha citte samudayavayadhammanupassi viharati atapi .pe. Abhijjhadomanassam.--------------------------------------------------------------------------------------------- page379.
[1260] So sace akankhati appatikule patikulasanni vihareyyanti patikulasanni tattha viharati .pe. upekkhako tattha viharati sato sampajano. [1261] Ajjhattam dhammesu .pe. bahiddha dhammesu .pe. Ajjhattabahiddha dhammesu samudayadhammanupassi viharati . Ajjhattabahiddha dhammesu vayadhammanupassi viharati . ajjhattabahiddha dhammesu samudayavayadhammanupassi viharati atapi sampajano satima vineyya loke abhijjhadomanassam. [1262] So sace akankhati appatikule patikulasanni vihareyyanti patikulasanni tattha viharati .pe. upekkhako tattha viharati sato sampajano . ettavata kho avuso bhikkhuno cattaro satipatthana araddha hontiti.The Pali Tipitaka in Roman Character Volume 19 page 376-379. https://84000.org/tipitaka/read/roman_read.php?B=19&A=7301&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=7301&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=1253&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=287 Study Atthakatha :- https://84000.org/tipitaka/attha/attha.php?b=19&i=1253 The Pali Atthakatha in Thai :- https://84000.org/tipitaka/atthapali/read_th.php?B=13&A=7432 The Pali Atthakatha in Roman :- https://84000.org/tipitaka/atthapali/read_rm.php?B=13&A=7432 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]