|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 19 : PALI ROMAN Sutta Pitaka Vol 11 : Sutta. Saṃ. Ma.
[12] Savatthinidanam . atha kho ayasma anando pubbanhasamayam nivasetva pattacivaramadaya savatthim pindaya pavisi . addasa kho ayasma anando janussonim brahmanam sabbasetena valavabhirathena savatthiya niyyayantam seta sudam assa yutta honti setalankara seto ratho setaparivaro seta rasmiyo seta patodalatthi setam chattam setam unhisam setani vatthani seta upahana setaya sudam valavijaniya 1- vijiyyati . tamenam jano disva evamaha brahmam vata bho yanam brahmayanarupam vata bhoti. [13] Atha kho ayasma anando savatthiyam pindaya caritva pacchabhattam pindapatapatikkanto yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca idhaham bhante pubbanhasamayam nivasetva pattacivaramadaya savatthim pindaya pavisim addasam khvaham bhante janussonim brahmanam sabbasetena valavabhirathena savatthiya niyyayantam seta sudam assa yutta honti setalankara seto ratho setaparivaro seta rasmiyo seta patodalatthi setam chattam setam unhisam setani vatthani @Footnote: 1 Ma. valabijaniya bijiyyati. evamupari.--------------------------------------------------------------------------------------------- page6.
Seta upahana setaya sudam valavijaniya vijiyyati . tamenam jano disva evamaha brahmam vata bho yanam brahmayanarupam vata bhoti . sakka nu kho bhante imasmim dhammavinaye brahmayanam pannapetunti. [14] Sakka anandati bhagava avoca imasseva kho etam ananda ariyassa atthangikassa maggassa adhivacanam brahmayanam itipi dhammayanam itipi anuttaro sangamavijayo itipi. [15] Sammaditthi ananda bhavita bahulikata ragavinayapariyosana hoti dosavinayapariyosana hoti mohavinayapariyosana hoti. [16] Sammasankappo ananda bhavito bahulikato ragavinayapariyosano hoti dosavinayapariyosano hoti mohavinayapariyosano hoti. [17] Sammavaca ananda bhavita bahulikata ragavinayapariyosana hoti dosavinayapariyosana hoti mohavinayapariyosana hoti. [18] Sammakammanto ananda bhavito bahulikato ragavinayapariyosano hoti dosavinayapariyosano hoti mohavinayapariyosano hoti. [19] Sammaajivo ananda bhavito bahulikato ragavinayapariyosano--------------------------------------------------------------------------------------------- page7.
Hoti dosavinayapariyosano hoti mohavinayapariyosano hoti. [20] Sammavayamo ananda bhavito bahulikato ragavinayapariyosano hoti dosavinayapariyosano hoti mohavinayapariyosano hoti. [21] Sammasati ananda bhavita bahulikata ragavinayapariyosana hoti dosavinayapariyosana hoti mohavinayapariyosana hoti. [22] Sammasamadhi ananda bhavito bahulikato ragavinayapariyosano hoti dosavinayapariyosano hoti mohavinayapariyosano hoti. [23] Imina kho etam ananda pariyayena veditabbam yatha imassevetam ariyassa atthangikassa maggassa adhivacanam brahmayanam itipi dhammayanam itipi anuttaro sangamavijayo itipiti . Idamavoca bhagava idam vatvana sugato athaparam etadavoca sattha [24] Yassa saddha ca panna ca dhamma yugga 1- saddha dhuram hiri isa mano yottam sati arakkhasarathi. Ratho silaparikkharo jhanakkho cakkaviriyo upekkha dhurasamadhi aniccha parivaranam. Abyapado avihimsa viveko yassa avudham titikkha dhammasannaho 2- yogakkhemaya vattati . @Footnote: 1 Po. yutta saddha dhuram. Ma. Yu. yutta sada dhuram. 2 Ma. cammasannaho.--------------------------------------------------------------------------------------------- page8.
Etadattani 1- sambhutam brahmayanam anuttaram niyyanti dhira lokamha annadatthu jayam jayanti.The Pali Tipitaka in Roman Character Volume 19 page 5-8. https://84000.org/tipitaka/read/roman_read.php?B=19&A=85&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=19&A=85&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=19&item=12&items=13 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=19&siri=4 Study Atthakatha :- https://84000.org/tipitaka/attha/attha.php?b=19&i=12 The Pali Atthakatha in Thai :- https://84000.org/tipitaka/atthapali/read_th.php?B=13&A=3945 The Pali Atthakatha in Roman :- https://84000.org/tipitaka/atthapali/read_rm.php?B=13&A=3945 Contents of The Tipitaka Volume 19 https://84000.org/tipitaka/read/?index_19 https://84000.org/tipitaka/english/?index_19
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]