|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 2 : PALI ROMAN Vinaya Pitaka Vol 2 : Vinaya. Mahāvi (2)
Navamasikkhapadam [66] Tena samayena buddho bhagava savatthiyam viharati jetavane anathapindikassa arame . tena kho pana samayena annataro puriso annataram purisam etadavoca ayyam upanandam civarena acchadessamiti . sopi evamaha ahampi ayyam upanandam civarena acchadessamiti . assosi kho annataro pindacariko bhikkhu tesam purisanam imam kathasallapam . athakho so bhikkhu yenayasma upanando sakyaputto tenupasankami upasankamitva ayasmantam upanandam sakyaputtam etadavoca mahapunnosi tvam avuso upananda amukasmim okase annataro puriso annataram purisam etadavoca ayyam upanandam civarena acchadessamiti sopi evamaha ahampi ayyam upanandam civarena acchadessamiti . atthavuso mam te upatthakati. {66.1} Athakho ayasma upanando sakyaputto yena te purisa tenupasankami upasankamitva te purise etadavoca saccam kira mam tumhe avuso civarehi acchadetukamatthati . api nayya 1- evam hoti ayyam upanandam civarehi acchadessamati . sace kho mam tumhe avuso civarehi acchadetukamattha evarupena civarena acchadetha kyaham tehi acchannopi karissami yanaham na @Footnote: 1 no ayya iti padacchedo.--------------------------------------------------------------------------------------------- page50.
Paribhunjissamiti . athakho te purisa ujjhayanti khiyanti vipacenti mahiccha ime samana sakyaputtiya asantuttha nayime sukara civarehi acchadetum katham hi nama ayyo upanando amhehi pubbe appavarito upasankamitva civare vikappam apajjissatiti. {66.2} Assosum kho bhikkhu tesam purisanam ujjhayantanam khiyantanam vipacentanam . ye te bhikkhu appiccha .pe. Te ujjhayanti khiyanti vipacenti katham hi nama ayasma upanando sakyaputto pubbe appavarito gahapatike upasankamitva civare vikappam apajjissatiti . Athakho te bhikkhu bhagavato etamattham arocesum. {66.3} Saccam kira tvam upananda pubbe appavarito gahapatike upasankamitva civare vikappam apajjasiti . saccam bhagavati . nataka te upananda annatakati . annataka bhagavati . annatako moghapurisa annatakanam na janati patirupam va appatirupam va santam va asantam va tattha nama tvam moghapurisa pubbe appavarito annatake gahapatike upasankamitva civare vikappam apajjissasi netam moghapurisa appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {66.4} bhikkhum paneva uddissa ubhinnam annatakanam gahapatinam va gahapataninam va paccekacivaracetapana upakkhata honti imehi mayam paccekacivaracetapanehi paccekacivarani cetapetva itthannamam bhikkhum civarehi--------------------------------------------------------------------------------------------- page51.
Acchadessamati . tatra ce so bhikkhu pubbe appavarito upasankamitva civare vikappam apajjeyya sadhu vata mam ayasmanto imehi paccekacivaracetapanehi evarupam va evarupam va civaram cetapetva acchadetha ubho va santa ekenati kalyanakamyatam upadaya nissaggiyam pacittiyanti. [67] Bhikkhum paneva uddissati bhikkhussatthaya bhikkhum arammanam karitva bhikkhum acchadetukama . ubhinnanti dvinnam . annataka nama matito va pitito va yava sattama pitamahayuga asambaddha. Gahapati nama 1- ye keci agaram ajjhavasanti . Gahapatani nama 2- ya kaci agaram ajjhavasanti . civaracetapana nama hiranna va suvanna va mani va mutta va masaragalla 3- va phalika va pataka va sutta va kappasa va . Imehi civaracetapanehiti paccupatthitehi . cetapetvati parivattetva . acchadessamati dassama . tatra ce so bhikkhuti yam bhikkhum uddissa civaracetapana upakkhata honti so bhikkhu . pubbe appavaritoti pubbe avutto hoti kidisena te bhante civarena attho kidisam @Footnote: 1 Yu. gahapatika . 2 Ma. Yu. gahapataniyo nama . 3 Ma. Yu. mutta va @mani va pavala va.--------------------------------------------------------------------------------------------- page52.
Te civaram cetapessamati 1- . upasankamitvati gharam gantva yattha katthaci upasankamitva . civare vikappam apajjeyyati ayatam va hotu vitthatam va appitam va sanham va . imehi civaracetapanehiti paccupatthitehi . evarupam va evarupam vati ayatam va vitthatam va appitam va sanham va . cetapetvati parivattetva. Acchadethati dajjetha . ubho va santa ekenati dvepi ekena. Kalyanakamyatam upadayati sadhutthiko mahagghatthiko. {67.1} Tassa vacanena ayatam va vitthatam va appitam va sanham va cetapenti payoge dukkatam patilabhena nissaggiyam hoti nissajjitabbam sanghassa va ganassa va puggalassa va . evanca pana bhikkhave nissajjitabbam .pe. idam me bhante civaram pubbe appavarito annatake gahapatike upasankamitva civare vikappam apannam nissaggiyam imaham sanghassa nissajjamiti .pe. dadeyyati .pe. Dadeyyunti .pe. Ayasmato dammiti. [68] Annatake annatakasanni pubbe appavarito gahapatike upasankamitva civare vikappam apajjati nissaggiyam pacittiyam . Annatake vematiko pubbe appavarito gahapatike upasankamitva civare vikappam apajjati nissaggiyam pacittiyam . annatake natakasanni pubbe appavarito gahapatike upasankamitva civare @Footnote: 1 Ma. Yu. cetapemati.--------------------------------------------------------------------------------------------- page53.
Vikappam apajjati nissaggiyam pacittiyam . natake annatakasanni apatti dukkatassa . natake vematiko apatti dukkatassa . Natake natakasanni anapatti. [69] Anapatti natakanam pavaritanam annassatthaya attano dhanena mahaggham cetapetukamanam appaggham cetapeti ummattakassa adikammikassati. Navamasikkhapadam nitthitam. -------The Pali Tipitaka in Roman Character Volume 2 page 49-53. https://84000.org/tipitaka/read/roman_read.php?B=2&A=839&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=2&A=839&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=66&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=2&siri=9 Study Atthakatha :- https://84000.org/tipitaka/attha/attha.php?b=2&i=66 The Pali Atthakatha in Thai :- https://84000.org/tipitaka/atthapali/read_th.php?B=2&A=4241 The Pali Atthakatha in Roman :- https://84000.org/tipitaka/atthapali/read_rm.php?B=2&A=4241 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]