PaliRoman Vol.22

Dhammikavaggo pancamo [314] 43 Ekam samayam bhagava savatthiyam viharati jetavane anathapindikassa arame . atha kho bhagava pubbanhasamayam nivasetva pattacivaramadaya savatthiyam pindaya pavisi savatthiyam pindaya caritva pacchabhattam pindapatapatikkanto ayasmantam anandam amantesi @Footnote: ¹ Po. yasma. Ma. Yu. yasmaham . ² Po. Yu. kinci. Ayamananda yena pubbaramo migaramatupasado tenupasankamissama diva viharayati . evam bhanteti kho ayasma anando bhagavato paccassosi . atha kho bhagava ayasmata anandena saddhim yena pubbaramo migaramatupasado tenupasankami atha kho bhagava sayanhasamayam patisallana vutthito ayasmantam anandam amantesi ayamananda yena pubbakotthako tenupasankamissama gattani parisincitunti . evam bhanteti kho ayasma anando bhagavato paccassosi . atha kho bhagava ayasmata anandena saddhim yena pubbakotthako tenupasankami gattani parisincitum pubbakotthake gattani parisincitva paccuttaritva ekacivaro atthasi gattani pubbasadisani kurumano ^1-. {314.1} Tena kho pana samayena ranno pasenadissa kosalassa seto nama nago mahaturiyatalitavaditena pubbakotthaka paccuttarati . Apissu tam jano disva evamaha abhirupo vata bho ranno nago dassaniyo vata bho ranno nago pasadiko vata bho ranno nago kayupapanno vata bho ranno nagoti ^2-. {314.2} Evam vutte ayasma udayi bhagavantam etadavoca hatthimeva nu kho bhante mahantam brahantam kayupapannam jano disva evamaha nago vata bho nagoti udahu annampi kanci mahantam brahantam @Footnote: ¹ Ma. Yu. gattani pubbapayamano . ² Yu. ito param nago vata bho nagoti @dissanti. Kayupapannam jano disva evamaha nago vata bho nagoti hatthimpi kho udayi mahantam brahantam kayupapannam jano disva evamaha nago vata bho nagoti . assampi kho udayi mahantam brahantam gonampi kho udayi mahantam brahantam uragampi kho udayi mahantam brahantam rukkhampi kho udayi mahantam brahantam manussampi kho udayi mahantam brahantam kayupapannam jano disva evamaha nago vata bho nagoti apicudayi yo sadevake loke samarake sabrahmake sassamanabrahmaniya pajaya sadevamanussaya agum na karoti kayena vacaya manasa tamaham nagoti brumiti. {314.3} Acchariyam bhante abbhutam bhante yava subhasitancidam bhante bhagavata apicudayi yo sadevake loke samarake sabrahmake sassamanabrahmaniya pajaya sadevamanussaya agum na karoti kayena vacaya manasa tamaham nagoti brumiti. {314.4} Idanca panaham bhante bhagavata subhasitam imahi gathahi anumodami manussabhutam sambuddham attadantam samahitam iriyamanam brahmapathe cittassupasame ratam yam manussa namassanti sabbadhammanaparagum devapi tam namassanti iti me arahato sutam. Sabbasannojanatitam vana nibbanamagatam ^1- kamehi nekkhammaratam muttam selava kancanam sabbe accaruci nago himavanne siluccayo ^2- @Footnote: ¹ Ma. nibbanamagatam . ² Ma. Yu. siluccaye. Sabbesam naganamanam saccanamo anuttaro. Nagam vo kittayissami na hi agum karoti so soraccam avihimsa ca pada nagassa te duve tapo ca brahmacariyam carana nagassa tyapare saddhahattho mahanago upekkhasetadantava sati giva siro panna vimamsa dhammacintana dhammakucchisamatapo viveko tassa valadhi so jhayi assasarato ajjhattupasamahito ^1- gaccham samahito nago thito nago samahito seyyam ^2- samahito nago nisinno pi samahito sabbattha samvuto nago esa nagassa sampada. Bhunjati anavajjani savajjani na bhunjati ghasaacchadanam ^3- laddha sannidhim parivajjaye ^4- sannojanam anum thulam sabbam chetvana bandhanam yena yeneva gacchati anapekkhova gacchati. Yathapi udake jatam pundarikam pavaddhati na upalimpati toyena sucigandham manoramam tatheva loke sujato buddho loke viharati ^5- na upalimpati lokena toyena padumam yatha. Mahaggini pajjalito ^6- anaharupasammati @Footnote: ¹ Ma. Yu. ajjhattam susamahito . ² Yu. sayam . ³ Ma. Yu. ghasamacchadanam. @⁴ Ma. Yu. parivajjayam . ⁵ Yu. virajjati . ⁶ Ma. mahaginiva jalito. @Yu. mahagini .... Sankharesupasantesu nibbutoti pavuccati. Atthassayam vinnapani upama vinnuhi desita. Vinnayanti ^1- mahanaga nagam nagena desitam. Vitarago vitadoso vitamoho anasavo sariram vijaham nago parinibbissati ^2- anasavoti.

The Pali Tipitaka in Roman Character Volume 22 page 384-388. https://84000.org/tipitaka/read/roman_read.php?B=22&A=8092&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=22&A=8092&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=314&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=22&siri=294 Study Atthakatha :- https://84000.org/tipitaka/attha/attha.php?b=22&i=314 The Pali Atthakatha in Thai :- https://84000.org/tipitaka/atthapali/read_th.php?B=16&A=2698 The Pali Atthakatha in Roman :- https://84000.org/tipitaka/atthapali/read_rm.php?B=16&A=2698 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22