PaliRoman Vol.23

[71] Bhutapubbam bhikkhave arako nama sattha ahosi titthakaro @Footnote: ¹ Ma. desesi . ² Ma. padutthacitto . ³ Ma. na no.

--------------------------------------------------------------------------------------------- page139.

Kamesu vitarago arakassa kho pana bhikkhave satthuno anekani savakasatani ahesum arako sattha savakanam evam dhammam deseti appakam brahmana jivitam manussanam parittam lahukam bahudukkham bahupayasam mantaya ^1- photthabbam kattabbam kusalam caritabbam brahmacariyam natthi jatassa amaranam seyyathapi brahmana tinagge ussavabindu suriye uggacchante khippamyeva pativigacchati na ciratthitikam hoti evameva kho brahmana ussavabindupamam jivitam manussanam parittam lahukam bahudukkham bahupayasam mantaya photthabbam kattabbam kusalam caritabbam brahmacariyam natthi jatassa amaranam {71.1} seyyathapi brahmana thullaphusitake deve vassante udakabubbulam khippamyeva pativigacchati na ciratthitikam hoti evameva kho brahmana udakabubbulupamam jivitam manussanam parittam lahukam bahudukkham bahupayasam mantaya photthabbam kattabbam kusalam caritabbam brahmacariyam natthi jatassa amaranam seyyathapi brahmana udake dandaraji khippamyeva pativigacchati na ciratthitika hoti evameva kho brahmana udake dandarajupamam jivitam manussanam parittam lahukam ... natthi jatassa amaranam seyyathapi brahmana nadi pabbateyya durangama sighasota haraharini natthi so khano va layo va muhutto va yam sa dharati ^2- athakho sa gacchate ca ^3- vattate ca ^3- sandate ca ^3- evameva kho brahmana nadipabbateyyupamam jivitam manussanam parittam lahukam ... Natthi jatassa amaranam seyyathapi brahmana balava @Footnote: ¹ Ma. mantayam. evamuparipi . ² Si. tharati . Ma. avattati . ³ Ma. va.

--------------------------------------------------------------------------------------------- page140.

Puriso jivhagge khelapindam sannuhitva appakasireneva vameyya evameva kho brahmana khelapindupamam jivitam manussanam parittam lahukam ... natthi jatassa amaranam seyyathapi brahmana divasasantatte ayokatahe mamsapesi ^1- pakkhitta khippamyeva pativigacchati na ciratthitika hoti evameva kho brahmana mamsapesupamam manussanam jivitam parittam lahukam ... natthi jatassa amaranam seyyathapi brahmana gavi vajjha aghatanam niyamana yannadeva ^2- padam uddharati santike ^3- ^[4]- vadhassa santike maranassa evameva kho brahmana gavivajjhupamam ^5- jivitam manussanam parittam lahukam bahudukkham bahupayasam mantaya photthabbam kattabbam kusalam caritabbam brahmacariyam natthi jatassa amarananti. {71.2} Tena kho pana bhikkhave samayena manussanam satthivassasahassani ayuppamanam ahosi pancavassasatika kumarika alampateyya ahosi tena kho pana bhikkhave samayena manussanam chalevabadha ahesum sitam unham jigaccha pipasa uccaro passavo so hi nama bhikkhave arako sattha evamdighayukesu manussesu evamciratthitikesu evamappabadhesu savakanam evam dhammam desessati appakam brahmana jivitam manussanam parittam lahukam bahudukkham bahupayasam mantaya photthabbam kattabbam kusalam caritabbam brahmacariyam natthi jatassa amarananti {71.3} etarahi ^[6]- bhikkhave samma vadamano vadeyya appakam jivitam manussanam parittam lahukam bahudukkham bahupayasam mantaya photthabbam kattabbam kusalam caritabbam brahmacariyam natthi jatassa amarananti etarahi @Footnote: ¹ Ma. mamsapesi . ² Ma. yam yadeva . ³ Ma. santikeva . ⁴ Ma. hoti. @⁵ Ma. govajjhupamam . ⁶ Ma. tam.

--------------------------------------------------------------------------------------------- page141.

Bhikkhave yo ciram jivati so vassasatam appam va bhiyyo va vassasatam kho pana bhikkhave jivanto tiniyeva utusatani jivati utusatam hemantanam utusatam gimhanam utusatam vassanam tini kho pana bhikkhave utusatani jivanto dvadasayeva masasatani jivati cattari masasatani hemantanam cattari masasatani gimhanam cattari masasatani vassanam dvadasa kho pana bhikkhave masasatani jivanto catuvisatimyeva addhamasasatani jivati atthaddhamasasatani hemantanam atthaddhamasasatani gimhanam atthaddhamasasatani vassanam catuvisatim kho pana bhikkhave addhamasasatani jivanto chattimsamyeva rattisahassani jivati dvadasa rattisahassani hemantanam dvadasa rattisahassani gimhanam dvadasa rattisahassani vassanam chattimsam kho pana bhikkhave rattisahassani jivanto dvesattatinneva ^1- bhattasahassani bhunjati catuvisatim bhattasahassani hemantanam catuvisatim bhattasahassani gimhanam catuvisatim bhattasahassani vassanam saddhim matuthannaya saddhim bhattantarayena {71.9} tatrime bhattantaraya kupitopi ^2- bhattam na bhunjati dukkhitopi bhattam na bhunjati byadhitopi bhattam na bhunjati uposathikopi bhattam na bhunjati alabhakenapi bhattam na bhunjati iti kho bhikkhave maya vassasatayukassa manussassa ayupi sankhato ayuppamanampi sankhatam utupi sankhata samvaccharapi sankhata masapi sankhata addhamasapi sankhata rattipi sankhata divapi sankhata bhattapi sankhata @Footnote: ¹ Ma. dvesattatiyeva. ² Ma. kapimidudhopi.

--------------------------------------------------------------------------------------------- page142.

Bhattantarayapi sankhata yam bhikkhave satthara karaniyam savakanam hitesina anukampakena anukampam upadaya katam vo tam maya etani bhikkhave rukkhamulani etani sunnagarani jhayatha bhikkhave ma pamadattha ma paccha vippatisarino ahuvattha ayam vo amhakam anusasaniti. Mahavaggo dutiyo. Tassuddanam hiripurisam nagaram upama ^1- dhammannu parichattakam sakkaccam bhavanam ^2- aggi sunettaarakenanusasaniti ^3-. ------------

The Pali Tipitaka in Roman Character Volume 23 page 138-142. https://84000.org/tipitaka/read/roman_read.php?B=23&A=2972&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=2972&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=71&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=71 Study Atthakatha :- https://84000.org/tipitaka/attha/attha.php?b=23&i=71 The Pali Atthakatha in Thai :- https://84000.org/tipitaka/atthapali/read_th.php?B=16&A=4676 The Pali Atthakatha in Roman :- https://84000.org/tipitaka/atthapali/read_rm.php?B=16&A=4676 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23