PaliRoman Vol.23

[97] ⁷ Ekam samayam bhagava rajagahe viharati gijjhakute pabbate. Acirapakkante devadatte tatra kho bhagava devadattam arabbha bhikkhu amantesi sadhu bhikkhave bhikkhu kalena kalam attavipattim paccavekkhita hoti sadhu bhikkhave bhikkhu kalena kalam paravipattim paccavekkhita hoti sadhu bhikkhave bhikkhu kalena kalam attasampattim paccavekkhita hoti sadhu bhikkhave bhikkhu kalena kalam parasampattim paccavekkhita hoti atthahi bhikkhave asaddhammehi abhibhuto pariyadinnacitto devadatto apayiko nerayiko kappattho atekiccho {97.1} katamehi atthahi labhena ^[1]- bhikkhave abhibhuto pariyadinnacitto devadatto apayiko nerayiko kappattho atekiccho alabhena bhikkhave yasena bhikkhave ayasena bhikkhave sakkarena bhikkhave asakkarena bhikkhave papicchataya bhikkhave papamittataya bhikkhave abhibhuto pariyadinnacitto devadatto apayiko nerayiko kappattho atekiccho imehi kho bhikkhave atthahi asaddhammehi abhibhuto pariyadinnacitto devadatto @Footnote: ¹ Ma. hi.

--------------------------------------------------------------------------------------------- page163.

Apayiko nerayiko kappattho atekiccho. Sadhu bhikkhave bhikkhu uppannam labham abhibhuyya abhibhuyya vihareyya uppannam alabham uppannam yasam uppannam ayasam uppannam sakkaram uppannam asakkaram uppannam papicchatam uppannam papamittatam abhibhuyya abhibhuyya vihareyya kinca bhikkhave bhikkhu atthavasam paticca uppannam labham abhibhuyya abhibhuyya vihareyya .pe. yanhissa bhikkhave uppannam labham anabhibhuyya viharato uppajjeyyum asava vighataparilaha uppannam labham abhibhuyya viharato evamsa te asava vighataparilaha na honti yanhissa bhikkhave uppannam alabham uppannam yasam uppannam ayasam uppannam sakkaram uppannam asakkaram uppannam papicchatam uppannam papamittatam anabhibhuyya viharato uppajjeyyum asava vighataparilaha uppannam papamittatam abhibhuyya viharato evamsa te asava vighataparilaha na honti idam kho bhikkhave bhikkhu atthavasam paticca uppannam labham abhibhuyya abhibhuyya vihareyya uppannam alabham uppannam yasam uppannam ayasam uppannam sakkaram uppannam asakkaram uppannam papicchatam uppannam papamittatam abhibhuyya abhibhuyya vihareyya {97.2} tasma tiha bhikkhave evam sikkhitabbam uppannam labham abhibhuyya abhibhuyya viharissama uppannam alabham uppannam yasam uppannam ayasam uppannam sakkaram uppannam asakkaram uppannam papicchatam uppannam papamittatam abhibhuyya abhibhuyya viharissamati evanhi vo bhikkhave sikkhitabbanti.

The Pali Tipitaka in Roman Character Volume 23 page 162-163. https://84000.org/tipitaka/read/roman_read.php?B=23&A=3463&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=3463&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=97&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=80 Study Atthakatha :- https://84000.org/tipitaka/attha/attha.php?b=23&i=97 The Pali Atthakatha in Thai :- https://84000.org/tipitaka/atthapali/read_th.php?B=16&A=4806 The Pali Atthakatha in Roman :- https://84000.org/tipitaka/atthapali/read_rm.php?B=16&A=4806 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23