|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
[245] 41 Ekam samayam bhagava mallakesu viharati uruvelakappam nama mallanam nigamo . athakho bhagava pubbanhasamayam nivasetva pattacivaramadaya uruvelakappam pindaya pavisi uruvelakappe pindaya caritva pacchabhattam pindapatapatikkanto ayasmantam anandam amantesi idheva tava tvam ananda hohi yavaham mahavanam ajjhogahami diva viharayati . evam bhanteti kho ayasma anando bhagavato paccassosi . athakho bhagava mahavanam ajjhogahetva annatarasmim rukkhamule divaviharam nisidi. {245.1} Athakho tapusso gahapati yenayasma anando tenupasankami upasankamitva ayasmantam anandam abhivadetva ekamantam nisidi ekamantam nisinno kho tapusso gahapati ayasmantam anandam etadavoca mayam bhante ananda gihi kamabhogino kamarama kamarata kamasammudita tesam no bhante amhakam gihinam kamabhoginam kamaramanam kamaratanam--------------------------------------------------------------------------------------------- page457.
Kamasammuditanam papato viya khayati yadidam nekkhammam sutametam bhante imasmim dhammavinaye daharanam daharanam bhikkhunam nekkhamme cittam pakkhandati pasidati santitthati vimuccati etam santanti passato tayidam bhante imasmim dhammavinaye bhikkhunam bahuna janena visabhago yadidam nekkhammanti. {245.2} Atthi kho etam gahapati kathapabhatam bhagavantam dassanaya ayama gahapati yena bhagava tenupasankamissama upasankamitva bhagavato etamattham arocessama yatha no bhagava byakarissati tatha karissamati 1-. Evam bhanteti kho tapusso gahapati ayasmato anandassa paccassosi. {245.3} Athakho ayasma anando tapussena gahapatina saddhim yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca ayam bhante tapusso gahapati evamaha mayam bhante ananda gihi kamabhogino kamarama kamarata kamasammudita tesam no bhante amhakam gihinam kamabhoginam kamaramanam kamaratanam kamasammuditanam papato viya khayati yadidam nekkhammam sutametam bhante imasmim dhammavinaye daharanam daharanam bhikkhunam nekkhamme cittam pakkhandati pasidati santitthati vimuccati etam santanti passato tayidam bhante dhammavinaye bhikkhunam bahuna janena visabhago yadidam nekkhammanti. {245.4} Evametam ananda evametam ananda mayhampi kho ananda pubbeva sambodha anabhisambuddhassa bodhisattasseva sato etadahosi sadhu @Footnote: 1 Ma. dharessamiti.--------------------------------------------------------------------------------------------- page458.
Nekkhammam sadhu pavivekoti tassa mayham ananda nekkhamme cittam na pakkhandati nappasidati na santitthati na vimuccati etam santanti passato tassa mayham ananda etadahosi ko nu kho hetu ko paccayo yena me nekkhamme cittam na pakkhandati nappasidati na santitthati na vimuccati etam santanti passato tassa mayham ananda etadahosi kamesu kho me adinavo adittho so ca me abahulikato nekkhamme ca anisamso anadhigato so ca me anasevito tasma me nekkhamme cittam na pakkhandati nappasidati na santitthati na vimuccati etam santanti passato {245.5} tassa mayham ananda etadahosi sace kho aham kamesu adinavam disva tam bahulikareyyam 1- nekkhamme anisamsam adhigamma tamaseveyyam thanam kho panetam vijjati yam me nekkhamme cittam pakkhandeyya pasideyya santittheyya vimucceyya etam santanti passato so kho aham ananda aparena samayena kamesu adinavam disva tam bahulamakasim nekkhamme anisamsam adhigamma tamasevim tassa mayham ananda nekkhamme cittam pakkhandati pasidati santitthati vimuccati etam santanti passato so kho aham ananda vivicceva kamehi vivicca akusalehi dhammehi savitakkam savicaram vivekajam pitisukham pathamajjhanam upasampajja viharami tassa mayham ananda imina viharena viharato kamasahagata sannamanasikara samudacaranti svassa me hoti abadho seyyathapi ananda sukhino dukkham @Footnote: 1 Ma. bahulam kareyyam. evamuparipi.--------------------------------------------------------------------------------------------- page459.
Uppajjeyya yavadeva abadhaya evamassa me kamasahagata sannamanasikara samudacaranti svassa me hoti abadho. {245.6} Tassa mayham ananda etadahosi yannunaham vitakkavicaranam vupasama .pe. dutiyajjhanam upasampajja vihareyyanti tassa mayham ananda avitakke cittam na pakkhandati nappasidati na santitthati na vimuccati etam santanti passato tassa mayham ananda etadahosi ko nu kho hetu ko paccayo yena me avitakke cittam na pakkhandati nappasidati na santitthati na vimuccati etam santanti passato tassa mayham ananda etadahosi vitakke kho me adinavo adittho so ca me abahulikato avitakke ca anisamso anadhigato so ca me anasevito tasma me avitakke cittam na pakkhandati nappasidati na santitthati na vimuccati etam santanti passato {245.7} tassa mayham ananda etadahosi sace kho aham vitakke adinavam disva tam bahulikareyyam avitakke anisamsam adhigamma tamaseveyyam thanam kho panetam vijjati yam me avitakke cittam pakkhandeyya pasideyya santittheyya vimucceyya etam santanti passato so kho aham ananda aparena samayena vitakke adinavam disva tam bahulamakasim avitakke anisamsam adhigamma tamasevim tassa mayham ananda avitakke cittam pakkhandati pasidati santitthati vimuccati etam santanti passato so kho aham ananda vitakkavicaranam vupasama .pe. dutiyajjhanam upasampajja--------------------------------------------------------------------------------------------- page460.
Viharami tassa mayham ananda imina viharena viharato vitakkasahagata sannamanasikara samudacaranti svassa me hoti abadho seyyathapi ananda sukhino dukkham uppajjeyya yavadeva abadhaya evamevassa me vitakkasahagata sannamanasikara samudacaranti svassa me hoti abadho. {245.8} Tassa mayham ananda etadahosi yannunaham pitiya ca viraga upekkhako ca vihareyyam sato ca sampajano sukhanca kayena patisamvedeyyam yantam ariya acikkhanti upekkhako satima sukhavihariti tatiyajjhanam upasampajja vihareyyanti tassa mayham ananda nippitike cittam na pakkhandati nappasidati na santitthati na vimuccati etam santanti passato tassa mayham ananda etadahosi ko nu kho hetu ko paccayo yena me nippitike cittam na pakkhandati nappasidati na santitthati na vimuccati etam santanti passato {245.9} tassa mayham ananda etadahosi pitiya kho me adinavo adittho so ca me abahulikato nippitike ca anisamso anadhigato so ca me anasevito tasma me nippitike cittam na pakkhandati nappasidati na santitthati na vimuccati etam santanti passato tassa mayham ananda etadahosi sace kho aham pitiya adinavam disva tam bahulikareyyam nippitike anisamsam adhigamma tamaseveyyam thanam kho panetam vijjati yam me nippitike cittam pakkhandeyya pasideyya santittheyya vimucceyya etam santanti passato--------------------------------------------------------------------------------------------- page461.
So kho aham ananda aparena samayena pitiya adinavam disva tam bahulamakasim nippitike anisamsam adhigamma tamasevim tassa mayham ananda nippitike cittam pakkhandati pasidati santitthati vimuccati etam santanti passato so kho aham ananda pitiya ca viraga .pe. Tatiyajjhanam upasampajja viharami tassa mayham ananda imina viharena viharato pitisahagata sannamanasikara samudacaranti svassa me hoti abadho seyyathapi ananda sukhino dukkham uppajjeyya yavadeva abadhaya evamevassa me pitisahagata sannamanasikara samudacaranti svassa me hoti abadho. {245.10} Tassa mayham ananda etadahosi yannunaham sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catutthajjhanam upasampajja vihareyyanti tassa mayham ananda adukkhamasukhe cittam na pakkhandati nappasidati na santitthati na vimuccati etam santanti passato tassa mayham ananda etadahosi ko nu kho hetu ko paccayo yena me adukkhamasukhe cittam na pakkhandati nappasidati na santitthati na vimuccati etam santanti passato tassa mayham ananda etadahosi upekkhasukhe kho me adinavo adittho so ca me abahulikato adukkhamasukhe ca anisamso anadhigato so ca me anasevito tasma me adukkhamasukhe cittam na pakkhandati nappasidati na santitthati na vimuccati--------------------------------------------------------------------------------------------- page462.
Etam santanti passato tassa mayham ananda etadahosi sace kho aham upekkhasukhe adinavam disva tam bahulikareyyam adukkhamasukhe anisamsam adhigamma tamaseveyyam thanam kho panetam vijjati yam me adukkhamasukhe cittam pakkhandeyya pasideyya santittheyya vimucceyya etam santanti passato so kho aham ananda aparena samayena upekkhasukhe adinavam disva tam bahulamakasim adukkhamasukhe anisamsam adhigamma tamasevim tassa mayham ananda adukkhamasukhe cittam pakkhandati pasidati santitthati vimuccati etam santanti passato so kho aham ananda aparena samayena sukhassa ca pahana .pe. catutthajjhanam upasampajja viharati tassa mayham ananda imina viharena viharato upekkhasahagata sannamanasikara samudacaranti svassa me hoti abadho seyyathapi ananda sukhino dukkham uppajjeyya yavadeva abadhaya evamevassa me upekkhasahagata sannamanasikara samudacaranti svassa me hoti abadho. {245.11} Tassa mayham ananda etadahosi yannunaham sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja vihareyyanti tassa mayham ananda akasanancayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi ko nu kho hetu ko paccayo--------------------------------------------------------------------------------------------- page463.
Yena me akasanancayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi rupesu kho me adinavo adittho so ca me abahulikato akasanancayatane ca anisamso anadhigato so ca me anasevito tasma me akasanancayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi sace kho aham rupesu adinavam disva tam bahulikareyyam akasanancayatane anisamsam adhigamma tamaseveyyam thanam kho panetam vijjati yam me akasanancayatane cittam pakkhandeyya pasideyya santittheyya vimucceyya etam santanti passato {245.12} so kho aham ananda aparena samayena rupesu adinavam disva tam bahulamakasim akasanancayatane anisamsam adhigamma tamasevim tassa mayham ananda akasanancayatane cittam pakkhandati pasidati santitthati vimuccati etam santanti passato so kho aham ananda sabbaso rupasannanam samatikkama patighasannanam atthangama nanattasannanam amanasikara ananto akasoti akasanancayatanam upasampajja viharami tassa mayham ananda imina viharena viharato rupasahagata sannamanasikara samudacaranti svassa me hoti abadho seyyathapi ananda sukhino dukkham uppajjeyya yavadeva abadhaya evamevassa me rupasahagata sannamanasikara samudacaranti svassa me hoti abadho.--------------------------------------------------------------------------------------------- page464.
{245.13} Tassa mayham ananda etadahosi yannunaham sabbaso akasanancayatanam samatikkamma anantam vinnananti vinnanancayatanam upasampajja vihareyyanti tassa mayham ananda vinnanancayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi ko nu kho hetu ko paccayo yena me vinnanancayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi akasanancayatane kho me adinavo adittho so ca me abahulikato vinnanancayatane ca anisamso anadhigato so ca me anasevito tasma me vinnanancayatane cittam na pakkhandati nappasidati na santitthati na vimuccati etam santanti passato {245.14} tassa mayham ananda etadahosi sace kho aham akasanancayatane adinavam disva tam bahulikareyyam vinnanancayatane anisamsam adhigamma tamaseveyyam thanam kho panetam vijjati yam me vinnanancayatane cittam pakkhandeyya pasideyya santittheyya vimucceyya etam santanti passato so kho aham ananda aparena samayena akasanancayatane adinavam disva tam bahulamakasim vinnanancayatane anisamsam adhigamma tamasevim tassa mayham ananda vinnanancayatane cittam pakkhandati pasidati santitthati vimuccati etam santanti passato so kho aham ananda sabbaso akasanancayatanam samatikkamma anantam vinnananti--------------------------------------------------------------------------------------------- page465.
Vinnanancayatanam upasampajja viharami tassa mayham ananda imina viharena viharato akasanancayatanasahagata sannamanasikara samudacaranti savassa me hoti abadho seyyathapi ananda sukhino dukkham uppajjeyya yavadeva abadhaya evamevassa me akasanancayatanasahagata sannamanasikara samudacaranti svassa me hoti abadho. {245.15} Tassa mayham ananda etadahosi yannunaham sabbaso vinnanancayatanam samatikkamma natthi kinciti akincannayatanam upasampajja vihareyyanti tassa mayham ananda akincannayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi ko nu kho hetu ko paccayo yena me akincannayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi vinnanancayatane kho me adinavo adittho so ca me abahulikato akincannayatane ca anisamso anadhigato so ca me anasevito tasma me acincannayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi sace kho aham vinnanancayatane adinavam disva tam bahulikareyyam akincannayatane anisamsam adhigamma tamaseveyyam thanam--------------------------------------------------------------------------------------------- page466.
Kho panetam vijjati yam me akincannayatane cittam pakkhandeyya pasideyya santittheyya vimucceyya etam santanti passato so kho aham ananda aparena samayena vinnanancayatane adinavam disva tam bahulamakasim akincannayatane anisamsam adhigamma tamasevim tassa mayham ananda akincannayatane cittam pakkhandati pasidati santitthati vimuccati etam santanti passato so kho aham ananda sabbaso vinnanancayatanam samatikkamma natthi kinciti akincannayatanam upasampajja viharami tassa mayham ananda imina viharena viharato vinnanancayatanasahagata sannamanasikara samudacaranti svassa me hoti abadho seyyathapi ananda sukhino dukkham uppajjeyya yavadeva abadhaya evamevassa me vinnanancayatanasahagata sannamanasikara samudacaranti svassa me hoti abadho. {245.16} Tassa mayham ananda etadahosi yannunaham sabbaso akincannayatanam samatikkamma nevasannanasannayatanam upasampajja vihareyyanti tassa mayham ananda nevasannanasannayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi ko nu kho hetu ko paccayo yena me nevasannanasannayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi akincannayatane kho me adinavo adittho so ca me abahulikato nevasannanasannayatane--------------------------------------------------------------------------------------------- page467.
Ca anisamso anadhigato so ca me anasevito tasma me nevasannanasannayatane cittam na pakkhandati nappasidati na santitthati na vimuccati etam santanti passato tassa mayham ananda etadahosi sace kho aham akincannayatane adinavam disva tam bahulikareyyam nevasannanasannayatane anisamsam adhigamma tamaseveyyam thanam kho panetam vijjati yam me nevasanna- nasannayatane cittam pakkhandeyya pasideyya santittheyya vimucceyya etam santanti passato so kho aham ananda aparena samayena akincannayatane adinavam disva tam bahulamakasim nevasannanasannayatane anisamsam adhigamma tamasevim tassa mayham ananda nevasannanasannayatane cittam pakkhandati pasidati santitthati vimuccati etam santanti passato so kho aham ananda sabbaso akincannayatanam samatikkamma nevasannanasannayatanam upasampajja viharami tassa mayham ananda imina viharena viharato akincannayatanasahagata sannamanasikara samudacaranti svassa me hoti abadho seyyathapi ananda sukhino dukkham uppajjeyya yavadeva abadhaya evamevassa me akincannayatanasahagata sannamanasikara samudacaranti svassa me hoti abadho. {245.17} Tassa mayham ananda etadahosi yannunaham nevasanna- nasannayatanam samatikkamma sannavedayitanirodham upasampajja vihareyyanti--------------------------------------------------------------------------------------------- page468.
Tassa mayham ananda sannavedayitanirodhe cittam na pakkhandati nappasidati na santitthati na vimuccati etam santanti passato tassa mayham ananda etadahosi ko nu kho hetu ko paccayo yena me sannavedayitanirodhe cittam na pakkhandati nappasidati na santitthati na vimuccati etam santanti passato tassa mayham ananda etadahosi nevasannanasannayatane kho me adinavo adittho so ca me abahulikato sannavedayitanirodhe ca anisamso anadhigato so ca me anasevito tasma me sannavedayitanirodhe cittam na pakkhandati nappasidati na santitthati na vimuccati etam santanti passato {245.18} tassa mayham ananda etadahosi sace kho aham nevasannanasannayatane adinavam disva tam bahulikareyyam sannavedayitanirodhe anisamsam adhigamma tamaseveyyam thanam kho panetam vijjati yam me sannavedayitanirodhe cittam pakkhandeyya pasideyya santittheyya vimucceyya etam santanti passato so kho aham ananda aparena samayena nevasannanasannayatane adinavam disva tam bahulamakasim sannavedayitanirodhe anisamsam adhigamma tamasevim tassa mayham ananda sannavedayitanirodhe cittam pakkhandati pasidati santitthati vimuccati etam santanti passato so kho aham ananda sabbaso nevasannanasannayatanam samatikkamma sannavedayitanirodham upasampajja viharami pannaya ca me disva asava parikkhayam agamamsu.--------------------------------------------------------------------------------------------- page469.
{245.19} Yavakivancaham ananda ima nava anupubbaviharasamapattiyo na evam anulomapatilomam samapajjimpi vutthahimpi neva tavaham ananda sadevake loke samarake sabrahmake sassamanabrahmaniya pajaya sadevamanussaya anuttaram sammasambodhim abhisambuddho paccannasim yato ca kho aham ananda ima nava anupubbaviharasamapattiyo evam anulomapatilomam samapajjimpi vutthahimpi athaham ananda sadevake loke samarake sabrahmake sassamanabrahmaniya pajaya sadevamanussaya anuttaram sammasambodhim abhisambuddho paccannasim nananca pana me dassanam udapadi akuppa me cetovimutti ayamantima jati natthidani punabbhavoti. Mahavaggo catuttho. Tassuddanam dve vihare 1- ca nibbanam gavi jhanena pancamam anando brahmano deva 2- nagena tapussena cati. --------------The Pali Tipitaka in Roman Character Volume 23 page 456-469. https://84000.org/tipitaka/read/roman_read.php?B=23&A=9622&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=23&A=9622&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=245&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=23&siri=204 Study Atthakatha :- https://84000.org/tipitaka/attha/attha.php?b=23&i=245 The Pali Atthakatha in Thai :- https://84000.org/tipitaka/atthapali/read_th.php?B=16&A=7078 The Pali Atthakatha in Roman :- https://84000.org/tipitaka/atthapali/read_rm.php?B=16&A=7078 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]