PaliRoman Vol.24

[95] Athakho uttiyo paribbajako yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho uttiyo paribbajako bhagavantam etadavoca kim nu kho bho gotama sassato loko @Footnote: ¹ Po. Yu. so. Ma. so bhikkhave bhikkhu.

--------------------------------------------------------------------------------------------- page207.

Idameva saccam moghamannanti . ^[1]- abyakatam kho etam uttiya maya sassato loko idameva saccam moghamannanti. {95.1} Kim pana bho gotama asassato loko idameva saccam moghamannanti . etampi kho uttiya abyakatam maya asassato loko idameva saccam moghamannanti. {95.2} Kim nu kho bho gotama antava loko ... Anantava loko ... tam jivam tam sariram ... annam jivam annam sariram ... Hoti tathagato parammarana ... na hoti tathagato parammarana ... Hoti ca na ca hoti tathagato parammarana ... neva hoti na na hoti tathagato parammarana idameva saccam moghamannanti . etampi kho uttiya abyakatam maya neva hoti na na hoti tathagato parammarana idameva saccam moghamannanti. {95.3} Kim nu kho bho gotama sassato loko idameva saccam moghamannanti iti puttho samano abyakatam kho etam uttiya maya sassato loko idameva saccam moghamannanti vadesi kim pana bho gotama asassato loko idameva saccam moghamannanti iti puttho samano etampi kho uttiya abyakatam maya asassato loko idameva saccam moghamannanti vadesi kim nu kho bho gotama antava loko ... Anantava loko ... Tam jivam tam sariram ... Annam jivam annam sariram ... Hoti tathagato parammarana ... Na hoti tathagato parammarana ... Hoti ca na ca hoti tathagato parammarana ... Neva hoti na na hoti tathagato parammarana @Footnote: ¹ Po. yanti dissati.

--------------------------------------------------------------------------------------------- page208.

Idameva saccam moghamannanti iti puttho samano etampi kho uttiya abyakatam maya neva hoti na na hoti tathagato parammarana idameva saccam moghamannanti vadesi atha kincarahi bhota gotamena byakatanti. {95.4} Abhinna kho aham uttiya savakanam dhammam desemi sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyayati . yam panetam bhavam gotamo abhinna savakanam dhammam desesi sattanam visuddhiya sokaparidevanam samatikkamaya dukkhadomanassanam atthangamaya nayassa adhigamaya nibbanassa sacchikiriyaya sabbo va ^1- tena loko niyyassati ^2- upaddho va tibhago va ^3- evam vutte bhagava tunhi ahosi. {95.5} Athakho ayasmato anandassa etadahosi maheva ^4- kho uttiyo paribbajako papakam ditthigatam patilabhi ^5- sabbam samukkamsikam vata me samano gotamo panham puttho samsadeti no visajjeti nuna na ^6- visahatiti tadassa uttiyassa paribbajakassa digharattam ahitaya dukkhayati athakho ayasma anando uttiyam paribbajakam etadavoca tenahavuso uttiya upamante karissami upamayamidhekacce vinnu purisa bhasitassa attham ajananti seyyathapi avuso uttiya ranno paccantimam nagaram tam dalhaddalam ^7- dalhapakaratoranam ekadvaram tatrassa dovariko pandito byatto medhavi annatanam nivareta ^8- natanam paveseta so tassa nagarassa samanta anupariyayapatham ^[9]- anukkamamano na passeyya pakarasandhim va @Footnote: ¹ Yu. ca. ² Po. Yu. niyyissati. Ma. niyati. ito param evam natabbam. @³ Po. upaddho vati bho gotama vadehiti. Ma. Yu. tibhago. ⁴ Ma. Yu. mahevam. @⁵ Po. Yu. patilabhati. ⁶ Ma. Yu. na nuna. ⁷ Ma. nagaram dalhuddhapam. Yu. nagaram @dalhuddapam. ⁸ Po. nivaretva natanam pavesetva. ⁹ Ma. anukkamati @anupariyayapatham iti dissati.

--------------------------------------------------------------------------------------------- page209.

Pakaravivaram va antamaso vilaranissakanamattampi ^1- no ca khvassa evam nanam hoti ettaka pana imam nagaram pavisanti va nikkhamanti vati. {95.6} Atha khvassa evamettha hoti ye kho keci olarika pana imam nagaram pavisanti va nikkhamanti va sabbe te imina dvarena pavisanti va nikkhamanti vati evameva kho avuso uttiya na tathagatassa evam ussukkatam ^2- hoti sabbo va tena loko niyyassati upaddho va tibhago vati. {95.7} Athakho evamettha tathagatassa hoti ye kho keci lokamha niyyimsu va niyyanti va niyyassanti va sabbe te panca nivarane pahaya cetaso upakkilese pannaya dubbalikarane catusu satipatthanesu supatitthitacitta satta bojjhange yathabhutam bhavetva evamete lokamha niyyimsu va niyyanti va niyyassanti vati. Yadeva kho tvam avuso ^3- uttiya bhagavantam imam ^4- panham apucchi tadevetam panham bhagavantam annena pariyayena apucchi ^5- tasma te tam bhagava na byakasiti.

The Pali Tipitaka in Roman Character Volume 24 page 206-209. https://84000.org/tipitaka/read/roman_read.php?B=24&A=4356&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=24&A=4356&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=95&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=24&siri=93 Study Atthakatha :- https://84000.org/tipitaka/attha/attha.php?b=24&i=95 The Pali Atthakatha in Thai :- https://84000.org/tipitaka/atthapali/read_th.php?B=16&A=8287 The Pali Atthakatha in Roman :- https://84000.org/tipitaka/atthapali/read_rm.php?B=16&A=8287 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24