บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
TIPITAKA Volume 25 : PALI ROMAN Sutta Pitaka Vol 17 : Sutta. Khu. khuddakapāṭho-dhammapadagāthā-udānaṃ-itivuttakaṃ-suttanipāto
[263] 5 Tayome bhikkhave puggala loke uppajjamana uppajjanti bahujanahitaya bahujanasukhaya lokanukampaya atthaya hitaya sukhaya devamanussanam katame tayo {263.1} 1 idha bhikkhave tathagato loke uppajjati araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti ayam bhikkhave pathamo puggalo loke uppajjamano uppajjati bahujanahitaya bahujanasukhaya lokanukampaya atthaya hitaya sukhaya devamanussanam. {263.2} 2 Puna ca param bhikkhave tasseva satthuno savako araham hoti khinasavo vusitava katakaraniyo ohitabharo anuppattasadattho parikkhinabhavasamyojano sammadanna vimutto so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti ayampi bhikkhave dutiyo puggalo loke uppajjamano uppajjati bahujanahitaya bahujanasukhaya lokanukampaya atthaya hitaya sukhaya devamanussanam. {263.3} 3 Puna ca param bhikkhave tasseva satthuno savako sekkho hoti patipado bahussuto silavatupapanno sopi dhammam deseti adikalyanam majjhekalyanam Pariyosanakalyanam sattham sabyanjanam kevalaparipunnam parisuddham brahmacariyam pakaseti ayampi bhikkhave tatiyo puggalo loke uppajjamano uppajjati bahujanahitaya bahujanasukhaya lokanukampaya atthaya hitaya sukhaya devamanussanam . ime kho bhikkhave tayo puggala loke uppajjamana uppajjanti bahujanahitaya bahujanasukhaya lokanukampaya atthaya hitaya sukhaya devamanussananti. Sattha hi loke pathamo mahesi tassanvayo savako bhavitatto athaparo patipadopi sekkho bahussuto silavatupapanno. Ete tayo devamanussasettha pabhankara dhammamudiriyanta 1- apapuranti 2- amatassa dvaram yoga pamocanti bahujanam te. Ye satthavahena anuttarena sudesitam maggamanukkamanti idheva dukkhassa karonti antam ye appamatta sugatassa sasaneti. Pancamam.The Pali Tipitaka in Roman Character Volume 25 page 291-292. https://84000.org/tipitaka/read/roman_read.php?B=25&A=6017&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=25&A=6017&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=263&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=25&siri=199 Study Atthakatha :- https://84000.org/tipitaka/attha/attha.php?b=25&i=263 The Pali Atthakatha in Thai :- https://84000.org/tipitaka/atthapali/read_th.php?B=27&A=6544 The Pali Atthakatha in Roman :- https://84000.org/tipitaka/atthapali/read_rm.php?B=27&A=6544 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]