บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Lasunavaggassa pancamasikkhapadam [163] Tena samayena buddho bhagava sakkesu viharati kapilavatthusmim nigrodharame . athakho mahapajapati 2- gotami yena bhagava tenupasankami upasankamitva bhagavantam abhivadetva adhovate atthasi duggandho bhagava matugamoti . athakho bhagava adiyantu kho bhikkhuniyo udakasuddhikanti mahapajapatim gotamim dhammiya kathaya sandassesi samadapesi samuttejesi sampahamsesi . athakho mahapajapati gotami bhagavata dhammiya kathaya sandassita samadapita samuttejita sampahamsita bhagavantam avivadetva padakkhinam katva pakkami . athakho bhagava etasmim nidane etasmim pakarane dhammim katham katva bhikkhu @Footnote: 1 Ma. Yu. adiyeyyatiti dissati. 2 Ma. Yu. mahapajapatiiti likhitam. Amantesi anujanami bhikkhave bhikkhuninam udakasuddhikanti. [164] Tena kho pana samayena annatara bhikkhuni bhagavata udakasuddhika anunnatati atigambhiram udakasuddhikam adiyanti muttakarane vanam akasi . athakho sa bhikkhuni bhikkhuninam etamattham arocesi . ya ta bhikkhuniyo appiccha .pe. Ta ujjhayanti khiyanti vipacenti katham hi nama bhikkhuni atigambhiram udakasuddhikam adiyissatiti .pe. saccam kira bhikkhave bhikkhuni atigambhiram udakasuddhikam adiyatiti 1-. Saccam bhagavati . vigarahi buddho bhagava katham hi nama bhikkhave bhikkhuni atigambhiram udakasuddhikam adiyissati netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {164.1} udakasuddhikam pana bhikkhuniya adiyamanaya dvangulapabbaparamam adatabbam tam atikkamentiya pacittiyanti. [165] Udakasuddhika nama muttakaranassa dhovana vuccati . Adiyamanayati dhovantiya . dvangulapabbaparamam adatabbanti dvisu angulisu 2- dvepabbaparama adatabba . tam atikkamentiyati samphassam sadiyanti antamaso kesaggamattampi atikkameti apatti pacittiyassa. [166] Atirekadvangulapabbe atirekasanna adiyati apatti pacittiyassa . atirekadvangulapabbe vematika adiyati apatti @Footnote: 1 Ma. Yu. adiyiti. 2 Ma. Yu. angulesu. Pacittiyassa . atirekadvangulapabbe unakasanna adiyati apatti pacittiyassa . unakadvangulapabbe atirekasanna apatti dukkatassa . unakadvangulapabbe vematika apatti dukkatassa . Unakadvangulapabbe unakasanna anapatti. [167] Anapatti dvangulapabbaparamam adiyati unakadvangulapabbaparamam adiyati abadhappaccaya ummattikaya adikammikayati. -------The Pali Tipitaka in Roman Character Volume 3 page 100-102. https://84000.org/tipitaka/read/roman_read.php?B=3&A=1989&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=3&A=1989&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=163&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=3&siri=33 Study Atthakatha :- https://84000.org/tipitaka/attha/attha.php?b=3&i=163 The Pali Atthakatha in Thai :- https://84000.org/tipitaka/atthapali/read_th.php?B=2&A=11280 The Pali Atthakatha in Roman :- https://84000.org/tipitaka/atthapali/read_rm.php?B=2&A=11280 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]