|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 30 : PALI ROMAN Sutta Pitaka Vol 22 : Sutta. Khu. Cūḷaniddeso
Hemakamanavakapanhaniddeso [324] Yeme pubbe viyakamsu (iccayasma hemako) huram gotamasasana iccasi iti bhavissati sabbantam itihitiham sabbantam takkavaddhanam naham tattha abhiramim. [325] Yeme pubbe viyakamsuti yeti yo ca bavari brahmano ye canne tassa acariya te sakam ditthim sakam khantim sakam rucim sakam laddhim sakam ajjhasayam sakam adhippayam byakarimsu 1- acikkhimsu desayimsu pannapimsu patthapimsu vivarimsu vibhajimsu uttanimakamsu pakasesunti yeme pubbe viyakamsu . iccayasma hemakoti iccati padasandhi .pe. padanupubbakametam iccati . ayasmati piyavacanam garuvacanam sagaravasappatissadhivacanametam ayasmati . hemakoti namam .pe. Abhilapoti iccayasma hemako. [326] Huram gotamasasanati huram gotamasasana param gotamasasana pure gotamasasana pathamataram gotamasasana buddhasasana jinasasana tathagatasasana arahantasasanati huram gotamasasana. [327] Iccasi iti bhavissatiti evam kira asi evam kira @Footnote: 1 Ma. byakamsu.--------------------------------------------------------------------------------------------- page162.
Bhavissatiti iccasi iti bhavissati. [328] Sabbantam itihitihanti sabbantam itihitiham itikiraya paramparaya pitakasampadaya takkahetu nayahetu akaraparivitakkena ditthinijjhanakkhantiya na samam sayamabhinnatam na attapaccakkham dhammam kathayimsuti sabbantam itihitiham. [329] Sabbantam takkavaddhananti sabbantam takkavaddhanam vitakka- vaddhanam sankappavaddhanam kamavitakkavaddhanam byapadavitakkavaddhanam vihimsavitakkavaddhanam nativitakkavaddhanam janapadavitakkavaddhanam amaravitakkavaddhanam 1- paranuddayatapatisamyuttavitakkavaddhanam labhasakkara- silokapatisamyuttavitakkavaddhanam anavannattipatisamyuttavitakkavaddhananti sabbantam takkavaddhanam. [330] Naham tattha abhiraminti na vindim nadhigacchim na patilabhinti naham tattha abhiramim. Tenaha so brahmano yeme pubbe viyakamsu (iccayasma hemako) huram gotamasasana iccasi iti bhavissati sabbantam itihitiham sabbantam takkavaddhanam naham tattha abhiraminti. [331] Tvanca me dhammamakkhahi tanhanigghatanam muni @Footnote: 1 Ma. amaravitakkavaddhanam. evamuparipi.--------------------------------------------------------------------------------------------- page163.
Yam viditva sato caram tare loke visattikam. [332] Tvanca me dhammamakkhahiti tvanti bhagavantam bhanati . Dhammamakkhahiti dhammanti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam cattaro satipatthane cattaro sammappadhane cattaro iddhipade pancindriyani panca balani satta bojjhange ariyam atthangikam maggam nibbananca nibbanagamininca patipadam akkhahi acikkhahi desehi pannapehi patthapehi vivarahi vibhajahi uttanikarohi pakasehiti tvanca me dhammamakkhahi. [333] Tanhanigghatanam muniti tanhati rupatanha saddatanha gandhatanha rasatanha photthabbatanha dhammatanha . tanha- nigghatananti tanhanigghatanam tanhapahanam tanhavupasamam tanhapatinissaggam tanhapatippassaddhim amatam nibbanam . muniti monam vuccati nanam .pe. sangajalamaticca so muniti tanhanigghatanam muni. [334] Yam viditva sato caranti yam viditam katva tulayitva tirayitva vibhavayitva vibhutam katva sabbe sankhara aniccati viditam katva tulayitva tirayitva vibhavayitva vibhutam katva sabbe sankhara dukkhati sabbe dhamma anattati .pe. yankinci samudayadhammam sabbantam nirodhadhammanti viditam katva tulayitva tirayitva--------------------------------------------------------------------------------------------- page164.
Vibhavayitva vibhutam katva . satoti catuhakarehi sato kaye kayanupassanasatipatthanam bhavento sato .pe. so vuccati sato . caranti caranto vicaranto iriyanto vattento palento yapento yapentoti yam viditva sato caram. [335] Tare loke visattikanti visattika vuccati tanha yo rago sarago .pe. abhijjha lobho akusalamulam . visattikati kenatthena visattika .pe. visata vitthatati visattika . Loketi apayaloke manussaloke devaloke khandhaloke dhatuloke ayatanaloke . tare loke visattikanti ya sa loke visattika loke tam visattikam sato tareyya uttareyya patareyya samatikkameyya vitivatteyyati 1- tare loke visattikam . tenaha so brahmano tvanca me dhammamakkhahi tanhanigghatanam muni yam viditva sato caram tare loke visattikanti. [336] Idha ditthasutamutam (vinnatesu) piyarupesu hemaka chandaragavinodanam nibbanapadamaccutam. [337] Idha ditthasutamutam vinnatesuti ditthanti cakkhuna dittham . sutanti sotena sutam . mutanti mutam ghanena ghayitam jivhaya sayitam kayena phuttham . vinnatanti manasa natanti 2- idha ditthasutamutam vinnatesu. @Footnote: 1 Ma. tareyyam ... vitivatteyyanti. 2 Ma. vinnatanti.--------------------------------------------------------------------------------------------- page165.
[338] Piyarupesu hemakati kinca loke piyarupam satarupam . Cakkhum 1- loke piyarupam satarupam sotam ghanam jivha kayo mano loke piyarupam satarupam rupam loke piyarupam satarupam sadda gandha rasa photthabba dhamma loke piyarupam satarupam cakkhuvinnanam loke piyarupam satarupam sotavinnanam ghanavinnanam jivhavinnanam kayavinnanam manovinnanam loke piyarupam satarupam cakkhusamphasso loke piyarupam satarupam sotasamphasso ghanasamphasso jivhasamphasso kayasamphasso manosamphasso loke piyarupam satarupam cakkhusamphassaja vedana loke piyarupam satarupam sotasamphassaja vedana ghanasamphassaja vedana jivhasamphassaja vedana kayasamphassaja vedana manosamphassaja vedana loke piyarupam satarupam rupasanna loke piyarupam satarupam saddasanna gandhasanna rasasanna photthabbasanna dhammasanna loke piyarupam satarupam rupasancetana loke piyarupam satarupam saddasancetana gandhasancetana rasasancetana photthabbasancetana dhammasancetana loke piyarupam satarupam rupatanha loke piyarupam satarupam saddatanha gandhatanha rasatanha photthabbatanha dhammatanha loke piyarupam satarupam rupavitakko loke piyarupam satarupam saddavitakko gandhavitakko rasavitakko photthabbavitakko dhammavitakko loke piyarupam satarupam rupavicaro loke piyarupam satarupam saddavicaro gandhavicaro rasavicaro photthabbavicaro @Footnote: 1 Ma. cakkhu.--------------------------------------------------------------------------------------------- page166.
Dhammavicaro loke piyarupam satarupanti piyarupesu . Hemakati bhagava tam brahmanam namena alapati. [339] Chandaragavinodananti chandaragoti yo kamesu kamacchando kamarago kamanandi kamatanha kamasineho kamaparilaho kamamuccha kamajjhosanam kamogho kamayogo kamupadanam kamacchandanivaranam . chandaragavinodananti chandaragappahanam chandaragavupasamam chandaragapatinissaggam chandaragapatippassaddhim amatam nibbananti chandaragavinodanam. [340] Nibbanapadamaccutanti nibbanapadam tanapadam lenapadam parayanapadam abhayapadam . accutanti niccam dhuvam sassatam aviparinamadhammanti nibbanapadamaccutam. Tenaha bhagava idha ditthasutamutam (vinnatesu) piyarupesu hemaka chandaragavinodanam nibbanapadamaccutanti. [341] Etadannaya ye sata ditthadhammabhinibbuta upasanta ca te sada tinna loke visattikam. [342] Etadannaya ye satati etanti amatam nibbanam yo so sabbasankharasamatho sabbupadhipatinissaggo tanhakkhayo virago nirodho nibbanam . annayati annaya janitva tulayitva tirayitva vibhavayitva vibhutam katva sabbe sankhara aniccati annaya janitva tulayitva tirayitva vibhavayitva vibhutam katva--------------------------------------------------------------------------------------------- page167.
Sabbe sankhara dukkhati sabbe dhamma anattati .pe. yankinci samudayadhammam sabbantam nirodhadhammanti annaya janitva tulayitva tirayitva vibhavayitva vibhutam katva . yeti arahanto khinasava . Satati catuhi karanehi sata kaye kayanupassanasatipatthanam bhaventa 1- sata .pe. te vuccanti satati etadannaya ye sata. [343] Ditthadhammabhinibbutati ditthadhamma natadhamma tulitadhamma tiritadhamma vibhavitadhamma vibhutadhamma sabbe sankhara aniccati .pe. yankinci samudayadhammam sabbantam nirodhadhammanti ditthadhamma natadhamma tulitadhamma tiritadhamma vibhavitadhamma vibhutadhamma . abhinibbutati ragassa nibbapitatta abhinibbuta 2- dosassa nibbapitatta abhinibbuta mohassa nibbapitatta abhinibbuta kodhassa upanahassa .pe. sabbakusalabhisankharanam nibbapitatta abhinibbutati 3- ditthadhammabhinibbuta. [344] Upasanta ca te sadati upasantati ragassa santatta 4- upasanta dosassa santatta upasanta mohassa santatta upasanta kodhassa upanahassa .pe. sabbakusalabhisankharanam santatta samitatta [5]- vijjhatatta 6- nibbutatta vigatatta patippassaddhatta santa upasanta vupasanta nibbuta patippassaddhati upasanta . Teti arahanto khinasava . sadati @Footnote: 1 Ma. bhavitatta. 2 Ma. nibbutatta. evamuparipi. 3 Ma. santatta ... @patippassaddhati. 4 Ma. upasamitatta nibbapitatta. 5 Ma. vupasamitatta. @6 Ma. nijjhatatta.--------------------------------------------------------------------------------------------- page168.
Sada sabbada 1- sabbakalam niccakalam dhuvakalam satatam samitam abbokinnam pokhanupokham udakummijatam avici santati sahitam phusitam 2- purebhattam pacchabhattam purimayame 3- majjhimayame 3- pacchimayame 3- kale junhe vasse hemante gimhe purime vayokhandhe majjhime vayokhandhe pacchime vayokhandheti upasanta ca te sada. [345] Tinna loke visattikanti visattika vuccati tanha yo rago sarago .pe. abhijjha lobho akusalamulam . visattikati kenatthena visattika .pe. visata vitthatati visattika . Loketi apayaloke .pe. ayatanaloke . tinna 4- loketi ya sa loke visattika loke tam visattikam 5- tinna uttinna nittinna atikkanta samatikkanta vitivattati tinna loke visattikam. Tenaha bhagava etadannaya ye sata ditthadhammabhinibbuta upasanta ca te sada tinna loke visattikanti. Saha gathapariyosana .pe. sattha me bhante bhagava savakohamasmiti. Hemakamanavakapanhaniddeso atthamo. ------------- @Footnote: 1 Ma. ayam patho natthi. 2 Ma. phassi. evamuparipi. 3 Ma. -mam. @4-5 Ma. tinna loke visattikanti loke vesa visattika loke vetam visattikam. @evamuparipi.The Pali Tipitaka in Roman Character Volume 30 page 161-168. https://84000.org/tipitaka/read/roman_read.php?B=30&A=3347&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=30&A=3347&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=30&item=324&items=22 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=30&siri=27 Study Atthakatha :- https://84000.org/tipitaka/attha/attha.php?b=30&i=324 The Pali Atthakatha in Thai :- https://84000.org/tipitaka/atthapali/read_th.php?B=46&A=837 The Pali Atthakatha in Roman :- https://84000.org/tipitaka/atthapali/read_rm.php?B=46&A=837 Contents of The Tipitaka Volume 30 https://84000.org/tipitaka/read/?index_30 https://84000.org/tipitaka/english/?index_30
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]