บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
ThaiVersion McuVersion PaliThai PaliRoman |
[211] Katham avikkhepaparisuddhatta asavasamucchede panna anantarikasamadhismim nanam. {211.1} Nekkhammavasena cittassekaggata avikkhepo samadhi tassa samadhissa vasena uppajjati nanam tena nanena asava khiyanti iti pathamam samatho paccha nanam tena nanena asavanam khayo--------------------------------------------------------------------------------------------- page139.
Hoti tena vuccati avikkhepaparisuddhatta asavasamucchede panna anantarikasamadhismim 1- nanam. [212] Asavati katame te asava kamasavo bhavasavo ditthasavo avijjasavo. {212.1} Katthete asava khiyanti. Sotapattimaggena anavaseso ditthasavo khiyati apayagamaniyo kamasavo khiyati apayagamaniyo bhavasavo khiyati apayagamaniyo avijjasavo khiyati etthete asava khiyanti sakadagamimaggena olariko kamasavo khiyati tadekattho bhavasavo khiyati tadekattho avijjasavo khiyati etthete asava khiyanti anagamimaggena anavaseso kamasavo khiyati tadekattho bhavasavo khiyati tadekattho avijjasavo khiyati etthete asava khiyanti arahattamaggena anavaseso bhavasavo khiyati anavaseso avijjasavo khiyati etthete asava khiyanti. [213] Abyapadavasena .pe. alokasannavasena avikkhepavasena dhammavavatthanavasena nanavasena pamujjavasena pathamajjhanavasena dutiyajjhanavasena tatiyajjhanavasena catutthajjhanavasena akasanancayatanasamapattivasena vinnanancayatanasamapatti- vasena akincannayatanasamapattivasena nevasannanasannayatana- samapattivasena pathavikasinavasena apokasinavasena @Footnote: 1 anantariya samadhisminti va patho dissati.--------------------------------------------------------------------------------------------- page140.
Tejokasinavasena vayokasinavasena nilakasinavasena pitakasinavasena lohitakasinavasena odatakasinavasena akasakasinavasena vinnanakasinavasena buddhanussativasena dhammanussativasena sanghanussativasena silanussativasena caganussativasena devatanussativasena anapanassativasena maranassativasena kayagatasativasena upasamanussativasena {213.1} uddhumatakasannavasena vinilakasannavasena vipubbaka- sannavasena vicchiddakasannavasena vikkhayitakasannavasena vikkhittakasannavasena hatavikkhittakasannavasena lohitakasannavasena pulavakasannavasena atthikasannavasena digham assasavasena digham passasavasena rassam assasavasena rassam passasavasena sabbakayapatisamvedi assasavasena sabbakayapatisamvedi passasavasena passambhayam kayasankharam assasavasena passambhayam kayasankharam passasavasena pitipatisamvedi assasavasena pitipatisamvedi passasavasena sukhapatisamvedi assasavasena sukhapatisamvedi passasavasena cittasankharapatisamvedi assasavasena cittasankharapatisamvedi passasavasena passambhayam cittasankharam assasavasena passambhayam cittasankharam passasavasena cittapatisamvedi assasavasena cittapatisamvedi passasavasena abhippamodayam cittam assasavasena abhippamodayam cittam passasavasena samadaham cittam .pe. vimocayam cittam aniccanupassi--------------------------------------------------------------------------------------------- page141.
Viraganupassi nirodhanupassi patinissagganupassi assasavasena patinissagganupassi passasavasena cittassekaggata avikkhepo samadhi tassa samadhissa vasena uppajjati nanam tena nanena asava khiyanti iti pathamam samatho paccha nanam tena nanena asavanam khayo hoti tena vuccati avikkhepaparisuddhatta asavasamucchede panna anantarikasamadhismim nanam. [214] Asavati katame te asava kamasavo bhavasavo ditthasavo avijjasavo. {214.1} Katthete asava khiyanti. Sotapattimaggena anavaseso ditthasavo khiyati apayagamaniyo kamasavo khiyati apayagamaniyo bhavasavo khiyati apayagamaniyo avijjasavo khiyati etthete asava khiyanti. {214.2} Sakadagamimaggena olariko kamasavo khiyati tadekattho bhavasavo khiyati tadekattho avijjasavo khiyati etthete asava khiyanti. {214.3} Anagamimaggena anavaseso kamasavo khiyati tadekattho bhavasavo khiyati tadekattho avijjasavo khiyati etthete asava khiyanti. {214.4} Arahattamaggena anavaseso bhavasavo khiyati anavaseso avijjasavo khiyati etthete asava khiyanti tam natatthena--------------------------------------------------------------------------------------------- page142.
Nanam pajananatthena panna tena vuccati avikkhepaparisuddhatta asavasamucchede panna anantarikasamadhismim nanam. --------The Pali Tipitaka in Roman Character Volume 31 page 138-142. https://84000.org/tipitaka/read/roman_read.php?B=31&A=2757&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=31&A=2757&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=31&item=211&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=31&siri=36 Study Atthakatha :- https://84000.org/tipitaka/attha/attha.php?b=31&i=211 The Pali Atthakatha in Thai :- https://84000.org/tipitaka/atthapali/read_th.php?B=47&A=7240 The Pali Atthakatha in Roman :- https://84000.org/tipitaka/atthapali/read_rm.php?B=47&A=7240 Contents of The Tipitaka Volume 31 https://84000.org/tipitaka/read/?index_31 https://84000.org/tipitaka/english/?index_31
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]