บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
Sattamam ekadhammasavaniyattherapadanam (427) [17] |17.88| Padumuttaro nama jino sabbadhammana paragu catusaccam pakasento santaresi bahum janam. |17.89| Aham tena samayena jatilo uggatapano dhunanto vakacirani gacchami ambare tada. |17.90| Buddhasetthassa upari gantum na visahamaham pakkhiva selamasajja gamanam na labhamaham. |17.91| Udake dhopayitvana 1- evam gacchami ambare na me idam bhutapubbam iriyapathavikopanam. |17.92| Handa me tam gavesissam appevattham labheyyaham orohanto antalikkha saddamassosi satthuno. |17.93| Sarena rajaniyena savaniyena vattuna 2- aniccatam kathentassa tanneva uggahim tada. Aniccasannamuggayha agamasim mamassamam |17.94| yavatayum vasitvana tattha kalam kato aham. Carime vattamanamhi saddhammassavanam sarim |17.95| tena kammena sukatena cetanapanidhihi ca. Jahitva manusam deham tavatimsam aganchaham |17.96| timsakappasahassani devaloke ramim aham. @Footnote: 1 Ma. vokkamitvana. Yu. vomisitvana. 2 Ma. Yu. vagguna. Ekapannasakkhattunca devarajjamakarayim |17.97| ekatimsatikkhattunca 1- cakkavatti ahosaham. Padesarajjam vipulam gananato asankhayam |17.98| anubhomi sakam punnam sukhitoham bhavabhave. Anussarami tam sannam samsaranto bhavabhave na kenaciham 2- vijjhami nibbanam accutam padam. |17.99| Pitu gehe nisiditva samano bhavitindriyo katham so paridipento aniccam 3- tatthudahari. |17.100| Anicca vata sankhara uppadavayadhammino uppajjitva nirujjhanti tesam vupasamo sukho. |17.101| Saha gatham sunitvana sabbasannam 4- anussarim ekasane nisiditva arahattamapapunim. |17.102| Jatiya sattavassena arahattam apapunim upasampadayi buddho dhammassavanassidam phalam. |17.103| Satasahasse ito kappe yam dhammam asunim tada duggatim nabhijanami dhammassavanassidam phalam. |17.104| Kilesa jhapita mayham bhava sabbe samuhata nagova bandhanam chetva viharami anasavo. |17.105| Svagatam vata me asi mama buddhassa santike tisso vijja anuppatta katam buddhassa sasanam. @Footnote: 1 Ma. Yu. ekavisatikkhattunca. 2 Ma. Yu. na kotim pativijjhami 3 Ma. anicacatamudahari. @Yu. aniccam vatthudaharim. 4 Po. Ma. Yu. pubbasannamanussarim. |17.106| Patisambhida catasso vimokkhapica atthime chalabhinna sacchikata katam buddhassa sasananti. Attham sudam ayasma ekadhammasavaniyo thero ima gathayo abhasitthati. Ekadhammasavaniyattherassa apadanam samattam.The Pali Tipitaka in Roman Character Volume 33 page 34-36. https://84000.org/tipitaka/read/roman_read.php?B=33&A=676&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=33&A=676&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=33.1&item=17&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=33&siri=17 Study Atthakatha :- https://84000.org/tipitaka/attha/attha.php?b=33&i=17 Contents of The Tipitaka Volume 33 https://84000.org/tipitaka/read/?index_33 https://84000.org/tipitaka/english/?index_33
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]