PaliRoman Vol.36

Dukaniddeso [58] Katamo ca puggalo kodhano. Tattha katamo kodho yo kodho kujjhana kujjhitattam doso dusana dusitattam byapatti byapajjana byapajjitattam virodho pativirodho candikkam asuropo anattamanata cittassa ayam vuccati kodho . yassa puggalassa ayam kodho appahino ayam vuccati puggalo kodhano . Katamo ca puggalo upanahi. Tattha katamo upanaho pubbakalam kodho aparakalam upanaho yo evarupo upanaho upanahana upanahitattam atthapana thapana santhapana anusamsandana anuppabandhana dalhikammam kodhassa ayam vuccati

--------------------------------------------------------------------------------------------- page151.

Upanaho . yassa puggalassa ayam upanaho appahino ayam vuccati puggalo upanahi. [59] Katamo ca puggalo makkhi . tattha katamo makkho yo makkho makkhayana makkhayitattam nitthuriyam nitthuriyakammam ayam vuccati makkho . yassa puggalassa ayam makkho appahino ayam vuccati puggalo makkhi. {59.1} Katamo ca puggalo palasi . tattha katamo palaso yo palaso palasayana palasayitattam palasaharo vivadatthanam yugaggaho appatinissaggo ayam vuccati palaso . yassa puggalassa ayam palaso appahino ayam vuccati puggalo palasi. [60] Katamo ca puggalo issuki . tattha katama issa ya paralabhasakkaragarukaramananavandanapujanasu issa issayana issayitattam usuya usuyana usuyitattam ayam vuccati issa . Yassa puggalassa ayam issa appahina ayam vuccati puggalo issuki. {60.1} Katamo ca puggalo macchari . tattha katamam macchariyam panca macchariyani avasamacchariyam kulamacchariyam labhamacchariyam vannamacchariyam dhammamacchariyam yam evarupam maccheram maccharayana maccharayitattam veviccham kadariyam katukancukata aggahitattam cittassa idam vuccati macchariyam . Yassa puggalassa idam macchariyam appahinam ayam vuccati puggalo macchari. [61] Katamo ca puggalo satho . tattha katamam satheyyam idhekacco puggalo satho hoti parisatho yam tattha satham sathata

--------------------------------------------------------------------------------------------- page152.

Satheyyam kakkhalata kakkhaliyam parikkhatata parikkhatiyam idam vuccati satheyyam . yassa puggalassa idam satheyyam appahinam ayam vuccati puggalo satho. {61.1} Katamo ca puggalo mayavi . tattha katama maya idhekacco puggalo kayena duccaritam caritva vacaya duccaritam caritva manasa duccaritam caritva tassa paticchadanahetu papikam iccham panidahati ma mam jannati icchati ma mam jannati sankappati ma mam jannati vacam bhasati ma mam jannati kayena parakkamati ya evarupa maya mayavita accasara vancana nikati vikirana pariharana guhana pariguhana chadana paricchadana anuttanikammam anavikammam vocchadana papakiriya ayam vuccati maya . yassa puggalassa ayam maya appahina ayam vuccati puggalo mayavi. [62] Katamo ca puggalo ahiriko . tattha katamam ahirikam yam na hiriyati hiriyitabbena na hiriyati papakanam akusalanam dhammanam samapattiya idam vuccati ahirikam . imina ahirikena samannagato puggalo ahiriko . katamo ca puggalo anottappi . tattha katamam anottappam yam na ottappati ottappitabbena na ottappati papakanam akusalanam dhammanam samapattiya idam vuccati anottappam . Imina anottappena samannagato puggalo anottappi. [63] Katamo ca puggalo dubbaco . tattha katama dovacassata sahadhammike vuccamane dovacassayam dovacassiyam dovacassata

--------------------------------------------------------------------------------------------- page153.

Vippatikulagahita vipaccanikasatata anadariyam anadarata agaravata appatissavata ayam vuccati dovacassata . imaya dovacassataya samannagato puggalo dubbaco. {63.1} Katamo ca puggalo papamitto. Tattha katama papamittata ye te puggala assaddha dussila appassuta maccharino duppanna ya tesam sevana nisevana samsevana bhajana sambhajana bhatti sambhatti sampavankata ayam vuccati papamittata . imaya papamittataya samannagato puggalo papamitto. [64] Katamo ca puggalo indriyesu aguttadvaro . tattha katama indriyesu aguttadvarata idhekacco cakkhuna rupam disva nimittaggahi hoti anubyanjanaggahi yatvadhikaranamenam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya na patipajjati na rakkhati cakkhundriyam cakkhundriye na samvaram apajjati . sotena saddam sutva .pe. Ghanena gandham ghayitva .pe. jivhaya rasam sayitva .pe. Kayena photthabbam phusitva .pe. manasa dhammam vinnaya nimittaggahi hoti anubyanjanaggahi yatvadhikaranamenam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya na patipajjati na rakkhati manindriyam manindriye na samvaram apajjati ya imesam channam indriyanam agutti agopana anarakkho asamvaro ayam vuccati indriyesu aguttadvarata . imaya indriyesu

--------------------------------------------------------------------------------------------- page154.

Aguttadvarataya samannagato puggalo indriyesu aguttadvaro. {64.1} Katamo ca puggalo bhojane amattannu . tattha katama bhojane amattannuta idhekacco appatisankha ayoniso aharam ahareti davaya madaya mandanaya vibhusanaya ya tattha asantutthita amattannuta appatisankha bhojane ayam vuccati bhojane amattannuta . Imaya bhojane amattannutaya samannagato puggalo bhojane amattannu. [65] Katamo ca puggalo mutthassati . tattha katamam mutthasaccam ya assati ananussati appatissati assati asaranata adharanata pilapanata sammusanata idam vuccati mutthasaccam . imina mutthasaccena samannagato puggalo mutthassati. {65.1} Katamo ca puggalo asampajano. Tattha katamam asampajannam yam annanam adassanam anabhisamayo ananubodho asambodho appativedho asangahana apariyogahana asamapekkhana apaccavekkhana apaccakkhakammam dummejjham balyam asampajannam moho pamoho sammoho avijja avijjogho avijjayogo avijjanusayo avijjapariyutthanam avijjalangi moho akusalamulam idam vuccati asampajannam . imina asampajannena samannagato puggalo asampajano. [66] Katamo ca puggalo silavipanno . tattha katama silavipatti kayiko vitikkamo vacasiko vitikkamo kayikavacasiko vitikkamo ayam vuccati silavipatti sabbampi dussilyam silavipatti . imaya

--------------------------------------------------------------------------------------------- page155.

Silavipattiya samannagato puggalo silavipanno. {66.1} Katamo ca puggalo ditthivipanno . tattha katama ditthivipatti natthi dinnam natthi yittham natthi hutam natthi sukatadukkatanam kammanam phalavipako natthi ayam loko natthi paro loko natthi mata natthi pita natthi satta opapatika natthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti ya evarupa ditthi ditthigatam ditthigahanam ditthikantaro ditthivisukayikam ditthivipphanditam ditthisannojanam gaho patiggaho abhiniveso paramaso kummaggo micchapatho micchattam titthayatanam vipariyesaggaho ayam vuccati ditthivipatti sabbapi micchaditthi ditthivipatti . imaya ditthivipattiya samannagato puggalo ditthivipanno. [67] Katamo ca puggalo ajjhattasannojano . yassa puggalassa panca orambhagiyani sannojanani appahinani ayam vuccati puggalo ajjhattasannojano. {67.1} Katamo ca puggalo bahiddhasannojano . Yassa puggalassa pancuddhambhagiyani sannojanani appahinani ayam vuccati puggalo bahiddhasannojano. [68] Katamo ca puggalo akkodhano. Tattha katamo kodho yo kodho kujjhana kujjhitattam doso dusana dusitattam byapatti byapajjana byapajjitattam virodho pativirodho candikkam asuropo anattamanata cittassa ayam vuccati kodho . yassa puggalassa ayam kodho

--------------------------------------------------------------------------------------------- page156.

Pahino ayam vuccati puggalo akkodhano. {68.1} Katamo ca puggalo anupanahi . tattha katamo upanaho pubbakalam kodho aparakalam upanaho yo evarupo upanaho upanahana upanahitattam atthapana thapana santhapana anusamsandana anuppabandhana dalhikammam kodhassa ayam vuccati upanaho . yassa puggalassa ayam upanaho pahino ayam vuccati puggalo anupanahi. [69] Katamo ca puggalo amakkhi . tattha katamo makkho yo makkho makkhayana makkhayitattam nitthuriyam nitthuriyakammam ayam vuccati makkho . yassa puggalassa ayam makkho pahino ayam vuccati puggalo amakkhi. {69.1} Katamo ca puggalo apalasi . Tattha katamo palaso yo palaso palasayana palasayitattam palasaharo vivadatthanam yugaggaho appatinissaggo ayam vuccati palaso . yassa puggalassa ayam palaso pahino ayam vuccati puggalo apalasi. [70] Katamo ca puggalo anissuki . tattha katama issa ya paralabhasakkaragarukaramananavandanapujanasu issa issayana issayitattam usuya usuyana usuyitattam ayam vuccati issa . yassa puggalassa ayam issa pahina ayam vuccati puggalo anissuki. {70.1} Katamo ca puggalo amacchari . Tattha katamam macchariyam panca macchariyani avasamacchariyam kulamacchariyam labhamacchariyam vannamacchariyam dhammamacchariyam yam evarupam maccheram maccharayana maccharayitattam veviccham kadariyam

--------------------------------------------------------------------------------------------- page157.

Katukancukata aggahitattam cittassa idam vuccati macchariyam . yassa puggalassa idam macchariyam pahinam ayam vuccati puggalo amacchari. [71] Katamo ca puggalo asatho. Tattha katamam satheyyam idhekacco puggalo satho hoti parisatho yam tattha satham sathata satheyyam kakkhalata kakkhaliyam parikkhatata parikkhatiyam idam vuccati satheyyam . yassa puggalassa idam satheyyam pahinam ayam vuccati puggalo asatho. {71.1} Katamo ca puggalo amayavi . tattha katama maya idhekacco puggalo kayena duccaritam caritva vacaya duccaritam caritva manasa duccaritam caritva tassa paticchadanahetu papikam iccham panidahati ma mam jannati icchati ma mam jannati sankappati ma mam jannati vacam bhasati ma mam jannati kayena parakkamati ya evarupa maya mayavita accasara vancana nikati vikirana pariharana guhana pariguhana chadana paricchadana anuttanikammam anavikammam vocchadana papakiriya ayam vuccati maya . yassa puggalassa ayam maya pahina ayam vuccati puggalo amayavi. [72] Katamo ca puggalo hirima . tattha katamam hiriyam hiriyati hiriyitabbena hiriyati papakanam akusalanam dhammanam samapattiya ayam vuccati hiri. Imaya hiriya samannagato puggalo hirima. {72.1} Katamo ca puggalo ottappi . tattha katamam ottappam yam ottappati ottappitabbena ottappati papakanam akusalanam dhammanam samapattiya

--------------------------------------------------------------------------------------------- page158.

Idam vuccati ottappam . imina ottappena samannagato puggalo ottappi. [73] Katamo ca puggalo suvaco . tattha katama sovacassata sahadhammike vuccamane sovacassayam sovacassiyam sovacassata appatikulagahita avipaccanikasatata sadariyam sadarata sagaravata sappatissavata ayam vuccati sovacassata . imaya sovacassataya samannagato puggalo suvaco. {73.1} Katamo ca puggalo kalyanamitto . tattha katama kalyanamittata ye te puggala saddha silavanto bahussuta cagavanto pannavanto ya tesam sevana nisevana samsevana bhajana sambhajana bhatti sambhatti sampavankata ayam vuccati kalyanamittata . Imaya kalyanamittataya samannagato puggalo kalyanamitto. [74] Katamo ca puggalo indriyesu guttadvaro . tattha katama indriyesu guttadvarata idhekacco cakkhuna rupam disva na nimittaggahi hoti nanubyanjanaggahi yatvadhikaranamenam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati cakkhundriyam cakkhundriye samvaram apajjati sotena saddam sutva .pe. ghanena gandham ghayitva .pe. jivhaya rasam sayitva .pe. kayena photthabbam phusitva .pe. manasa dhammam vinnaya na nimittaggahi hoti nanubyanjanaggahi yatvadhikaranamenam manindriyam asamvutam

--------------------------------------------------------------------------------------------- page159.

Viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati manindriyam manindriye samvaram apajjati ya imesam channam indriyanam gutti gopana arakkho samvaro ayam vuccati indriyesu guttadvarata . imaya indriyesu guttadvarataya samannagato puggalo indriyesu guttadvaro. {74.1} Katamo ca puggalo bhojane mattannu. Tattha katama bhojane mattannuta idhekacco patisankha yoniso aharam ahareti neva davaya na madaya na mandanaya na vibhusanaya yavadeva imassa kayassa thitiya yapanaya vihimsuparatiya brahmacariyanuggahaya iti purananca vedanam patihankhami navanca vedanam na uppadessami yatra ca me bhavissati anavajjata ca phasuviharo cati ya tattha santutthita mattannuta patisankha bhojane ayam vuccati bhojane mattannuta . Imaya bhojane mattannutaya samannagato puggalo bhojane mattannu. [75] Katamo ca puggalo upatthitassati . tattha katama sati ya sati anussati patissati sati saranata dharanata apilapanata asammusanata satindriyam satibalam sammasati ayam vuccati sati . imaya satiya samannagato puggalo upatthitassati. {75.1} Katamo ca puggalo sampajano . tattha katamam sampajannam ya panna pajanana vicayo pavicayo dhammavicayo sallakkhana upalakkhana paccupalakkhana pandiccam kosallam nepunnam vebhabya cinta upaparikkha bhuri medha parinayika vipassana

--------------------------------------------------------------------------------------------- page160.

Sampajannam patodo panna pannindriyam pannabalam pannasattham pannapasado pannaaloko pannaobhaso pannapajjoto pannaratanam amoho dhammavicayo sammaditthi idam vuccati sampajannam . Imina sampajannena samannagato puggalo sampajano. [76] Katamo ca puggalo silasampanno . tattha katama silasampada kayiko avitikkamo vacasiko avitikkamo kayikavacasiko avitikkamo ayam vuccati silasampada . sabbopi silasamvaro silasampada . imaya silasampadaya samannagato puggalo silasampanno. {76.1} Katamo ca puggalo ditthisampanno . tattha katama ditthisampada itthi dinnam atthi yittham atthi hutam atthi sukatadukkatanam kammanam phalavipako atthi ayam loko atthi paro loko atthi mata atthi pita atthi satta opapatika atthi loke samanabrahmana sammaggata sammapatipanna ye imanca lokam paranca lokam sayam abhinna sacchikatva pavedentiti ya evarupa panna pajanana .pe. amoho dhammavicayo sammaditthi ayam vuccati ditthisampada . Sabbapi sammaditthi ditthisampada . imaya ditthisampadaya samannagato puggalo ditthisampanno. [77] Katame dve puggala dullabha lokasmim yo ca pubbakari yo ca katannu katavedi ime dve puggala dullabha lokasmim. [78] Katame dve puggala duttappaya yo ca laddham laddham nikkhipati yo ca laddham visajjeti ime dve puggala duttappaya.

--------------------------------------------------------------------------------------------- page161.

[79] Katame dve puggala sutappaya yo ca laddham laddham na nikkhipati yo ca laddham laddham na visajjeti ime dve puggala sutappaya. [80] Katamesam dvinnam puggalanam asava vaddhanti yo ca nakukkuccayitabbam kukkuccayati yo kukkuccayitabbam na kukkuccayati imesam dvinnam puggalanam asava vaddhanti. [81] Katamesam dvinnam puggalanam asava na vaddhanti yo ca nakukkuccayitabbam na kukkuccayati yo ca kukkuccayitabbam kukkuccayati imesam dvinnam puggalanam asava na vaddhanti. [82] Katamo ca puggalo hinadhimutto idhekacco puggalo dussilo hoti papadhammo so annam dussilam papadhammam sevati bhajati payirupasati ayam vuccati puggalo hinadhimutto . katamo ca puggalo panitadhimutto idhekacco puggalo silava hoti kalyanadhammo so annam silavantam kalyanadhammam sevati bhajati payirupasati ayam vuccati puggalo panitadhimutto. [83] Katamo ca puggalo titto paccekasambuddha ye ca tathagatassa savaka arahanto titta sammasambuddho titto ca tappeta ca. Dukaniddeso nitthito. ------