|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
Uposathakkhandhakam [147] Tena kho pana samayena buddho bhagava rajagahe viharati gijjhakute pabbate . tena kho pana samayena annatitthiya paribbajaka catuddase pannarase atthamiya ca pakkhassa sannipatitva dhammam bhasanti . te manussa upasankamanti dhammassavanaya . te labhanti annatitthiyesu paribbajakesu pemam labhanti pasadam labhanti annatitthiya paribbajaka pakkham . athakho ranno magadhassa seniyassa bimbisarassa rahogatassa patisallinassa evam cetaso parivitakko udapadi etarahi kho annatitthiya paribbajaka catuddase pannarase atthamiya ca pakkhassa sannipatitva dhammam bhasanti te manussa upasankamanti dhammassavanaya te labhanti annatitthiyesu paribbajakesu pemam labhanti pasadam labhanti annatitthiya paribbajaka pakkham yannuna ayyapi catuddase pannarase atthamiya ca pakkhassa sannipateyyunti. {147.1} Athakho raja magadho seniyo bimbisaro yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho raja magadho seniyo bimbisaro bhagavantam etadavoca idha mayham bhante rahogatassa patisallinassa evam cetaso parivitakko udapadi etarahi kho annatitthiya paribbajaka catuddase pannarase atthamiya ca pakkhassa sannipatitva dhammam bhasanti te--------------------------------------------------------------------------------------------- page202.
Manussa upasankamanti dhammassavanaya te labhanti annatitthiyesu paribbajakesu pemam labhanti pasadam labhanti annatitthiya paribbajaka pakkham yannuna ayyapi catuddase pannarase atthamiya ca pakkhassa sannipateyyunti sadhu bhante ayyapi catuddase pannarase atthamiya ca pakkhassa sannipateyyunti . athakho bhagava rajanam magadham seniyam bimbisaram dhammiya kathaya sandassesi samadapesi samuttejesi sampahamsesi . athakho raja magadho seniyo bimbisaro bhagavata dhammiya kathaya sandassito samadapito samuttejito sampahamsito utthayasana bhagavantam abhivadetva padakkhinam katva pakkami . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave catuddase pannarase atthamiya ca pakkhassa sannipatitunti. [148] Tena kho pana samayena bhikkhu bhagavata anunnatam 1- catuddase pannarase atthamiya ca pakkhassa sannipatitunti . te catuddase pannarase atthamiya ca pakkhassa sannipatitva tunhi nisidanti . te manussa upasankamanti dhammassavanaya . te ujjhayanti khiyanti vipacenti katham hi nama samana sakyaputtiya catuddase pannarase atthamiya ca pakkhassa sannipatitva tunhi nisidissanti seyyathapi mugasukara nanu nama sannipatitehi dhammo bhasitabboti . assosum kho bhikkhu tesam manussanam ujjhayantanam @Footnote: 1 Ma. anunnata.--------------------------------------------------------------------------------------------- page203.
Khiyantanam vipacentanam . athakho te bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave catuddase pannarase atthamiya ca pakkhassa sannipatitva dhammam bhasitunti. [149] Athakho bhagavato rahogatassa patisallinassa evam cetaso parivitakko udapadi yannunaham yani maya bhikkhunam pannattani sikkhapadani tani nesam patimokkhuddesam anujaneyyam so nesam bhavissati uposathakammanti . athakho bhagava sayanhasamayam patisallana vutthito etasmim nidane etasmim pakarane dhammim katham katva bhikkhu amantesi idha mayham bhikkhave rahogatassa patisallinassa evam cetaso parivitakko udapadi yannunaham yani maya bhikkhunam pannattani sikkhapadani tani nesam patimokkhuddesam anujaneyyam so nesam bhavissati uposathakammanti anujanami bhikkhave patimokkham uddisitum . evanca pana bhikkhave uddisitabbam . byattena bhikkhuna patibalena sangho napetabbo {149.1} sunatu me bhante sangho 1- yadi @Footnote: 1 ito param sihalapotthakam thapetva sabbapotthakesu ajjuposatho pannarasoti @pali pannayati. sa pana yasma idha divaso na tava anunnato hoti tatha hi @vakkhati tena kho pana samayena bhikkhu bhagavata patimokkhuddeso anunnatoti devasikam @patimokkham uddisantitiadim sace idha divasam anujaneyya te bhikkhu devasikam na @uddiseyyum tasma idha na yujjati divasassa pana anunnatakalato patthaya vattati. @ayampana sihalapotthakam anuvattitva sodhitoti veditabbo.--------------------------------------------------------------------------------------------- page204.
Sanghassa pattakallam sangho uposatham kareyya patimokkham uddiseyya . Kim sanghassa pubbakiccam . parisuddhim ayasmanto arocetha . Patimokkham uddisissami . tam sabbe va santa sadhukam sunoma manasikaroma . yassa siya apatti so avikareyya asantiya apattiya tunhibhavitabbam . tunhibhavena kho panayasmante parisuddhati vedissami. {149.2} Yatha kho pana paccekaputthassa veyyakaranam hoti evamevam 1- evarupaya parisaya yavatatiyam anussavitam hoti . yo pana bhikkhu yavatatiyam anussaviyamane saramano santim apattim navikareyya sampajanamusavadassa hoti . sampajanamusavado kho panayasmanto antarayiko dhammo vutto bhagavata tasma saramanena bhikkhuna apannena visuddhapekkhena santi apatti avikatabba . avikata hissa phasu hotiti. [150] Patimokkhanti adimetam mukhametam pamukhametam kusalanam dhammanam tena vuccati patimokkhanti . ayasmantoti piyavacanametam garuvacanametam sagaravasappatissadhivacanametam ayasmantoti . uddisissamiti acikkhissami desessami pannapessami patthapessami vivarissami @Footnote: 1 Ma. Yu. evameva.--------------------------------------------------------------------------------------------- page205.
Vibhajissami uttanikarissami pakasessami . tanti patimokkham vuccati . sabbe va santati yavatika tassa parisaya thera ca nava ca majjhima ca ete vuccanti sabbe va santati . Sadhukam sunomati atthikatva manasikatva sabbam cetasa samannaharama . manasikaromati ekaggacitta avikkhittacitta avisahatacitta nisamema . yassa siya apattiti therassa va navassa va majjhimassa va pancannam va apattikkhandhanam annatara apatti sattannam va apattikkhandhanam annatara apatti . so avikareyyati so deseyya so vivareyya so uttanikareyya so pakaseyya sanghamajjhe va ganamajjhe va ekapuggale va. {150.1} Asanti nama apatti anajjhapanno 1- va hoti apajjitva va vutthito 2- . tunhibhavitabbanti adhivasetabbam na byaharitabbam 3- . parisuddhati vedissamiti janissami dharessami. Yatha kho pana paccekaputthassa veyyakaranam hotiti yatha ekena eko puttho byakareyya evamevam tassa parisaya janitabbam mam pucchatiti. Evarupa nama @Footnote: 1 Ma. Yu. anajjhapanna . 2 avutthita. tabbannanayam pana anajnapanno va @hoti apajjitva va vutthitoti ettha yam apattim bhikkhu na ajnapanno va hoti @apajjitva va vutthito ayam asanti nama apattiti evamattho veditabboti @vuttam . 3 Yu. na vyahatabbam.--------------------------------------------------------------------------------------------- page206.
Parisa bhikkhuparisa vuccati . yavatatiyam anussavitam hotiti sakimpi anussavitam hoti dutiyampi anussavitam hoti tatiyampi anussavitam hoti . saramanoti janamano sanjanamano . santi nama apatti ajjhapanno 1- va hoti apajjitva va avutthito 2-. {150.2} Navikareyyati na deseyya na vivareyya na uttanikareyya na pakaseyya sanghamajjhe va ganamajjhe va ekapuggale va . Sampajanamusavadassa hotiti sampajanamusavado 3- kim hoti . Dukkatam hoti . antarayiko dhammo vutto bhagavatati kissa antarayiko. Pathamassa jhanassa adhigamaya antarayiko dutiyassa jhanassa adhigamaya antarayiko tatiyassa jhanassa adhigamaya antarayiko catutthassa jhanassa adhigamaya antarayiko jhananam vimokkhanam samadhinam samapattinam nekkhammanam nissarananam pavivekanam kusalanam dhammanam adhigamaya antarayiko . tasmati tamkarana . Saramanenati janamanena sanjanamanena . visuddhapekkhenati vutthatukamena visujjhitukamena . santi nama apatti ajjhapanno va hoti apajjitva va avutthito . avikatabbati avikatabba sanghamajjhe va ganamajjhe va ekapuggale va . avikata hissa phasu hotiti kissa phasu hoti . pathamassa jhanassa adhigamaya phasu hoti dutiyassa jhanassa adhigamaya phasu hoti tatiyassa @Footnote: 1 Ma. Yu. ajjhapanna . 2 avutthita . 3 Ma. sampajanamsavade.--------------------------------------------------------------------------------------------- page207.
Jhanassa adhigamaya phasu hoti catutthassa jhanassa adhigamaya phasu hoti jhananam vimokkhanam samadhinam samapattinam nekkhammanam nissarananam pavivekanam kusalanam dhammanam adhigamaya phasu hotiti. [151] Tena kho pana samayena bhikkhu bhagavata patimokkhuddeso anunnatoti devasikam patimokkham uddisanti . bhagavato etamattham arocesum . na bhikkhave devasikam patimokkham uddisitabbam yo uddiseyya apatti dukkatassa . anujanami bhikkhave uposathe patimokkham uddisitunti . tena kho pana samayena bhikkhu bhagavata uposathe patimokkhuddeso anunnatoti pakkhassa tikkhattum patimokkham uddisanti catuddase pannarase atthamiya ca pakkhassa . bhagavato etamattham arocesum . na bhikkhave pakkhassa tikkhattum patimokkham uddisitabbam yo uddiseyya apatti dukkatassa . anujanami bhikkhave sakim pakkhassa catuddase va pannarase va patimokkham uddisitunti. [152] Tena kho pana samayena chabbaggiya bhikkhu yathaparisaya patimokkham uddisanti sakaya sakaya parisaya . bhagavato etamattham arocesum . na bhikkhave yathaparisaya patimokkham uddisitabbam sakaya sakaya parisaya yo uddiseyya apatti dukkatassa . Anujanami bhikkhave samagganam uposathakammanti . athakho bhikkhunam etadahosi bhagavata pannattam samagganam uposathakammanti--------------------------------------------------------------------------------------------- page208.
Kittavata nu kho samaggi hoti yavata ekavaso udahu sabba pathaviti 1- . bhagavato etamattham arocesum . anujanami bhikkhave ettavata samaggi yavata ekavasoti. [153] Tena kho pana samayena ayasma mahakappino rajagahe viharati maddakucchismim migadaye . athakho ayasmato mahakappinassa rahogatassa patisallinassa evam cetaso parivitakko udapadi gaccheyyam vaham uposatham na va gaccheyyam gaccheyyam va sanghakammam na va gaccheyyam athakhvaham visuddho paramaya visuddhiyati . athakho bhagava ayasmato mahakappinassa cetasa cetoparivitakkamannaya seyyathapi nama balava puriso samminjitam va baham pasareyya pasaritam va baham samminjeyya evameva gijjhakute pabbate antarahito maddakucchismim migadaye ayasmato mahakappinassa pamukhe paturahosi. Nisidi bhagava pannatte asane. {153.1} Ayasmapi kho mahakappino bhagavantam abhivadetva ekamantam nisidi . ekamantam nisinnam kho ayasmantam mahakappinam bhagava etadavoca nanu te kappina rahogatassa patisallinassa evam cetaso parivitakko udapadi gaccheyyam vaham uposatham na va gaccheyyam gaccheyyam va sanghakammam na va gaccheyyam athakhvaham visuddho paramaya visuddhiyati. Evam bhante . tumhe ce brahmana uposatham na sakkarissatha @Footnote: 1 Si. puthuviti.--------------------------------------------------------------------------------------------- page209.
Na garukarissatha na manessatha na pujessatha atha ko carahi uposatham sakkarissati garukarissati manessati pujessati gaccha tvam brahmana uposatham ma no agamasi gacchevam 1- sanghakammam ma no agamasiti. Evam bhanteti kho ayasma mahakappino bhagavato paccassosi . Athakho bhagava ayasmantam mahakappinam dhammiya kathaya sandassetva samadapetva samuttejetva sampahamsetva seyyathapi nama balava puriso samminjitam va baham pasareyya pasaritam va baham samminjeyya evameva maddakucchismim migadaye ayasmato mahakappinassa pamukhe antarahito gijjhakute pabbate paturahosi.The Pali Tipitaka in Roman Character Volume 4 page 201-209. https://84000.org/tipitaka/read/roman_read.php?B=4&A=4132&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=4132&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=147&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=53 Study Atthakatha :- https://84000.org/tipitaka/attha/attha.php?b=4&i=147 The Pali Atthakatha in Thai :- https://84000.org/tipitaka/atthapali/read_th.php?B=3&A=2360 The Pali Atthakatha in Roman :- https://84000.org/tipitaka/atthapali/read_rm.php?B=3&A=2360 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]