|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
Vassupanayikakkhandhakam [205] Tena samayena buddho bhagava rajagahe viharati veluvane kalandakanivape . tena kho pana samayena bhagavata bhikkhunam vassavaso appannatto hoti . tedha 1- bhikkhu hemantampi gimhampi vassampi carikam caranti . manussa ujjhayanti khiyanti vipacenti katham hi nama samana sakyaputtiya hemantampi gimhampi vassampi carikam carissanti haritani tinani sammaddanta ekindriyam jivam vihethenta bahu khuddake pane sanghatam apadenta ime hi nama annatitthiya paribbajaka 2- durakkhatadhamma vassavasam alliyissanti sankasayissanti 3- ime hi nama sakuntaka rukkhaggesu kulavakani karitva vassavasam alliyissanti sankasayissanti ime pana samana sakyaputtiya hemantampi gimhampi vassampi carikam caranti haritani tinani sammaddanta ekindriyam jivam vihethenta bahu khuddake pane sanghatam apadentati . assosum kho bhikkhu tesam manussanam ujjhayantanam khiyantanam vipacentanam . athakho te bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave vassam upagantunti. @Footnote: 1 idhasaddo nipatamattoti tabbannana . 2 Ma. Yu. ayam patho natthi. @3 Ma. sankasayissanti. Yu. Ra. sankapayissanti.--------------------------------------------------------------------------------------------- page272.
[206] Athakho bhikkhunam etadahosi kada nu kho vassam upagantabbanti . bhagavato etamattham arocesum . anujanami bhikkhave vassane vassam upagantunti . athakho bhikkhunam etadahosi kati nu kho vassupanayikati . bhagavato etamattham arocesum . Dvema bhikkhave vassupanayika purimika pacchimika 1- aparajjugataya asalhiya purimika upagantabba masagataya asalhiya pacchimika upagantabba ima kho bhikkhave dve vassupanayikati. [207] Tena kho pana samayena chabbaggiya bhikkhu vassam upagantva antaravassam carikam caranti . manussa tatheva ujjhayanti khiyanti vipacenti katham hi nama samana sakyaputtiya hemantampi gimhampi vassampi carikam carissanti haritani tinani sammaddanta ekindriyam jivam vihethenta bahu khuddake pane sanghatam apadenta ime hi nama annatitthiya durakkhatadhamma vassavasam alliyissanti sankasayissanti ime hi nama sakuntaka rukkhaggesu kulavakani karitva vassavasam alliyissanti sankasayissanti ime pana samana sakyaputtiya hemantampi gimhampi vassampi carikam caranti haritani tinani sammaddanta ekindriyam jivam vihethenta bahu khuddake pane sanghatam apadentati . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha te ujjhayanti khiyanti vipacenti katham hi nama chabbaggiya @Footnote: 1 Ma. Yu. pacchimikati.--------------------------------------------------------------------------------------------- page273.
Bhikkhu vassam upagantva antaravassam carikam carissantiti . athakho te bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi na bhikkhave vassam upagantva purimam va temasam pacchimam va temasam avasitva carika pakkamitabba yo pakkameyya apatti dukkatassati. [208] Tena kho pana samayena chabbaggiya bhikkhu na icchanti vassam upagantum . bhagavato etamattham arocesum . na bhikkhave vassam na upagantabbam yo na upagaccheyya apatti dukkatassati . Tena kho pana samayena chabbaggiya bhikkhu tadahuvassupanayikaya vassam anupagantukama sancicca avasam atikkamanti . bhagavato etamattham arocesum . na bhikkhave tadahuvassupanayikaya vassam anupagantukamena sancicca avaso atikkamitabbo yo atikkameyya apatti dukkatassati. [209] Tena kho pana samayena raja magadho seniyo bimbisaro vassam ukkaddhitukamo bhikkhunam santike dutam pahesi yadi panayya 1- agame junhe vassam upagaccheyyunti . bhagavato etamattham arocesum. Anujanami bhikkhave rajunam anuvattitunti.The Pali Tipitaka in Roman Character Volume 4 page 271-273. https://84000.org/tipitaka/read/roman_read.php?B=4&A=5571&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=5571&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=205&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=67 Study Atthakatha :- https://84000.org/tipitaka/attha/attha.php?b=4&i=205 The Pali Atthakatha in Thai :- https://84000.org/tipitaka/atthapali/read_th.php?B=3&A=3289 The Pali Atthakatha in Roman :- https://84000.org/tipitaka/atthapali/read_rm.php?B=3&A=3289 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]