|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
| ThaiVersion McuVersion PaliThai PaliRoman |
TIPITAKA Volume 42 : PALI ROMAN Sutta Pitaka Vol 34 : Abhi. Pa.(3) Anulomadukapaṭṭhānaṃ purimaṃ
Parāmāsadukaṃ paṭiccavāro [662] Parāmāsaṃ dhammaṃ paṭicca noparāmāso dhammo uppajjati hetupaccayā: parāmāsaṃ paṭicca sampayuttā khandhā cittasamuṭṭhānañca rūpaṃ . noparāmāsaṃ dhammaṃ paṭicca noparāmāso dhammo uppajjati hetupaccayā: noparāmāsaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... paṭisandhi yāva asaññasattā mahābhūtā . noparāmāsaṃ dhammaṃ paṭicca parāmāso dhammo uppajjati hetupaccayā: noparāmāse khandhe paṭicca parāmāso . noparāmāsaṃ dhammaṃ paṭicca parāmāso ca noparāmāso--------------------------------------------------------------------------------------------- page392.
Ca dhammā uppajjanti hetupaccayā: noparāmāsaṃ ekaṃ khandhaṃ paṭicca tayo khandhā parāmāso ca cittasamuṭṭhānañca rūpaṃ dve khandhe ... . parāmāsañca noparāmāsañca dhammaṃ paṭicca noparāmāso dhammo uppajjati hetupaccayā: noparāmāsaṃ ekaṃ khandhañca parāmāsañca paṭicca tayo khandhā cittasamuṭṭhānañca rūpaṃ dve khandhe .... [663] Hetuyā pañca ārammaṇe pañca sabbattha pañca vipāke ekaṃ avigate pañca. [664] Noparāmāsaṃ dhammaṃ paṭicca noparāmāso dhammo uppajjati nahetupaccayā: ahetukaṃ noparāmāsaṃ ekaṃ khandhaṃ paṭicca tayo khandhā cittasamuṭṭhānañca rūpaṃ dve khandhe ... ahetukapaṭisandhi yāva asaññasattā vicikicchāsahagate uddhaccasahagate khandhe paṭicca vicikicchāsahagato uddhaccasahagato moho. [665] Parāmāsaṃ dhammaṃ paṭicca noparāmāso dhammo uppajjati naārammaṇapaccayā: parāmāsaṃ paṭicca cittasamuṭṭhānaṃ rūpaṃ . noparāmāsaṃ dhammaṃ paṭicca noparāmāso dhammo uppajjati naārammaṇapaccayā: noparāmāse khandhe paṭicca cittasamuṭṭhānaṃ rūpaṃ yāva asaññasattā . parāmāsañca noparāmāsañca dhammaṃ paṭicca noparāmāso dhammo uppajjati naārammaṇapaccayā: parāmāsañca sampayuttake ca khandhe paṭicca cittasamuṭṭhānaṃ rūpaṃ.--------------------------------------------------------------------------------------------- page393.
[666] Nahetuyā ekaṃ naārammaṇe tīṇi naadhipatiyā pañca naanantare tīṇi nasamanantare tīṇi naaññamaññe tīṇi naupanissaye tīṇi napurejāte pañca napacchājāte pañca naāsevane pañca nakamme tīṇi navipāke pañca naāhāre ekaṃ naindriye ekaṃ najhāne ekaṃ namagge ekaṃ nasampayutte tīṇi navippayutte pañca nonatthiyā tīṇi novigate tīṇi. [667] Hetupaccayā naārammaṇe tīṇi ... naadhipatiyā pañca navipāke pañca nasampayutte tīṇi navippayutte pañca nonatthiyā tīṇi novigate tīṇi. [668] Nahetupaccayā ārammaṇe ekaṃ ... anantare ekaṃ sabbattha ekaṃ avigate ekaṃ. Sahajātavāropi paṭiccavārasadiso.The Pali Tipitaka in Roman Character Volume 42 page 391-393. https://84000.org/tipitaka/read/roman_read.php?B=42&A=7964&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=42&A=7964&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=42&item=662&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=42&siri=91 Study Atthakatha :- https://84000.org/tipitaka/attha/attha.php?b=42&i=662 Contents of The Tipitaka Volume 42 https://84000.org/tipitaka/read/?index_42 https://84000.org/tipitaka/english/?index_42
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]