|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 6 : PALI ROMAN Vinaya Pitaka Vol 6 : Vinaya. Culla (1)
[303] Tihi bhikkhave angehi samannagatassa bhikkhuno akankhamano sangho papikaya ditthiya appatinissagge ukkhepaniyakammam kareyya bhandanakarako hoti kalahakarako vivadakarako bhassakarako sanghe adhikaranakarako balo hoti abyatto apattibahulo--------------------------------------------------------------------------------------------- page116.
Anapadano gihisamsattho viharati ananulomikehi gihisamsaggehi imehi kho bhikkhave tihangehi samannagatassa bhikkhuno akankhamano sangho papikaya ditthiya appatinissagge ukkhepaniyakammam kareyya. [304] Aparehipi bhikkhave tihangehi samannagatassa bhikkhuno akankhamano sangho papikaya ditthiya appatinissagge ukkhepaniyakammam kareyya adhisile silavipanno hoti ajjhacare acaravipanno hoti atiditthiya ditthivipanno hoti imehi kho bhikkhave tihangehi samannagatassa bhikkhuno akankhamano sangho papikaya ditthiya appatinissagge ukkhepaniyakammam kareyya. [305] Aparehipi bhikkhave tihangehi samannagatassa bhikkhuno akankhamano sangho papikaya ditthiya appatinissagge ukkhepaniyakammam kareyya buddhassa avannam bhasati dhammassa avannam bhasati sanghassa avannam bhasati imehi kho bhikkhave tihangehi samannagatassa bhikkhuno akankhamano sangho papikaya ditthiya appatinissagge ukkhepaniyakammam kareyya. [306] Tinnam bhikkhave bhikkhunam akankhamano sangho papikaya ditthiya appatinissagge ukkhepaniyakammam kareyya eko bhandanakarako hoti kalahakarako vivadakarako bhassakarako sanghe adhikaranakarako eko balo hoti abyatto apattibahulo anapadano eko gihisamsattho viharati ananulomikehi gihisamsaggehi--------------------------------------------------------------------------------------------- page117.
Imesam kho bhikkhave tinnam bhikkhunam akankhamano sangho papikaya ditthiya appatinissagge ukkhepaniyakammam kareyya. [307] Aparesampi bhikkhave tinnam bhikkhunam akankhamano sangho papikaya ditthiya appatinissagge ukkhepaniyakammam kareyya eko adhisile silavipanno hoti eko ajjhacare acaravipanno hoti eko atiditthiya ditthivipanno hoti imesam kho bhikkhave tinnam bhikkhunam akankhamano sangho papikaya ditthiya appatinissagge ukkhepaniyakammam kareyya. [308] Aparesampi bhikkhave tinnam bhikkhunam akankhamano sangho papikaya ditthiya appatinissagge ukkhepaniyakammam kareyya eko buddhassa avannam bhasati eko dhammassa avannam bhasati eko sanghassa avannam bhasati imesam kho bhikkhave tinnam bhikkhunam akankhamano sangho papikaya ditthiya appatinissagge ukkhepaniyakammam kareyya. Papikaya ditthiya appatinissagge ukkhepaniyakamme akankhamanacchakkam nitthitam. [309] Papikaya ditthiya appatinissagge ukkhepaniyakammakatena bhikkhave bhikkhuna samma vattitabbam . tatrayam sammavattana na upasampadetabbam na nissayo databbo na samanero upatthapetabbo na bhikkhunovadakasammati saditabba sammatenapi--------------------------------------------------------------------------------------------- page118.
Bhikkhuniyo na ovaditabba yaya apattiya sanghena papikaya ditthiya appatinissagge ukkhepaniyakammam katam hoti sa apatti na apajjitabba anna va tadisika tato va papitthatara kammam na garahitabbam kammika na garahitabba na pakatattassa bhikkhuno uposatho thapetabbo na pavarana thapetabba na savacaniyam katabbam na anuvado patthapetabbo na okaso karetabbo na codetabbo na saretabbo na bhikkhu bhikkhuhi sampayojetabbanti. Papikaya ditthiya appatinissagge ukkhepaniyakamme attharasavattam 1- nitthitam. [310] Athakho sangho aritthassa bhikkhuno gandhabadhipubbassa papikaya ditthiya appatinissagge ukkhepaniyakammam akasi asambhogam sanghena . so sanghena papikaya ditthiya appatinissagge ukkhepaniyakammakato vibbhami . ye te bhikkhu appiccha .pe. te ujjhayanti khiyanti vipacenti katham hi nama arittho bhikkhu gandhabadhipubbo sanghena papikaya ditthiya appatinissagge ukkhepaniyakammakato vibbhamissatiti . athakho te bhikkhu bhagavato etamattham arocesum. [311] Athakho bhagava etasmim nidane etasmim pakarane bhikkhusangham sannipatapetva bhikkhu patipucchi saccam kira bhikkhave @Footnote: 1 Ma. tecattalisavattam.--------------------------------------------------------------------------------------------- page119.
Arittho bhikkhu gandhabadhipubbo sanghena papikaya ditthiya appatinissagge ukkhepaniyakammakato vibbhamatiti 1- . saccam bhagavati . Vigarahi buddho bhagava .pe. katham hi nama so bhikkhave moghapuriso sanghena papikaya ditthiya appatinissagge ukkhepaniyakammakato vibbhamissati netam bhikkhave appasannanam va pasadaya .pe. Vigarahitva dhammim katham katva bhikkhu amantesi tenahi bhikkhave sangho papikaya ditthiya appatinissagge ukkhepaniyakammam patippassambhetu. [312] Pancahi bhikkhave angehi samannagatassa bhikkhuno papikaya ditthiya appatinissagge ukkhepaniyakammam na patippassambhetabbam upasampadeti nissayam deti samaneram upatthapeti bhikkhunovadakasammatim sadiyati sammatopi bhikkhuniyo ovadati imehi kho bhikkhave pancahangehi samannagatassa bhikkhuno papikaya ditthiya appatinissagge ukkhepaniyakammam na patippassambhetabbam. [313] Aparehipi bhikkhave pancahangehi samannagatassa bhikkhuno papikaya ditthiya appatinissagge ukkhepaniyakammam na patippassambhetabbam yaya apattiya sanghena papikaya ditthiya appatinissagge ukkhepaniyakammam katam hoti tam apattim apajjati annam va tadisikam tato va papitthataram kammam garahati kammike garahati imehi kho bhikkhave pancahangehi samannagatassa bhikkhuno papikaya ditthiya appatinissagge ukkhepaniyakammam na @Footnote: 1 Ma. vibbhamiti.--------------------------------------------------------------------------------------------- page120.
Patippassambhetabbam. [314] Atthahi bhikkhave angehi samannagatassa bhikkhuno papikaya ditthiya appatinissagge ukkhepaniyakammam na patippassambhetabbam pakatattassa bhikkhuno uposatham thapeti pavaranam thapeti savacaniyam karoti anuvadam patthapeti okasam kareti codeti sareti bhikkhu bhikkhuhi sampayojeti imehi kho bhikkhave atthahangehi samannagatassa bhikkhuno papikaya ditthiya appatinissagge ukkhepaniyakammam na patippassambhetabbam. Papikaya ditthiya appatinissagge ukkhepaniyakamme napatippassambhetabbaattharasakam 1- nitthitam. [315] Pancahi bhikkhave angehi samannagatassa bhikkhuno papikaya ditthiya appatinissagge ukkhepaniyakammam patippassambhetabbam na upasampadeti na nissayam deti na samaneram upatthapeti na bhikkhunovadakasammatim sadiyati sammatopi bhikkhuniyo na ovadati imehi kho bhikkhave pancahangehi samannagatassa bhikkhuno papikaya ditthiya appatinissagge ukkhepaniyakammam patippassambhetabbam. [316] Aparehipi bhikkhave pancahangehi samannagatassa bhikkhuno papikaya ditthiya appatinissagge ukkhepaniyakammam patippassambhetabbam yaya apattiya sanghena papikaya ditthiya appatinissagge ukkhepaniyakammam katam hoti tam apattim na apajjati annam va @Footnote: 1 Ma. ...tecattalisakam.--------------------------------------------------------------------------------------------- page121.
Tadisikam tato va papitthataram kammam na garahati kammike na garahati imehi kho bhikkhave pancahangehi samannagatassa bhikkhuno papikaya ditthiya appatinissagge ukkhepaniyakammam patippassambhetabbam. [317] Atthahi bhikkhave angehi samannagatassa bhikkhuno papikaya ditthiya appatinissagge ukkhepaniyakammam patippassambhetabbam na pakatattassa bhikkhuno uposatham thapeti na pavaranam thapeti na savacaniyam karoti na anuvadam patthapeti na okasam kareti na codeti na sareti na bhikkhu bhikkhuhi sampayojeti imehi kho bhikkhave atthahangehi samannagatassa bhikkhuno papikaya ditthiya appatinissagge ukkhepaniyakammam patippassambhetabbam. Papikaya ditthiya appatinissagge ukkhepaniyakamme patippassambhetabbaattharasakam 1- nitthitam. [318] Evanca pana bhikkhave patippassambhetabbam tena bhikkhave papikaya ditthiya appatinissagge ukkhepaniyakammakatena bhikkhuna sangham upasankamitva ekamsam uttarasangam karitva vuddhanam bhikkhunam pade vanditva ukkutikam nisiditva anjalim paggahetva evamassa vacaniyo aham bhante sanghena papikaya ditthiya appatinissagge ukkhepaniyakammakato samma vattami lomam patemi nettharam vattami papikaya ditthiya appatinissagge ukkhepaniyakammassa @Footnote: 1 Ma. ...tecattalisakam.--------------------------------------------------------------------------------------------- page122.
Patippassaddhim yacamiti . dutiyampi yacitabba . tatiyampi yacitabba. Byattena bhikkhuna patibalena sangho napetabbo {318.1} sunatu me bhante sangho ayam itthannamo bhikkhu sanghena papikaya ditthiya appatinissagge ukkhepaniyakammakato samma vattati lomam pateti nettharam vattati papikaya ditthiya appatinissagge ukkhepaniyakammassa patippassaddhim yacati . Yadi sanghassa pattakallam sangho itthannamassa bhikkhuno papikaya ditthiya appatinissagge ukkhepaniyakammam patippassambheyya . Esa natti. {318.2} Sunatu me bhante sangho ayam itthannamo bhikkhu sanghena papikaya ditthiya appatinissagge ukkhepaniyakammakato samma vattati lomam pateti nettharam vattati papikaya ditthiya appatinissagge ukkhepaniyakammassa patippassaddhim yacati . sangho itthannamassa bhikkhuno papikaya ditthiya appatinissagge ukkhepaniyakammam patippassambheti . yassayasmato khamati itthannamassa bhikkhuno papikaya ditthiya appatinissagge ukkhepaniyakammassa patippassaddhi so tunhassa yassa nakkhamati so bhaseyya. {318.3} Dutiyampi etamattham vadami .pe. tatiyampi etamattham vadami . sunatu me bhante sangho ayam itthannamo bhikkhu sanghena papikaya ditthiya appatinissagge ukkhepaniyakammakato samma vattati lomam pateti nettharam vattati papikaya ditthiya--------------------------------------------------------------------------------------------- page123.
Appatinissagge ukkhepaniyakammassa patippassaddhim yacati . sangho itthannamassa bhikkhuno papikaya ditthiya appatinissagge ukkhepaniyakammam patippassambheti . yassayasmato khamati itthannamassa bhikkhuno papikaya ditthiya appatinissagge ukkhepaniyakammassa patippassaddhi so tunhassa yassa nakkhamati so bhaseyya. {318.4} Patippassaddham 1- sanghena itthannamassa bhikkhuno papikaya ditthiya appatinissagge ukkhepaniyakammam khamati sanghassa tasma tunhi . evametam dharayamiti . Papikaya ditthiya appatinissagge ukkhepaniyakammam sattamam nitthitam. Kammakkhandhakam nitthitam pathamam. Imamhi khandhake vatthu satta. ------------------The Pali Tipitaka in Roman Character Volume 6 page 115-123. https://84000.org/tipitaka/read/roman_read.php?B=6&A=2363&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=2363&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=303&items=16 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=14 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]