บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Tanhasuttavannana [58] Navame tanhayanatthena tanha, rupadivisayam tasatiti va tanha. Idani tam vibhajitva dassetum "kamatanha"tiadi vuttam. Tattha pancakamaguniko @Footnote: 1 Ma. rupadiabhiruci ca 2 Ma.mu. 12/15/10 3 khu.iti. 25/40/262 Rago kamatanha. Ruparupabhavesu chandarago jhananikanti sassataditthisahagato rago bhavavasena patthana ca bhavatanha. Ucchedaditthisahagato rago vibhavatanha. Apica pacchimatanhadvayam thapetva sesa sabbapi tanha kamatanha eva. Yathaha:- "tattha katama bhavatanha, sassataditthisahagato 1- rago sarago cittassa sarago, ayam vuccati bhavatanha. Tattha katama vibhavatanha, ucchedaditthisahagato rago sarago cittassa sarago, ayam vuccati vibhavatanha, avasesa tanha kamatanha"ti. 2- Ima ca tisso tanha rupatanha .pe. Dhammatanhati visayabhedato paccekam chabbidhati katva attharasa honti, ta ajjhattarupadisu attharasa, bahiddharupadisu attharasati chattimsa, iti atita chattimsa, anagata chattimsa, paccuppanna chattimsati vibhagato atthasatam honti. Puna sangahe kariyamane kalabhedam anamasitva gayhamana chattimseva honti, rupadinam ajjhattikabahiravibhage akariyamane attharaseva, rupadiarammanavibhagamatte gayhamane chaleva, arammanavibhagampi akatva gayhamana tissoyeva hontiti. Gathasu tanhayogenati tanhasankhatena yogena, kamayogena ca bhavayogena ca. Samyuttati sambandha bhavadisu samyojita va. Tenevaha "rattacitta bhavabhave"ti. Khuddake ceva mahante ca bhave laggacittati attho. Atha va bhavoti sassataditthi, abhavoti ucchedaditthi. Tasma bhavabhave sassatucchedaditthisu sattavisattacittati. Etena bhavatanha vibhavatanha ca dassita. Imasmim pakkhe "tanhayogena"ti imina kamatanhava dassitati veditabba. Te yogayutta @Footnote: 1 paliyam bhavaditthisahagatoti patho dissati 2 abhi.vi. 35/916/446 Marassati te evambhuta puggala marassa pasasankhatena yogena yutta baddha. Rago hi marayogo marapasoti vuccati. Yathaha:- "antalikkhacaro paso yvayam carati manaso tena tam badhayissami na me samana mokkhasi"ti. 1- Catuhi yogehi anupaddutatta yogakkhemam, nibbanam arahattanca, tassa anadhigamena ayogakkhemino uparupari kilesabhisankharanam jananato jana, panino. Rupadisu satta visattati satta. "khandhananca patipati dhatuayatanana ca abbocchinnam vattamana samsaroti pavuccati"ti evam vuttam khandhadinam aparaparuppattisankhatam samsaram gacchanti, tato na muccanti. Kasma? tanhayogayuttatta. Jatimaranagamino punappunam jananamaranasseva Upagamanasilati. Ettavata vattam dassetva idani vivattam dassetum "ye ca tanham pahantvanati gathamaha. Sa hettha vuttanayatta suvinneyyava. Navamasuttavannana nitthita. --------------The Pali Atthakatha in Roman Book 27 page 226-228. http://84000.org/tipitaka/atthapali/read_rm.php?B=27&A=5000&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=5000&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=25&i=236 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5532 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5543 The Pali Tipitaka in Roman Character :- http://84000.org/tipitaka/read/roman_read.php?B=25&A=5543 Contents of The Tipitaka Volume 25 http://84000.org/tipitaka/read/?index_25
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]