|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Sattakanipata 361. 1. Sundarasamuddattheragathavannana sattakanipate alankatatiadika ayasmato sundarasamuddattherassa gatha. Ka uppatti? ayampi purimabuddhesu katadhikaro tattha tattha bhave punnani upacinitva imasmim buddhuppade rajagahe annatarassa mahavibhavassa setthino putto hutva nibbatti, samuddotissa namam ahosi. Rupasampattiya pana 1- sundarasamuddoti panna- yittha. So pathamavaye thito bhagavato rajagahappavese buddhanubhavam disva patiladdhasaddho nissaranajjhasayataya pabbajitva laddhupasampado samadinnadhutadhammo rajagahato savatthim gantva kalyanamittassa santike vipassanacaram uggahetva kammatthanam anuyunjanto viharati. Tassa mata rajagahe ussavadivase anne setthiputte sapajapatike alankatapatiyatte ussavakilam kilante disva puttam anussaritva rodati. Tam disva annatara ganika rodanakaranam pucchi, sa tassa tam karanam kathesi. Tam sutva ganika "aham tam anessami, passa tava mama itthibhavan"ti vatva "yadi evam tamyeva tassa pajapatim katva imassa kulassa saminim karissami"ti taya bahum dhanam datva vissajjita mahata parivarena savatthim gantva therassa pindaya vicaranatthane ekasmim gehe vasamana divase divase annehi therassa sakkaccam pindapatam dapesi. Alankatapatiyatta ca hutva suvannapaduka aruyha attanam dassesi. Athekadivasam gehadvarena gacchantam theram disva suvannapaduka omuncitva anjalim paggayha purato gacchanti nanappakaram theram kamanimantanaya nimantesi. Tam sutva thero "puthujjanacittam nama 2- cancalam, yannuna maya idaneva ussaho karaniyo"ti tattheva thito bhavanam ussukkapetva chalabhinno ahosi. Tam sandhaya vuttam:- @Footnote: 1 Si.,i. atirupasampattiya pana 2 Ma. cittam nametam--------------------------------------------------------------------------------------------- page138.
[459] "alankata suvasana maladhari 1- vibhusita alattakakatapada padukaruyha vesika. [460] Paduka oruhitvana purato panjalikata sa mam sanhena muduna mhitapubbam abhasatha. 2- [461] Yuvasi tvam pabbajito titthahi mama sasane bhunja manusake kame aham vittam dadami te saccante patijanami aggim va te haramaham. [462] Yada jinna bhavissama ubho dandaparayana ubhopi pabbajissama ubhayattha kataggaho. [463] Tanca disvana yacantim vesikam panjalikatam alankatam suvasanam maccupasamva odditam. [464] Tato me manasikaro yoniso udapajjatha adinavo paturahu nibbida samatitthatha. [465] Tato cittam vimucci me passa dhammamsudhammatam tisso vijja anuppatta katam buddhassa sasanan"ti. Tattha maladhariti maladharini pilandhapupphadama. 3- Vibhusitati unatthanassa puranavasena pupphehi ceva gandhavilepanadihi ca vibhusitagatta. "alankata"ti imina hatthupagagivupagadihi 4- abharanehi alankaranam adhippetam. Alattakakatapadati parinatajaya- sumanapupphavannena lakharasena ranjitacaranayugala. Samasapadanhetam, "alattakakatapada"ti vattabbe gathasukhattham digham katva vuttam. Asamasabhave pana "tassa"ti vacanaseso veditabbo. Padukaruyha vesikati eka rupujivika itthi yathavuttavesa suvanna- paduka patimuncitva "thita"ti vacanaseso. @Footnote: 1 pali. malabhari 2 pali. mihitapubbamabhasatha 3 Ma. pilandhadama @4 Si.,i. hatthupagapadupagadihi--------------------------------------------------------------------------------------------- page139.
Paduka oruhitvanati padukahi otaritva, suvannapadukayo omuncitvati attho. Panjalikatati paggahitaanjalika sa vesi mam. Samam va 1- vacanaparamparam vina sayameva abhasatha. Sanhenati matthena. Mudunati madhurena. "vacanena"ti avuttampi vuttameva hoti abhasathati vuttatta. Yuvasi tvam pabbajitoti tvam pabbajanto yuva daharoyeva hutva pabbajitosi, nanu pabbajantena sattame dasake sampatteva pabbajitabbanti dasseti. Titthahi mama sasaneti mama vacane tittha. Kim pana tanti aha "bhunja manusake kame"ti. Kame paribhunjitukamassa rupasampatti vayasampatti parivarasampatti bhogasampatti ca icchitabba. Tattha "kuto me bhogasampatti"ti vadeyyati aha "aham vittam dadami te"ti. "tayidam vacanam katham saddahatabban"ti manneyyati tam saddahapenti aha "saccam te patijanami, aggim va te haramahan"ti. "bhunja manusake kame, aham vittam dadami te"ti yadidam maya patinnatam, tam ekamsena saccameva patijanami, sace me na pattiyayasi, 2- aggim va te haramaham aggim haritva aggipaccayam sapatham karomiti attho. Ubhayattha kataggahoti amhakam ubhinnam jinnakale pabbajjanam ubhayattha jayaggaho, yam mayam yava dandaparayanakala bhoge bhunjama, evam idhalokepi bhogehi na jiyama, mayam paccha pabbajissama, evam paralokepi bhogehi na jiyamati adhippayo. Tatoti tam nimittam, kamehi nimantentiya "yuvasi tvan"tiadina"yada jinna bhavissama"tiadina ca tassa vesiya vuttavacanahetu. Tam hi vacanam ankusam katva thero samanadhammam karonto sadattham paripuresi. Sesam hettha vuttanayameva. Sundarasamuddattheragathavannana nitthita. @Footnote: 1 Si.,i. sa vesi mamam va 2 Si. pacceyyasiThe Pali Atthakatha in Roman Book 33 page 137-139. http://84000.org/tipitaka/atthapali/read_rm.php?B=33&A=3130&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=3130&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=361 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6709 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6850 The Pali Tipitaka in Roman Character :- http://84000.org/tipitaka/read/roman_read.php?B=26&A=6850 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]