AtthaPali Vol.34

428. 9. Abhayatherigathavannana abhaye bhiduro kayotiadika ^1- abhayamatutheriya sahayikaya ^1- abhayatheriya gatha. Ayampi purimabuddhesu katadhikara tattha tattha bhave vivattupanissayam punnam upacinanti sikhissa bhagavato kale khattiyamahasalakule nibbattitva vinnutam patva arunaranno ^2- aggamahesi ahosi. Raja tassa ekadivasam gandhasampannani satta uppalani adasi. Sa tani gahetva "kim me ^3- imehi pilandhantehi. ^4- Yannunaham imehi bhagavantam ^5- pujessami"ti cintetva nisidi. Bhagava ca bhikkhacaravelayam raja- nivesanam pavisi. Sa bhagavantam disva pasannamanasa paccuggantva tehi pupphehi pujetva pancapatitthitena vandi, sa tena punnakammena devamanussesu samsaranti imasmim buddhuppade ujjeniyam kulagehe nibbattitva vinnutam patva abhayamatuya sahayika hutva taya pabbajitaya tassa sinehena sayampi pabbajitva taya @Footnote: ^1-1 cha.Ma. ime patha na dissanti ² Si. arunavato ranno ³ i. gahetvanime @⁴ Si. pinaddhehi, Ma. pilandhehi ⁵ Si. tam bhagavantam

--------------------------------------------------------------------------------------------- page52.

Saddhim rajagahe vasamana ekadivasam asubhadassanattham sitavanam agamasi. Sattha gandhakutiyam nisinnova tassa anubhutapubbam arammanam purato katva tassa uddhumatakadibhavam pakasesi. Tam disva samvegamanasa atthasi. Sattha obhasam pharitva purato nisinnam viya attanam dassetva:- [35] "abhaye bhiduro kayo yattha satta puthujjana nikkhipissamimam deham sampajana patissata. ^1- [36] Bahuhi dukkhadhammehi appamadarataya me tanhakkhayo anuppatto katam buddhassa sasanan"ti ima gatha abhasi. Sa gathapariyosane arahattam papuni. Tena vuttam apadane 2-:- "nagare arunavatiya aruno nama khattiyo tassa ranno aham bhariya nagulam padayamaham. ^3- Sattamala ^4- gahetvana uppala devagandhika nisajja pasadavare evam cintesi tavade. Kim me imahi malahi sirasaropitahi me varam me buddhasetthassa nanamhi abhiropitam. Sambuddham patimanenti dvarasanne nisidaham yada ehiti sambuddho pujayissam mahamunim. Kakudho vilasantova migarajava kesari bhikkhusamghena sahito agacchi vithiya jino. @Footnote: ¹ cha.Ma.,i. satimati ² khu.apa. 33/72/291 ³ cha.Ma. varitam varayamaham @⁴ cha.Ma. sattamalam

--------------------------------------------------------------------------------------------- page53.

Buddhassa ramsim disvana hattha samvigagamanasa dvaram apapunitvana ^1- buddhasetthamapujayim. Satta uppalapupphani parikinnani ^2- ambare chadim karonti ^3- buddhassa matthake dharayanti te. Udaggacitta sumana vedajata katanjali tattha cittam pasadetva tavatimsam agacchaham. Mahanelassa chadanam dharenti mama muddhani dibbagandham pavayami ^4- sattuppalanidam phalam. Kadaci niyamanaya natisanghena me tada yavata parisa mayham mahanelam dhariyati. Sattatidevarajunam mahesittamakarayim sabbattha issara hutva samsarami bhavabhave. Tesatthicakkavattinam mahesittam akarayim sabbe mam anuvattanti adeyyavacana aham. ^5- Uppalasseva me vanno gandho ceva pavayati duggatim nabhijanami ^6- buddhapujayidam phalam. Iddhippadesu kusala bojjhangabhavanarata abhinnaparamippatta buddhapujayidam phalam. Satipatthanakusala samadhijjhanagocara sammappadhanamanuyutta buddhapujayidam phalam. @Footnote: ¹ cha.Ma. avapuritvana ² suvitthinnani (sya) ³ chadim karonta (sya) @⁴ pavayati (sya) ⁵ cha.Ma. ahum ⁶ cha.Ma. dubbanniyam na janami

--------------------------------------------------------------------------------------------- page54.

Viriyam me dhuradhorayham yogakkhemadhivahanam sabbasavaparikkhina natthi dani punabbhavo. Ekatimse ito kappe yam pupphamabhipujayim duggatim nabhijanami buddhapujayidam phalam. Kilesa jhapita mayham .pe. Katam buddhassa sasanan"ti. Arahattam pana patva udanenti ta eva gatha parivattitva abhasi. Tattha abhayeti attanameva alapati. Bhiduroti bhijjanasabhavo, aniccoti attho. Yattha satta puthujjanati yasmim khanena ^1- bhijjanasile asuciduggandhajegucchapatikula- sabhave kaye ime andhaputhujjana satta lagga laggita. Nikkhipissamimam dehanti aham pana imam deham putikayam puna anadanena nirapekkha khipissami chaddessami. Tattha karanamaha "sampajana patissata"ti. Bahuhi dukkhadhammehiti jatijaradihi anekehi dukkhadhammehi phutthayati adhippayo. Appamadaratayati taya eva dukkhotinnataya patiladdhasamvegatta satiavippavasasankhate appamade rataya. Sesam vuttanayameva. Ettha ce ^2- satthara desitaniyamena:- "nikkhipahi imam deham appamadarataya te tanhakkhayam papunahi karohi buddhasasanan"ti patho, ^3- theriya vuttaniyameneva pana sangitim aropita. ^4- Appamadarataya teti appamadarataya taya bhavitabbanti attho. Abhayatherigathavannana nitthita. @Footnote: ¹ Ma. khane ² cha.Ma. ca ³ Ma. adhippayo ⁴ cha.Ma. aropitatta

The Pali Atthakatha in Roman Book 34 page 51-54. http://84000.org/tipitaka/atthapali/read_rm.php?B=34&A=1098&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=1098&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=428 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9030 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9090 The Pali Tipitaka in Roman Character :- http://84000.org/tipitaka/read/roman_read.php?B=26&A=9090 Contents of The Tipitaka Volume 26 http://84000.org/tipitaka/read/?index_26