|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
6 Devadhammajatakam
hiriottappasampannati idam bhagava jetavane viharanto annataram
bahubhandam bhikkhum arabbha kathesi.
Savatthivasi kireko kutumbiko bhariyaya kalakataya pabbaji.
So pabbajanto attano parivenanca aggisalanca bhandagabbhanca
karetva bhandagabbham sappitanduladinam puretva pabbaji
---------------------------------------------------------------------------------------------
page194.
Pabbajitva ca pana attano dase pakkosapetva yatharucitam aharam
pacapetva bhunjati bahuparikkharo ca ahosi. Rattim annam
nivasanaparupanam hoti diva annam. Viharapaccante vasati.
Tassekadivasam civarapaccattharanadini niharitva parivene pattharitva
sukkhapentassa sambahula janapada bhikkhu senasanacarikam ahindanta
parivenam gantva civaradini disva kassimaniti pucchimsu. So mayham
avusoti aha. Avuso idampi civaram idampi nivasanam idampi
paccattharanam sabbam tuyhamevati. Ama mayhamevati. Avuso nanu
bhagavata tini civarani anunnatani tvam evam appicchassa buddhassa
sasane pabbajitva evam bahuparikkharo jato ehi tvam dasabalassa
santikam nessamati tam adaya satthu santikam agamamsu. Sattha tam
disvava kim nu bhikkhave anicchamanakamyeva bhikkhum ganhitva agatatthati
aha. Bhante ayam bhikkhu bahubhando bahuparikkharoti. Saccam kira tvam
bhikkhu bahubhandositi. Saccam bhagavati. Kasma pana tvam bhikkhu
bahubhando jato nanu aham appicchataya santutthitaya pavivekassa
viriyarambhassa vannam vadamiti. So satthu vacanam sutva kupito
iminadani niharena carissamiti parupanam chaddetva parisamajjhe
ekacivaro atthasi. Atha nam sattha upatthambhayamano nanu tvam bhikkhu
pubbe hirottappagavesakodakarakkhasakalepi hirottappam gavesamano
dvadasa samvaccharani vihasi atha kasma idani evam garuke buddhasasane
pabbajitva catupparisamajjhe parupanam chaddetva hirottappam
---------------------------------------------------------------------------------------------
page195.
Pahaya thitositi. So satthu vacanam sutva hirottappam paccupatthapetva
tam civaram parupitva sattharam vanditva ekamantam nisidi. Bhikkhu
tassatthassa avibhavattham bhagavantam yacimsu. Bhagava bhavantarena
paticchannam karanam pakatam akasi.
Atite kasiratthe baranasiyam brahmadatto raja ahosi.
Tada bodhisatto tassa aggamahesiya kucchimhi patisandhim ganhi.
Sa dasamasesu paripunnesu puttam vijayi. Tassa namagahanadivase
mahissasakumaroti namam akamsu. Tassa adhavitva paridhavitva
vicaranakale annopi putto jato. Tassa candakumaroti namam
akamsu. Tassa adhavitva paridhavitva vicaranakale bodhisattassa
mata kalamakasi. Raja annam aggamahesitthane thapesi.
Sa ranno piya ahosi manapa. Sapi samvasamanvaya ekam
puttam vijayi. Suriyakumarotissa namam akamsu. Raja puttam
disva tutthacitto bhadde puttassa te varam dammiti aha.
Devi tam varam icchitakale gahetabbam katva thapesi. Sa putte
vayappatte rajanam aha deva nanu mayham puttassa jatakale
varo dinno puttassa me rajjam dehiti. Raja mayham dve
putta aggikkhandha viya jalamana vicaranti na sakka tava puttassa
rajjam datunti patikkhipitva tam punappunam yacamanameva disva ayam
mayham puttanam papakampi cinteyyati putte pakkosapetva aha
tata aham suriyakumarassa jatakale varam adasim idanissa mata
---------------------------------------------------------------------------------------------
page196.
Rajjam yacati aham tassa na datukamo matugamo nama papo
tumhakam papakampi cinteyya tumhe arannam pavisitva mamaccayena
kulasantake nagare rajjam kareyyathati roditva kanditva sise
cumbitva uyyojesi. Te pitaram vanditva pasada orohante
rajangane kilamano suriyakumaro disva tam karanam natva ahampi
bhatikehi saddhim gamissamiti tehi saddhimyeva nikkhami. Te himavantam
pavisimsu.
Bodhisatto magga okkamma rukkhamule nisiditva suriyakumaram
amantesi tata suriya etam saram gantva nhatva ca pivitva
ca paduminipannehi amhakampi paniyam anehiti. Tampana saram
vessavanassa santika ekena dakarakkhasena laddham hoti. Vessavano
tam aha thapetva devadhammajananakeyeva anne imam saram otaranti
te khaditum labhasi anotinne na labhasiti. Tato patthaya so
rakkhaso ye tam saram otaranti te devadhamme pucchitva ye
na jananti te khadati. Atha kho suriyakumaro tam saram gantva
avimamsitvava otarati. Atha nam so rakkhaso gahetva devadhamme
janasiti pucchi. So ama janami devadhammo nama candimasuriyati
aha. Atha nam tvam devadhamme na janasiti udakam pavesetva
attano vasanatthane thapesi. Bodhisattopi tam cirayantam
disva candakumaram pesesi. Rakkhasopi tam gahetva devadhamme
janasiti pucchi. Ama janami devadhammo nama catasso disati.
---------------------------------------------------------------------------------------------
page197.
Rakkhaso na tvam devadhamme janasiti tampi gahetva tattheva thapesi.
Bodhisatto tasmim cirayante ekena antarayena bhavitabbanti sayampi
tattha gantva dvinnampi otaranapadavalanjam disva rakkhasapariggahitena
imina sarena bhavitabbanti khaggam sannayhitva dhanum gahetva atthasi.
Dakarakkhaso bodhisattam udakam anotarantam disva vanakammikapuriso viya
hutva bodhisattam aha bho purisa tvam maggakilanto kasma imam saram
otaritva nhatva pivitva bhisamulani khaditva pupphani
pilandhitva yathasukham na gacchasiti. Bodhisatto tam disva eso
yakkho bhavissatiti natva taya me bhatika gahitati aha.
Ama mayati. Kimkaranati. Aham imam saram otinnake labhamiti.
Kim pana sabbeva labhasiti. Ye devadhamme jananti te thapetva
avasese labhamiti. So atthi pana te devadhammehi atthoti
aha. Ama atthiti. Yadi evam aham te devadhamme kathessamiti.
Tenahi kathehi aham devadhamme sunissamiti . Bodhisatto aham
devadhamme katheyyam kilitthagatto panamhiti aha. Yakkho
bodhisattam nhapetva paniyam payetva pupphani pilandhapetva gandhehi
vilimpapetva alankatamandapamajjhe pallankam attharitva adasi.
Bodhisatto asane nisiditva yakkham padamule nisidapetva tenahi
ohitasoto sakkaccam devadhamme sunahiti vatva imam gathamaha
hiriottappasampanna sukkadhammasamahita
santo sappurisa loke devadhammati vuccareti.
---------------------------------------------------------------------------------------------
page198.
Tattha hiriottappasampannati hiriya ca ottappena ca samannagata.
Tesu kayaduccaritadihi hiriyatiti hiri. Lajjayetam adhivacanam. Tehiyeva
ottappatiti ottappam. Papato ubbegassetam adhivacanam. Tattha
ajjhattasamutthana hiri bahiddhasamutthanam ottappam. Attadhipateyya
hiri lokadhipateyyam ottappam. Lajjasabhavasanthita hiri bhayasabhavasanthitam
ottappam. Sappatissavalakkhana hiri vajjabhirukabhayadassavilakkhanam ottappam.
Tattha ajjhattasamutthanam hirim catuhi karanehi samutthapeti jatim
paccavekkhitva vayam paccavekkhitva surabhavam paccavekkhitva bahusaccam
paccavekkhitva. Katham. Papakaranannametam na jatisampannanam kammam
hinajaccanam kevattadinam kattabbakammam tadisassa jatisampannassa idam kammam
katum na yuttanti evam tava jatim paccavekkhitva panatipatadipapam
akaronto hirim samutthapeti. Tatha papakaranannametam daharehi
kattabbam kammam tadisassa vaye thitassa idam kammam katum na yuttanti
evam vayam paccavekkhitva panatipatadipapam akaronto hirim
samutthapeti. Tathapi papakaranannametam dubbalajatikanam kammam
tadisassa surabhavasampannassa idam kammam katum na yuttanti evam
surabhavam paccavekkhitva panatipatadipapam akaronto hirim
samutthapeti. Tatha papakaranannametam andhabalanam kammam na
panditanam tadisassa panditassa bahussutassa idam kammam katum na
yuttanti evam bahusaccam paccavekkhitva panatipatadipapam akaronto
---------------------------------------------------------------------------------------------
page199.
Hirim samutthapeti. Evam ajjhattasamutthanam hirim catuhi karanehi
samutthapeti samutthapetva ca pana attana citte hirim pavesetva
papam na karoti. Evam hiri ajjhattasamutthana nama hoti.
Katham ottappam bahiddhasamutthanam nama. Sace tvam papakammam
karissasi catusu parisasu garahappatto bhavissasiti
garahissanti tam vinnu asucim nagariko yatha
vivajjito silavantehi katham bhikkhu karissasiti
paccavekkhanto bahiddhasamutthitena ottappena papakammam na karoti.
Evam ottappam bahiddhasamutthanam nama hoti.
Katham hiri attadhipateyya nama. Idhekacco kulaputto attanam
adhipatim jetthakam katva tadisassa saddhapabbajitassa bahussutassa
dhutavadassa na yuttam papakammam katunti papam na karoti. Evam
hiri attadhipateyya nama hoti. Tenaha bhagava so attanamyeva
adhipatim katva akusalam pajahati kusalam bhaveti savajjam pajahati anavajjam
bhaveti suddhamattanam pariharatiti.
Katham ottappam lokadhipateyyam nama. Idhekacco kulaputto
lokam adhipatim jetthakam katva papakammam na karoti yathaha maha kho
panayam lokasannivaso mahantasmim kho pana lokasannivase vasanti
samanabrahmana iddhimanto dibbacakkhuka paracittaviduno te duratopi
passanti asannepi passanti cetasapi cittam pajananti tepi mam
evam janissanti passatha bho imam kulaputtam saddhaya agarasma
---------------------------------------------------------------------------------------------
page200.
Anagariyam pabbajito samano vokinno viharati papakehi akusalehi
dhammehiti santi deva iddhimanto dibbacakkhuka paracittaviduno tepi
duratopi passanti asannepi passanti cetasapi cittam pajananti tepi
mam janissanti passatha bho imam kulaputtam saddhaya agarasma anagariyam
pabbajito samano vokinno viharati papakehi akusalehi dhammehiti.
So lokamyeva adhipatim karitva akusalam pajahati kusalam bhaveti savajjam
pajahati anavajjam bhaveti suddham attanam pariharatiti. Evam ottappam
lokadhipateyyam nama hoti.
Lajjasabhavasanthita hiri bhayasabhavasanthitam ottappanti ettha pana
lajjati lajjanakaro tena sabhavena santhita hiri. Bhayanti apayabhayam
tena sabhavena santhitam ottappam. Tadubhayampi papaparivajjane pakatam
hoti. Ekacco hi yatha nama kulaputto uccarapassavadini
karonto lajjitabbayuttakam ekam disva lajjanakarappatto bhaveyya
uccarapassavam na kareyya acamasesike uccarapassavapilito
evameva ajjhattam lajjidhammam okkamitva papakammam na karoti.
Ekacco apayabhayabhito hutva papakammam na karoti. Tatridam
opammam yatha hi dvisu ayogulesu eko sitalo bhaveyya
guthamakkhito eko unho aditto tattha pandito sitalassa
guthamakkhitatta jigucchanto na ganhati itaram dahanabhayena. Tattha
sitalassa guthamakkhitassa jigucchaya aganhanam viya ajjhattam lajjidhammam
okkamitva papassa akaranam unhassa dahanabhayena aganhanam viya
---------------------------------------------------------------------------------------------
page201.
Apayabhayena papassa akaranam veditabbam.
Sappatissavalakkhana hiri vajjabhirukabhayadassavilakkhanam ottappanti
idampi dvayam papaparivajjaneyeva pakatam hoti. Ekacco hi
jatimahattapaccavekkhana satthumahattapaccavekkhana dayajjamahattapacca-
vekkhana sabrahmacarimahattapaccavekkhanati catuhi karanehi
sappatissavalakkhanam hirim samutthapetva papam na karoti. Ekacco
attanuvadabhayam paranuvadabhayam dandabhayam duggatibhayanti catuhi karanehi
vajjabhirukabhayadassavilakkhanam ottappam samutthapetva papam na karoti.
Tattha jatimahattapaccavekkhanadini ceva attanuvadabhayadini ca vittharetva
kathetabbani. Tesam vittharo anguttaratthakathayam vutto.
Sukkadhammasamahitati idameva hirottappam adim katva katabba
kusala dhamma sukkadhamma nama te sabbasangahikanayena catubhumika-
lokiyalokuttara dhamma tehi samahita samannagatati attho.
Santo sappurisa loketi kayakammadinam santataya santo.
Katannukataveditaya sobhana purisati sappurisa. Loketi pana
sankharaloko sattaloko okasaloko khandhaloko ayatanaloko
dhatulokoti anekavidho. Tattha eko loko sabbe satta
aharatthitika .pe. Attharasaloka attharasadhatuyoti ettha
sankharaloko vutto. Khandhalokadayo tadantogadhayeva. Ayam loko
paraloko devaloko manussalokoti adisu pana sattaloko vutto.
---------------------------------------------------------------------------------------------
page202.
Yavata candimasuriya disabhanti virocana
tavata sahassadha loko ettha te vattati vasoti
ettha okasaloko vutto. Tesu idha sattaloko adhippeto.
Sattalokasmim hiyeva evarupa sappurisa te devadhammati vuccareti.
Tattha devati sammatideva upapattideva visuddhidevati tividha.
Tesu mahasammatakalato patthaya lokena devati sammatatta
rajarajakumaradayo sammatideva nama. Devaloke upapanna
upapattideva nama. Khinasava visuddhideva nama. Vuttampi cetam
sammatideva nama rajano deviyo rajakumara ca upapattideva nama
bhummadeve upadaya taduttarim deva visuddhideva nama buddhapaccekabuddha-
khinasavati. Imesam devanam dhamma devadhammati. Vuccareti vuccanti.
Hirottappamulaka hi kusala dhamma kusalasampadaya devaloke nibbattiya
ca visuddhibhavassa ca karanatthena tividhanam cetesam devanam dhammati
devadhamma tehi devadhammehi samannagata puggalapi devadhamma.
Tasma puggaladhitthanaya desanaya te dhamme dassento santo
sappurisa loke devadhammati vuccareti aha.
Yakkho idam dhammadesanam sutva pasanno bodhisattam aha
pandita aham tumhakam pasanno ekam bhataram demi kataram anemiti.
Kanittham anehiti. Pandita tvam kevalam devadhamme janasiyeva
na pana tesu vattesiti. Kimkaranati. Yamkarana jetthakam
thapetva kanittham aharapento jetthapacayikakammam na karositi.
---------------------------------------------------------------------------------------------
page203.
Devadhammevaham yakkha janami tesu pavattami mayam hi idam arannam
etam nissaya pavittha etassa hi atthaya amhakam pitaram etassa
mata rajjam yaci amhakam pana pita tam varam adatva amhakam
anurakkhanatthaya aranne vasam anujani so kumaro anuvattitva
amhehi saddhim agato tam aranne yakkho khaditi vuttepi na
koci saddahissati tenaham garahabhayabhito tameva anapemiti.
Sadhu sadhu pandita tvam devadhamme janasi tesu ca vattesiti
pasannacitto yakkho bodhisattassa sadhukaram datva dvepi bhataro
anetva adasi. Atha nam bodhisatto aha samma tvam pubbe
attana katena papakammena paresam mamsalohitabhakkho yakkho hutva
nibbatto idani punapi papameva karosi papakammam hi nirayadihi
muccitum na dassati tasma ito patthaya papam pahaya kusalam
karohiti. Asakkhi ca pana nam dametum. So tam yakkham dametva
tena samvidahitarakkho tattheva vasanto ekadivasam nakkhattam oloketva
pitu kalakatabhavam natva yakkham adaya baranasim gantva rajjam
gahetva candakumarassa uparajjam suriyakumarassa senapatitthanam datva
yakkhassa ramaniye thane avasam karetva yatha so aggapujam
aggapuppham aggagandham aggaphalam aggabhattanca labhati tatha akasi.
So dhammena rajjam karetva yathakammam gato.
Sattha idam dhammadesanam aharitva dassetva saccani pakasesi.
Saccapariyosane so bhikkhu sotapattiphale patitthahi.
---------------------------------------------------------------------------------------------
page204.
Sammasambuddhopi dve vatthuni kathetva anusandhim ghatetva jatakam
samodhanesi tada udakarakkhaso bahubhandakabhikkhu ahosi suriyakumaro
anando candakumaro sariputto jetthabhata mahissasakumaro pana
ahameva ahositi.
Devadhammajatakam chattham.
--------------------
The Pali Atthakatha in Roman Book 35 page 193-204.
http://84000.org/tipitaka/atthapali/read_rm.php?B=35&A=4048&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=35&A=4048&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=6
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=35
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=39
The Pali Tipitaka in Roman Character :-
http://84000.org/tipitaka/read/roman_read.php?B=27&A=39
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]