AtthaPali Vol.38

mahaassarohajatakam adeyyesu dadam dananti idam sattha jetavane viharanto anandattheram arabbha kathesi. Paccuppannavatthu hettha kathitameva. Poranakapanditapi attano upakaravaseneva karimsuti vatva idhapi atitam ahari. Atite bodhisatto baranasiyam raja hutva dhammena rajjam karesi danam deti silam rakkhati. So paccantam kuppitam vupasamessamiti balaparivuto gantva parajito assam abhiruhitva palayamano ekam paccantagamam papuni. Tattha timsa jana rajasevaka vasanti. Te patova gamamajjhe sannipatitva gamakiccam karonti. Tasmim khane raja damakam ^1- assam abhiruyha alankatapatiyattova gamadvarena antogamam pavisi. Te kinnukho idanti bhita palayitva sakasakagehani pavisimsu. Eko panettha attano geham gantva ^2- @Footnote: ¹ vammitam . ² agantva. Ranno paccuggamanam katva raja kira paccantam gatoti suyyati kosi tvam rajapuriso carapurisoti ^1-. Rajapuriso sammati. Tenahi ehiti rajanam geham netva attano pithake nisidapetva ehi bhadde sahayassa pade dhovati bhariyam tassa pade dhovapetva attano balanurupena aharam datva muhuttam vissamathati sayanam pannapesi. Raja nipajji. Itaro assassa sannaham mocetva cankamapetva udakam payetva pitthim telena makkhetva tinam adasi. Evam tayo cattaro divase rajanam patijaggitva gacchamaham sammati vutte puna ranno ca assassa ca kattabbayuttakam sabbamakasi. Raja bhunjitva gacchanto aham samma mahaassaroho nama nagaramajjhe amhakam geham sace kenaci kiccena nagaram agacchasi dakkhinadvare thatva dovarikam mahaassaroho kataragehe vasatiti vatva dovarikam gahetva amhakam geham gaccheyyasiti vatva pakkami. Balakayopi rajanam adisvava bahinagare khandhavaram bandhitva thito rajanam disva paccuggantva parivaresi. Raja nagaram pavisanto dvarantare thatva dovarikam pakkosapetva mahajanam patikkamapetva tata eko paccantagamavasi mam datthukamo agantva mahaassarohassa kuhim gehanti tam pucchissati tam tvam hatthe gahetvava anetva mam dasseyyasi tada tvampi sahassam lacchasiti aha. So rajanivesanam pavisi. So nagacchi. @Footnote: ¹ corapuriso. Tasmim anagacchante raja tassa vasanagame balim vaddhapesi. Balimhi vaddhite nagacchi. Evam dutiyampi tatiyampi balim vaddhapesi. Neva agacchati. Atha nam gamavasino sannipatitva ahamsu ayya tava assarohassa agatakalato patthaya mayam balina piliyamana sisam ukkhipitum na sakkoma gaccha tava mahaassarohassa vatva amhakam balim visajjapehiti. Sadhu gacchissami na pana sakka tucchahatthena gantum mayham sahayassa dve daraka atthi tesanca bhariyaya cassa sahayakassa ca me nivasanaparupanapilandhanani sajjethati. Sadhu sajjissamati te sabbam pannakaram sajjayimsu. So tanca attano ghare pakkapuvancadaya gantva dakkhinadvaram patva dovarikam pucchi kuhim samma mahaassarohassa gehanti. So ehi dassessami teti tam hatthe gahetva rajadvaram gantva dovariko paccantagamavasim gahetva agatoti pativedesi. Raja sutvava asana vutthaya mayham sahayopi tena saddhim agatova pavisatuti paccuggamanam katva disvava nam parisajjitva mayham sahayika ca daraka ca arogati pucchitva hatthe gahetva mahatalam abhiruyha setacchattassa hettha rajasane nisidapetva aggamahesim pakkosapetva bhadde sahayassapi me pade dhovati aha. Sa tassa pade dhovi. Raja suvannabhingarena udakamasinci. Devi pade dhovitva gandhatelena makkhesi. Raja kim samma atthi kinci amhakam khadaniyanti pucchi. So atthiti pasibbato puve Niharapesi. Raja suvannatattakena gahetva tassa sangaham karonto mama sahayena anitam khadathati deviya ca amaccananca dapetva sayampi khadi. Itaro itarampi pannakaram dassesi. Raja tassa sangahanattham kasikavatthani apanetva tenabhatavatthayugam nivaseti. Devipi kasikasatakanceva abharanani ca apanetva tena anitam satakam nivasetva abharanani pilandhi. Atha nam raja rajaraham bhojanam bhojapetva ekam amaccam anapesi gaccha imassa mama karananiyameneva massukammam karetva gandhodakena nhapetva satasahassagghanikam kasikavattham nivasetva rajalankarena alankarapetva anehiti. So tatha akasi. Raja nagare bherincarapetva amacce sannipatapetva setacchattassa majjhe jatihingulaputtam ^1- patetva upaddharajjam adasi. Te tato patthaya ekato bhunjanti pivanti sayanti. Vissaso thiro ahosi kenaci abhejjo. Athassa raja puttadare pakkosapetva antonagare nivesanam mapetva adasi. Te samagga sammodamana rajjam karenti. Athassa amacca kujjhitva rajaputtam ahamsu kumara raja etassa gahapatikassa upaddharajjam datva tena saddhim ekato bhunjati pivati darake vandapeti imina katakammampi na janama kim karoti raja mayam lajjama tvam ranno kathehiti. So sadhuti sampaticchitva sabbantam katham ranno arocetva ma evam @Footnote: ¹ jatihingulakasuttam. Karohi maharajati. Tata aham yuddhaparajito tadapi kaham vasim api nu janathati. Janama devati. Aham etassa ghare vasanto arogo hutva agantva rajjam karemi evam mama upakarino kasma sampattim na dassamiti. Evam vatva bodhisatto tata yo hi adatabbayuttakassa deti databbayuttakassa na deti so apadam patva kinci upakaram na labhatiti dassento ima gatha aha adeyyesu dadam danam deyyesu nappavecchati apasu byasanam patto sahayam nadhigacchati adeyayesu adadam danam deyyesu yo pavecchati apasu byasanam patto sahayam adhigacchati sannogasambhogavisesadassanam anariyadhammesu sathesu nassati katanca ariyesu ca anjasesu ^1- mahapphalam hoti anumpi tadisu yo pubbe katakalyano aka loke sudukkaram paccha kayira na va kayira accantam pujanarahoti. Tattha adeyyesuti pubbe akatupakaresu. Deyyesuta katupakaresu. Nappavecchatiti nappaveseti na deti. Apasuti apadasu. Byasananti dukkham. Sannogasambhogavisesadassananti yo @Footnote: ¹ anjayesu. Mittena kato sannogo ca sambhogo ca tassa visesadassanam gunadassanam sukatam mayham iminati etam sabbam asuddhadhammatta anariyadhammesu keratikatta sathesu nassati vinassati. Ariyesuti attano katagunajananena ariyesu parisuddhesu. Anjasesuti teneva karanena ujubhutesu akutilesu. Anumpiti appamattakampi. Tadisuti ye tadisa puggala honti ariya uju tesu appampi katam mahapphalam hoti mahajutikam mahavippharam sukhettesu khittavijamiva itarasmim pana pape bahumpi katam aggimhi khittavijamiva nassatiti attho. Vuttampi cetam yathapi vijam aggismim dayhati na viruhati evam katam asappurise nassati na viruhati katannumhi ca posamhi silavanteriyavuttine sukhette viya vijani katam tahim na nassatiti. Pubbe katakalyanoti pathamataram upakaram katva thito. Akati akari ayam loke sudukkaram nama akasiti attho. Paccha kayirati so paccha annam kinci gunam karotu va ma va teneva pathamam katena gunena. Accantam pujanarahoti sabbam sakkaram sammanam arahatiti. Idam pana sutva neva amacca na rajaputto puna kinci kathesiti. Sattha imam dhammadesanam aharitva jatakam samodhanesi tada Paccantagamavasi anando ahosi baranasiraja pana ahamevati. Mahaassarohajatakam dutiyam ----------

The Pali Atthakatha in Roman Book 38 page 234-240. http://84000.org/tipitaka/atthapali/read_rm.php?B=38&A=4863&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=4863&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=506 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=2630 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=2589 The Pali Tipitaka in Roman Character :- http://84000.org/tipitaka/read/roman_read.php?B=27&A=2589 Contents of The Tipitaka Volume 27 http://84000.org/tipitaka/read/?index_27