บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
karandiyajatakam eko aranneti idam sattha jetavane viharanto dhammasenapatim arabbha kathesi. Thero kira agatagatanam dussilanam migaluddamacchabandhadinam ditthaditthananneva silam ganhatha silam ganhathati silam deti. Te there garubhavena tassa katham bhinditum asakkonta silam ganhanti gahetva ca pana na rakkhanti attano attano kammameva karonti. Thero attano saddhiviharike amantetva avuso ime manussa @Footnote: 1. ghatajatakam. Mama santike silam ganhimsu gahetva ca pana na rakkhantiti aha. Bhante tumhe tesam aruciya silam detha ete tumhakam katham bhinditum asakkonta ganhanti tumhe ito patthaya evarupanam silam ma adatthati. Thero anattamano ahosi. Tam pavuttim sutva bhikkhu dhammasabhayam katham samutthapesum avuso sariputto kira ditthaditthananneva silam detiti. Sattha agantva kayanuttha bhikkhave etarahi kathaya sannisinnati pucchitva imaya namati vutte na bhikkhave idaneva pubbepesa ditthaditthanam ayacantananneva silam detiti vatva atitam ahari. Atite baranasiyam brahmadatte rajjam karente bodhisatto brahmanakule nibbattitva vayappatto takkasilayam disapamokkhassa acariyassa jetthantevasiko karandiyo ahosi. Tada so acariyo ditthaditthananneva kevattadinam ayacantanamyeva silam ganhatha silam ganhathati silam deti. Te gahetvapi na rakkhanti. Acariyo tamattham antevasikanam arocesi. Antevasika bhante tumhe etesam aruciya silam detha tasma bhindanti itodani patthaya yacantananneva dadeyyatha no ayacantananti vadanti. So vippatisari ahosi. Evam santepi ditthaditthanam silam detiyeva. Athekadivasam ekasma gama manussa agantva brahmanavacanakatthaya acariyam nimantayimsu. So karandiyamanavam 1- pakkositva @Footnote: 1. karandiyamanavam. Tata aham na gacchami tvam ime pancasate manave gahetva tattha gantva vacanakani sampaticchitva amhakam dinnakotthasam aharati pesesi. So gantva patinivattento antaramagge ekam kandaram disva cintesi amhakam acariyo ditthaditthanam ayacantanamva silam deti itodani patthaya yatha yacantananneva deti tatha nam karissamiti. So tesu manavakesu sukhanisinnesu utthaya mahantam silam ukkhipitva kandaraya khipi punapi khipi puna khipiyeva. Atha nam te manava utthaya acariya kim karositi ahamsu. So kinci na kathesi. Te vegena agantva acariyassa arocesum. Acariyo agantva tena saddhim sallapanto pathamam gathamaha eko aranne girikandarayam paggayha mahantaselam pavejjhasi punappunam santaramanarupo karandiya konu tavayidhatthoti. Tattha konu tavayidhatthoti konu tava idha kandarayam silakhipanena attho. So tassa vacanam sutva acariyam codetukamo 1- dutiyam gathamaha aham himam sagarasevitantam samam karissami yathapi pani @Footnote: 1. bodhetukamo. Vikiriya sanuni ca pabbatani tasma selam kandarayam pakkhipamiti. Tattha aham himanti aham hi imam mahapathavim. Sagarasevitantanti sagarehi sevitam caturantam. Yathapi paniti hatthatalam viya samam karissamiti. Vikiriyati vikiritva. Sanuni ca pabbataniti pamsupabbate ca silapabbate ca. Tam sutva brahmano tatiyam gathamaha nayimam mahim arahati panikappam samam manusso karanayameko mannamimanneva darim jigimsam karandiya hayasi jivalokanti. Tattha karanayamekoti karanaya eko katum na sakkotiti dipeti. Mannamimanneva darim jigimsanti aham mannami titthatu pathavi imanneva etam darim jigimsam puranatthaya vayamanto silani pariyesanto upayam vicintentova tvam imam jivalokam hayasi jahissasi marissasiti attho. Tam sutva manavo catuttham gathamaha sace ayam bhutadharam na sakko 1- samam manusso karanayameko evameva tvam brahme ime manusse nanaditthike nanayissasi teti. @Footnote: 1. sattho. Tassattho sace ayam eko manusso imam bhutadharam mahapathavim samam katum na sakko na samattho evameva tvam ime dussilamanusse nanaditthike nanayissasi te evam silam ganhathati vadanto attano vasam na anayissasi panditapurisayeva hi panatipatam akusalanti garahanti samsaramocakadayo panettha kusalasannino te tvam katham anayissasi tasma ditthaditthanam silam adatva yacantananneva dehiti. Tam sutva acariyo yuttam vadati karandiyo idani na evam karissamiti attano viruddhabhavam natva pancamam gathamaha sankhittarupena bhavam mamattham akkhasi karandiya evametam yatha na sakko pathavi samayam katum manussena tatha manussati. Tattha samayanti sama ayam. Evam acariyo manavassa thutim akasi. Sopi nam codetva sayam gharam nesi. Sattha imam dhammadesanam aharitva jatakam samodhanesi tada brahmano sariputto ahosi karandiyapandito pana ahamevati. Karandiyajatakam chattham --------The Pali Atthakatha in Roman Book 38 page 441-445. http://84000.org/tipitaka/atthapali/read_rm.php?B=38&A=9161&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=38&A=9161&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=27&i=727 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=3454 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=3413 The Pali Tipitaka in Roman Character :- http://84000.org/tipitaka/read/roman_read.php?B=27&A=3413 Contents of The Tipitaka Volume 27 http://84000.org/tipitaka/read/?index_27
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]