ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext book chage to ROMAN letter  
Atthakatha Book 49 : PALI ROMAN Apa.A.1 (visuddha.1)

                     10. Anandattherapadanavannana
     aramadvara nikkhammatiadikam ayasmato anandattherassa apadanam.
Ayampi purimabuddhesu katadhikaro tattha tattha bhave vivattupanissayani punnani
upacinanto padumuttarassa bhagavato kale hamsavatinagare satthu vematikabhata
hutva nibbatti. Sumanotissa namam ahosi. Pita panassa nandaraja nama.
So attano puttassa sumanakumarassa vayappattassa hamsavatinagarato visayojanasate
thane bhoganagaram adasi. So kadaci kadaci agantva sattharanca pitarance
passati. Tada raja sattharanca satasahassaparimanam bhikkhusamghanca sayameva
sakkaccam upatthahi, annesam upatthatum na deti.
@Footnote: 1 Si. patissaraka.  2 paccapadi (thera. A. 1/171).
     Tena samayena paccanto kupito ahosi. Kumaro tassa kupitabhavam
ranno anarocetva 1- sayameva tam vupasamesi. Tam sutva raja tutthamanaso
"varam te tata dammi, ganhahi"ti aha. Kumaro "sattharam bhikkhusamghanca
temasam upatthahanto jivitam avanjham 2- katum icchami"ti aha. Etam na sakka,
annam vadehiti. Deva khattiyanam dve katha nama natthi, etam mama 3- dehi,
na mayham annenattho, sace sattha anujanati, dinnamevati. So `satthu
cittam janissami"ti viharam gato. Tena ca samayena bhagava gandhakutim pavittho
hoti. So bhikkhu upasankamitva "aham bhante bhagavantam dassanaya agato,
dassetha man"ti. Bhikkhu "sumano nama thero satthu upatthako, tassa santikam
gacchahi"ti ahamsu. So therassa santikam gantva "sattharam bhante dassetha"ti
aha. Atha thero tassa passantasseva pathaviyam nimujjitva bhagavantam upasankamitva
"rajaputto bhante tumhakam dassanaya agato"ti aha. Tena hi bhikkhu bahi
asanam pannapehiti. Thero punapi buddhasanam gahetva antogandhakutiyam
nimujjitva tassa passantassa bahiparivene patubhavitva gandhakutiparivene
asanam pannapesi. Kumaro tam disva "mahanto vatayam bhikkhu"ti cittam
uppadesi.
     Bhagavapi gandhakutito nikkhamitva pannattasane nisidi. Rajaputto
sattharam vanditva patisanthavam katva ayam bhante thero tumhakam sasane
vallabho manneti. Ama kumara vallabhoti. Kim katva bhante esa vallabhoti.
Danadini punnani katvati. "bhagava ahampi ayam thero viya anagate
buddhasasane vallabho hotukamo"ti so buddhappamukhassa samghassa sattaham
khandhavare bhattam datva sattame divase "bhante maya pitu santika tumhakam
temasam patijagganavaro laddho, temasam mama 4- vassavasam adhivasetha"ti
vatva satthu adhivasanam viditva saparivaram bhagavantam gahetva yojane yojane
satthu bhikkhusamghassa ca vasananucchavike vihare karetva tattha tattha vasapento
@Footnote: 1 i. arocetva.  2 Ma. avajjham.  3 cha.Ma. me  4 cha.Ma. me.
Attano vasanatthanasamipe satasahassena kite sobhananamake uyyane satasahassena
karitam viharam pavesapetva:-
               "satasahassena me kitam   satasahassena karitam
               sobhanam nama uyyanam    patigganha mahamuni"ti
udakam patesi. So vassupanayikadivase satthu mahadanam pavattetva "imina
viharena danam dadeyyatha"ti puttadare amacce ca dane kiccakarane ca
niyojetva sayam sumanattherassa vasanatthanasamipeyeva vasanto evam attato
vasanatthane sattharam temasam upatthahi. Upakatthaya pana pavaranaya gamam
pavisitva sattaham mahadanam pavattetva sattame divase satthu bhikkhusamghassa ca
padamule ticivare thapetva vanditva "bhante yadetam maya khandhavarato
patthaya punnam katam, na tam sakkasampattiadinam atthaya katam, atha kho ahampi
sumanatthero viya anagate ekassa buddhassa upatthako vallabho bhaveyyan"ti
patthanam akasi. Sattha tassa anantarayatam disva byakaritva pakkami.
     So tasmim buddhuppade vassasatasahassam punnani katva tato parampi
tattha tattha bhave ularani punnakammani upacinitva devamanussesu samsaranto
kassapabhagavato kale kulagehe nibbatto vinnutam patva ekassa therassa
pindaya carato pattaggahanattham uttarasatakam katva pujam akasi, puna sagge
nibbattitva tato cuto baranasiraja hutva attha paccekabuddhe disva te
bhojetva attano mangaluyyane attha pannasalayo karetva tesam
nisidanatthaya attha sabbaratanamayapithe ceva maniadharake ca patiyadetva
dasavassasahassani upatthanam akasi, etani pakatani.
     Kappasatasahassam pana tattha tattha bhave punnani upacinanto amhakam
bodhisattena saddhim tusitapure nibbattitva tato cuto amitodanasakkassa gehe
nibbattitva sabbe natake anandite karonto jatoti anandotveva
namam labhi. So anukkamena vayappatto katabhinikkhamane sammasambodhim patva
Pavattitavaradhammacakke pathamam kapilavatthum gantva tato nikkhamante bhagavati tassa
parivarattham pabbajitum nikkhamantehi bhaddiyadihi saddhim nikkhamitva bhagavato
santike pabbajitva ayasmato punnassa mantaniputtassa santike dhammakatham
sutva sotapatiphale patitthahi.
     Tena ca samayena bhagavato pathamabodhiyam visativassani anibaddha
upatthaka ahesum. Ekada nagasamalo pattacivaram gahetva vicarati, ekada
nagito, ekada upavano, ekada sunakkhatto, ekada cundo samanuddeso,
ekada sagato, ekada meghiyo, te yebhuyyena satthu cittam naradhayimsu.
Athekadivasam bhagava gandhakutiparivene pannattavarabuddhasane bhikkhusamghaparivuto
nisinno bhikkhu amantesi "aham bhikkhave idani mahallako ekacce bhikkhu
`imina maggena gacchami'ti vutte annena maggena gacchanti, ekacce mayham
pattacivaram bhumiyam nikkhipanti, mayham nibaddhupatthakam ekam bhikkhum vijanatha"ti. Tam
sutva bhikkhunam dhammasamvego udapadi. Athayasma sariputto utthaya bhagavantam
vanditva "aham bhante tumhe upatthahissami"ti aha. Tam bhagava patikkhipi.
Etenupayena mahamoggallanam adim katva sabbe mahasavaka "aham
upatthahissami, aham upatthahissami"ti utthahimsu thapetva ayasmantam anandam.
Tepi bhagava patikkhipi.
     Anando pana tunhiyeva nisidi. Atha nam bhikkhu ahamsu "avuso
tvampi satthu upatthakatthanam yacahi"ti. Yacitva laddhupatthanam nama kidisam
hoti. Sace ruccati, sattha sayameva vakkhatiti. Atha bhagava "na bhikkhave anando
annehi ussahetabbo, sayameva janitva mam upatthahissati"ti aha. Tato
bhikkhu "utthehi avuso ananda, sattharam upatthakatthanam yacahi"ti ahamsu.
Thero utthahitva "sace me bhante bhagava attana laddham panitam civaram na
Dassati, panitam pindapatam na dassati, ekagandhakutiyam vasitum na dassati, nimantanam
gahetva na gamissati, evaham bhagavantam upatthahissami"ti aha. "ettake
gune labhato satthu upatthanam ko bharo"ti upavadamocanattham ime cattaro
patikkhepa, sace bhante bhagava maya gahitam nimantanam gamissati, sacaham
desantarato agatagate tavadeva 1- dassetum labhami, yada me kankha uppajjati,
tavadeva bhagavantam upasankamitva pucchitum labhami, sace bhagava parammukhadesitam
dhammam puna mayham byakarissasi, evaham bhagavantam upatthahissami. "ettakampi
satthu santike anuggaham na labhati"ti upavadamocanatthanceva dhammabhandagarika-
bhavaparipuranatthanca ima catasso yacanati ime attha vare gahetva
nibaddhupatthako ahosi. Tasseva thanantarassa atthaya kappasatasahassam puritanam
paraminam phalam papuni.
     So upatthakatthanam laddhadivasato patthaya dasabalam duvidhena udakena
tividhena dantakatthena hatthapadaparikammena pitthiparikammena gandhakutiparivena-
sammajjanenati evamadihi kiccehi upatthahanto "imaya nama velaya satthu
idam nama laddhum vattati, idam nama katum vattati"ti divasabhagam santikavacaro
hutva rattibhage mahantam dandadipikam gahetva gandhakutiparivenam navavare
anupariyayati satthari pakkosante pativacadanaya, thinamiddhavinodanattham. Atha nam
sattha jetavane ariyaganamajjhe nisinno anekapariyayena pasamsitva bahussutanam
satimantanam gatimantanam dhitimantanam upatthakananca bhikkhunam aggatthane thapesi.
     Evam satthara pancasu thanesu etadagge thapito catuhi acchariyabbhutadhammehi
samannagato satthu dhammakosarakkho ayam mahathero sekhova samano satthari
@Footnote: 1 Si. tava.
Parinibbute hettha vuttanayena bhikkhuhi samuttejito devataya ca samvejito
"sveyeva ca dani dhammasangiti katabba, na kho pana metam patirupam,
yvayam sekho sakaraniyo asekhehi therehi saddhim dhammam gayitum sannipatam
gantun"ti sanjatussaho vipassanam patthapetva bahudeva rattim vipassanaya
kammam karonto cankame viriyasamatam 1- alabhitva tato viharam pavisitva sayane
nisiditva sayitukamo kayam avattesi. Apattanca sisam bimbohanam, pada ca
bhumito muttamatta, etasmim antare anupadaya asavehi cittam vimucci,
chalabhinno ahosi.
     [644] Evam chalabhinnadigunapatimandito upatthakadigunehi etadaggatthanam
patto attano pubbakammam saritva somanassavasena pubbacaritapadanam
dassento aramadvara nikkhammatiadimaha. Tattha aramadvarati sabbasattanam
dhammadesanatthaya viharadvarato nikkhamitva bahidvarasamipe katamandapamajjhe
supannattavarabuddhasane nisinno padumuttaro nama mahamuni sammasambuddho.
Vassanto amatam vutthinti dhammadesanamahaamatadharahi dhammavassam vassanto.
Nibbapesi mahajananti mahajanassa cittasantanagatakilesaggim nibbapesi
vupasamesi, mahajanam nibbanamatapanena santim sitibhavam papesiti attho.
     [645] Satasahassam 2- te dhirati parivarasampattim dassento aha. Chahi
abhinnahi iddhividhadinanakotthasehi samannagata anekasatasahassacakkavalesu
khanena gantum samatthahi iddhihi samannagatatta mahiddhika te dhira
satasahassakhinasava chayava anapayiniti 3- katthaci anapagata chaya iva tam
sambuddham padumuttaram bhagavantam parivarenti parivaretva dhammam sunantiti attho.
@Footnote: 1 Si., i....samakam.  2 pali. satasahassa.  3 pali. anupayini.
     [646] Hatthikkhandhagato asinti tada bhagavato dhammadesanasamaye aham
hatthipitthe nisinno asim ahosinti attho. Setacchattam varuttamanti patthetabbam
uttamam 1- setacchattam mama matthake dharayanto hatthipitthe nisinnoti sambandho.
Sucarurupam disvanati sunadaram carum manohararupavantam dhammam desiyamanam sambuddham
disva me mayham vitti 2- santutthi somanassam udapajjatha uppajjatiti attho.
     [647] Oruyha hatthikkhandhamhati tam bhagavantam nisinnam disva
hatthipitthito oruyha orohitva narasabham naravasabham upagacchim 3- samipam gatoti
attho. Ratanamayachattam meti ratanabhusitam me mayham chattam buddhasetthassa matthake
dharayinti sambandho.
     [648] Mama sankappamannayati mayham pasadena uppannam sankappam
natva isinam antare mahantabhuto so padumuttaro bhagava. Tam katham thapayitvanati
tam attana desiyamanam dhammakatham thapetva mama byakaranatthaya ima gatha
abhasatha kathesiti attho.
     [649] Kathanti ce? yo sotiadimaha. Sonnalankarabhusitam chattam
Yo so rajakumaro me matthake dharesiti sambandho. Tamaham kittayissamiti tam
rajakumaram aham kittayissami pakatam karissami. Sunotha mama bhasatoti bhasantassa
mama vacanam sunotha ohitasota manasi karothati attho.
     [650] Ito gantva ayam posoti ayam rajakumaro ito manussalokato
cuto tusitam gantva avasissati tattha viharissati. Tattha accharahi purakkhato
parivarito tusitabhavanasampattim anubhossatiti sambandho.
@Footnote: 1 Si. pithe thapetabbam uttamam.  2 pali. piti.  3 pali. upaganchim.
     [651] Catuttimsakkhattunti tusitabhavanato cavitva tavatimsabhavane uppanno
catuttimsavare devindo devarajjam karissatiti sambandho. Baladhipo atthasatanti
tavatimsabhavanato cuto manussaloke uppanno baladhipo caturanginiya senaya
adhipo padhano atthasatajatisu padesaraja hutva vasudham anekaratanavaram pathavim
avasissati puthabyam viharissatiti attho.
     [652] Atthapannasakkhattunti atthapannasajatisu cakkavatti raja
bhavissatiti attho. Mahiya sakalajambudipapathaviya vipulam asankhyeyyam padesarajjam
karayissati.
     [654] Sakyanam kulaketussati sakyarajunam kulassa dhajabhutassa buddhassa
natako bhavissatiti attho.
     [655] Atapiti viriyava. Nipakoti nepakkasankhataya pannaya
samannagato. Bahusaccesu bahussutabhavesu pitakattayadharanesu kovido cheko.
Nivatavutti anavannattiko 1- athaddho kayapagabbiyadithaddhabhavavirahito sabbapathi
sakalapitakattayadhari bhavissatiti sambandho.
     [656] Padhanapahitatto soti so anandatthero viriyakaranaya
pesitacitto. Upasanto nirupadhiti ragupadhidosupadhimohupadhihi virahito,
sotapattimaggena pahatabbakilesanam pahinatta upasanto santakayacitto.
     [657] Santi arannakati aranne bhava mahavane jata. Satthihayanati
satthivassakale hayanabala. Tidha pabhinnati 2- akkhikannakosasankhatehi tihi
thanehi bhinnamadha. Matangati matangahatthikule jata. Isadantati
rathisasadisadanta. 3- Urulhava rajavahana. Kunjarasankhata naga hatthirajano
santi samvijjanti yatha, tatha satasahassasankha khinasavasankhata pandita
@Footnote: 1 Si. annena vinnattiko.  2 pali. tidhappabhinna.  3 Si. ramhasadisadanta.
Mahiddhika arahantanaga santi, sabbe te arahantanaga buddhanagarajassa.
Na honti panidhimhi teti te panidhimhi tadisa na honti, kim sabbe
te bhayabhita sakabhavena santhatum asamatthati attho. Sesam vuttanayatta
uttanatthamevati.
                   Anandattherapadanavannana nitthita.
                Ettavata pathama buddhavaggavannana samatta.
                        Pathamo bhago nitthito.


             The Pali Atthakatha in Roman Book 49 page 370-378. http://84000.org/tipitaka/atthapali/read_rm.php?B=49&A=9262&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=49&A=9262&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=32&i=12              เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1165              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1561              The Pali Tipitaka in Roman Character :- http://84000.org/tipitaka/read/roman_read.php?B=32&A=1561              Contents of The Tipitaka Volume 32 http://84000.org/tipitaka/read/?index_32

first pageprevious pagedispage pageNumbernext book chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com